22-ҶІ УРОК
Хайди пасхаларына Библиядаңар чоохтирға?
Библия ӱгренчеткен туста сірернің сағыс полған, арса: «Пу пілістерні прайлары пілерге киректер!» Ол уғаа чахсы сағыс. Че олох туста ол пілістернең ӱлезерге хорыхчазар, арса. Хайди ол хорығысты тобырып аларға паза, ол пілістернең ӱлезіп, хайди ӧрініс аларға піліп алаалар.
1. Библиядаң алған пілістернең таныстарыңнаң хайди ӱлес поларзар?
Иисустың ӱгренҷілері тееннер: «Піс позыбыс кӧрген паза искен нимелердеңер чоохтабин пол полбинчабыс» (Илҷілернің 4:20). Иисус чоохтаан хабар оларның чӱректеріне уғаа тың теңен, аннаңар олар ол хабарнаң прайзынаң ӱлезерге хынғаннар. Сірер дее Библиядағы пілістернең ӱлезерге хынчазар, арса? Андағда туғаннарыңнаң, таныстарыңнаң паза нанҷыларыңнаң ол хабарнаң ӱлезерге оңдай табыңар. (Колосстағыларға 4:6 хығырыбызыңар.)
Хайди чоох пастирға?
-
Туғаннарыңнаң чоохтасчатсар, піди пастап кӧріңер: «Мин пу неделяда уғаа хынығ ниме піліп алғам».
-
Нанҷыңар ағырчатса алай пірее нименің ӱчӱн сағыссырапчатса, килістіре библейскай стих хығыр пиріңер алай ыс пиріңер.
-
Тоғыста піреезі, хайди киректер тіп сурза, Библия ӱгредиинде алай ӧме чыылиинда алған пілістернең ӱлезіңер.
-
Нанҷыларыңа jw.org тіп сайтты кӧзіт пиріңер.
-
Пасхаларын Библия ӱгредиине хығырыңар алай jw.org тіп сайттағы заявканы хайди пас саларға кӧзіт пиріңер.
2. Ӧменең хада Худай сӧзін искіргені ноға турыстығ кӧстег?
Иисустың ӱгренҷілері чахсы хабарны туғаннарына ла нимес, че пасхаларына даа искіргеннер. Иисус оларны «полған на саарзар паза аалзар ікілердең Позының алнынҷа ысхан» (Лука 10:1). Худай сӧзін андағ оңдайнаң искіргені, чахсы хабарны кӧп арах кізее искірерге полысхан. Ӱгренҷілер андағ нымысчыланыс соонда ӧрініснең айланғаннар (Лука 10:17). Сірер ӧменең хада Худай сӧзін искірерге хынчазар ба?
ТИРЕҢ АРАХ ХАС КӦРІҢЕР
Хайди Библиядаңар чоохтирға хорыхпасха паза анзынаң ӧрініс аларға піліп алыңар.
3. Иегова сірерге полыс пирер
Кӧп кізілер, Худай сӧзін искір сыхсам, кізілер миннеңер ниме сағынарлар тіп хорыхчалар.
-
Библиядаң алған пілістернең ӱлезерге хорыхчазар ба? Ноға?
ВИДЕО кӧріп алып, ӱзӱрібізіңер:
-
Хайди пу чиит Киречілер хорығыстарын тобырып алғаннар?
Исайя 41:10 хығырып алып, ӱзӱрібізіңер:
-
Худай сӧзін искірерге хорыхчатсар, сірерге пазырыс хайди полыс пирер?
Пілчезер бе?
Иегованың киречілерінің аразында Худай сӧзін искірерге хорыххан кізілер кӧп. Кӧзідімге, Сергей, ол позын нимее чарабас кізее санаан паза кізілернең чоохтазарға хорыххан. Соонаң ол Библия ӱгрен сыххан. Ол чоохтапча: «Мин алған пілістернең, хорығып ала, ӱлес сыххам. Хайхастығ, че соонаң мин кізілернең чоохтазарға хорыхпин сыххам паза киртінізім пик арах пол парған».
4. Улуғласнаң чоохтаңар
Библиядаңар чоохтапчатсар, ниме чоохтирынаңар ла сағынмаңар, че ідӧк хайди чоохтирынаңар сағыныңар. 2 Тимофейге 2:24 паза 1 Петрның 3:15 хығырып алып, пу сурығларны ӱзӱрібізіңер:
-
Библиядаңар чоохтапчатсар, пу стихтардағы сағыстарнаң хайди тузалан поларзар?
-
Туғаннарыңның алай нанҷыларыңның піреелері сині истерге хынминчатсалар, хайди тудынарға? Хайди тудынмасха?
-
Пу нимее киртінерге кирек тіп чоохтир орнына, ноға, сурығлар турғысса, чахсы поларҷых?
5. Чахсы хабарнаң ӱлескені ӧрініс ағылча
Иегова Иисусха чахсы хабарны искірерге чахаан. Иисус ол чахығны хайди толдырған? Иоанн 4:34 хығырып алып, пу сурығларны ӱзӱрібізіңер:
-
Чахсы чиис кізее туза полча паза ӧрініс ағылча. Ноға Иисус Худайның кӧңнін толдырғанын, кӧзідімге, Худай сӧзін искіргенін, чиис чеенінең тиңнестірген?
-
Чахсы хабарны искіргені сірерге хайдағ ӧрініс ағыл полар?
Чӧптер
-
Неделя аразындағы чыылығларда Библиядаңар чоох пастирға полысчатхан сағыстарны сизін турыңар.
-
Неделя аразындағы чыылығларда, ӱгренҷілер тоғыстарын сірерге пирзіннер тіп, ниме сірерге идерге кирек полчатханын піліп алыңар. Ол тоғыстарны иткені чахсы хабарны искірерге полыс пирер.
-
Удаа учурапчатхан сурығларға паза тоғыр чоохха нандырарға ӱгреніп алар ӱчӱн, «Кем-де піди тіпче» паза «Кем-де сурар, арса» тіп рамкаларнаң тузаланыңар.
КЕМ-ДЕ СУРАР, АРСА: «Киректерің хайди?»
-
Піреезі іди сурза, Библиядаң алған пілістернең хайди ӱлезерзер?
ӦӦН САҒЫС
Библиядаңар чоохтасханы ӧрініс ағылча. Чоох пастирға, тізең, тың на аар полбаандыр.
Сағысха хатап кир кӧреелер
-
Ноға чахсы хабарны пасхаларына чоохтирға кирек?
-
Хайди анзын улуғласнаң идерге?
-
Хайди хорығысты тобырып аларға?
ХОЗА ІСТЕЗІҢЕР
Мына тӧрт кӧзідім хайди, jw.org тіп визитнай карточканаң тузаланып, чахсы хабарны искірерге.
Хайдағ тӧрт качество сірерге чахсы хабарнаң ӱлезерге полызар.
«Палыхчы чіли, „кізілерні тударға“ тимдезер бе?» («Сторожевой башня», ӱртӱн айы, 2020 чыл)
Кӧріп алыңар: хайди Библия кічиҷек палаларға даа Худайдаңар чоохтирға полысча.
Иеговадаңар пілбинчеткен туғаннарға хайди Библиядаңар чоохтирға?
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
