Иисус полған на христианинге кіреске тӱзерге кирек тіп ӱгреткен. (Матфей 28:19, 20 хығырыбызыңар.) Кіреске тӱскені нимедір ол паза анзына хайди тимненіп аларға?

1. Кіреске тӱскені нимедір ол?

Грек тілінең кіреске тӱзерге тіп тілбестелчеткен сӧс суға пӱкӱлее патырарын алай суға суғарын таныхтапча. Кіреске тӱскенде, Иисусты Иордан суға пӱкӱлее патырғаннар, анаң ол «суғдаң сыххан» (Марк 1:9, 10). Сын христианнар кіреске тӱсчеткен кізіні ідӧк суға пӱкӱлее патырчалар.

2. Кіреске тӱскенінең кізі ниме кӧзітче?

Кіреске тӱзіп, кізі Иегова Худайға пирін салғанын кӧзітче. Кізі хайди Иеговаа пирінче? Ол пазырыста мӧгі тус аның на кӧңнін толдырарға паза ағаа ла пазырарға сӧс пирче. Ідӧк ол Худайның кӧңнін пастағы орынға турғызарға, постың кӧңнінҷе чуртабасха, Иисус Христостың соонҷа парарға паза аның ӱгредіглерінҷе тудынарға сӧс пирче (Матфей 16:24). Худайға пирінгені паза кіреске тӱскені Иегованың чағын нанҷызы полып аларға паза аның нымысчыларының сӧбірезіне кіріп аларға оңдай асча.

3. Хайди кіреске тӱзерге тимненіп аларға?

Кіреске тӱзер алнында, кізее Иеговадаңар пілістер аларға паза ағаа киртіністі тыыдарға кирек. (Еврейлерге 11:6 хығырыбызыңар.) Сірернің нинҷе кӧп піліс паза киртініс полар, Иеговаа хыныс анҷох кӧп ӧзер. Ол хыныс пасхаларына Иеговадаңар чоохтирға паза аның нормаларынҷа чуртирға кӧӧктірер (2 Тимофейге 4:2; 1 Иоанның 5:3). Кізі, Худайның нымысчызы чіли, тудын сыхса паза аның кӧңнінҷе чуртап сыхса, ол Худайға пирінерге паза кіреске тӱзерге хынар a (Колосстағыларға 1:9, 10).

 ТИРЕҢ АРАХ ХАС КӦРІҢЕР

4. Иисустың кіреске тӱскені пісті нимее ӱгретче?

Матфей 3:13—17 хығырып алып, Иисустың хайди кіреске тӱскенін піліп алыңар. Анаң пу сурығларны ӱзӱрібізіңер:

• Иисус, кіреске тӱскенде, час пала полған ма?

• Иисус хайди кіреске тӱскен? Ағаа суғ чачыратханнар ба алай ол хайдағ-да пасха оңдайнаң кіреске тӱскен ме?

Иисус, кіреске тӱзіп алып, Иегова пирген уғаа аарлығ тоғысты ит сыххан. Лука 3:21—23 паза Иоанн 6:38 хығырып алып, ӱзӱрібізіңер:

• Кіреске тӱскен соонда, Иисусха хайдағ тоғыс иң аарлығ пол парған?

5. Кіреске тӱскені чит полбас кӧстег тіп сағынмаңар

Чуртасты Иеговаа пир саларға паза кіреске тӱзерге сағыс пастап хорығыстығ пілдірер, арса. Пола-пола ікінҷілестер чох пол парарлар. Анаң сірер пу аарлығ пӧгінні ал поларзар. Мына нинҷе-де кӧзідім. ВИДЕО кӧріп алыңар.

Иоанн 17:3 паза Иаковтың 1:5 хығырып алып, ӱзӱрібізіңер:

• Кіреске тӱзерге тимненіп аларға ниме полыс пирер?

1. А. Иеговаа пирінчеткен пазырыста кізі ағаа мӧгі тус нымысчыланарға хынчам тіп чоохтапча

2. Б. Кіреске тӱзіп, кізі позының чуртазын Худайға пир салғанын кӧзітче

 6. Кіреске тӱскені Иегованың сӧбірезінің чардығы полып аларға оңдай пирче

Иегованың кіреске тӱскен киречілері хайдағ даа хазналарда чуртапчатсалар паза хайдағ даа национальностьтығ ползалар, пір киртіністіг паза пір нравственнай нормалар хоостыра чуртапчалар. Псалом 25:14 паза 1 Петрның 2:17 хығырып алып, ӱзӱрібізіңер:

• Хайди кіреске тӱзерге пӧгін алғаны кізінің Иегованаң паза ағаа нымысчыланчатхан кізілернең палғалызына теелче?

 ӦӦН САҒЫС

Иисус полған на христианинге кіреске тӱзерге кирек тіп ӱгреткен. Кіреске тӱзіп алар ӱчӱн, Иеговаа киртініс тыыдарға, аның нормаларынҷа чуртирға паза пазырыста Худайға пирін саларға кирек.

Сағысха хатап кир кӧреелер

• Кіреске тӱскені нимедір ол паза ноға кіреске тӱзерге кирек?

• Кіреске тӱзіп, кізі ниме кӧзітче?

• Иеговаа пазырыста пирін салар паза кіреске тӱзер алнында кізее ниме идерге кирек?