24-ҶІ УРОК
Ангеллердеңер сын
Иегова пісті аның тигірдегі сӧбірезінең танызып алзыннар тіп хынча. Аның тигірдегі сӧбірезіне ангеллер кірчелер. Олар Худайның ооллары тіп адалчалар (Иов 38:7). Библияда ангеллердеңер ниме пазылча? Хайди олар кізілерге влиять полчалар? Прай ангеллер Худайның сӧбірезінің чардығы полчалар ба?
1. Ангеллер кемнер олар?
Иегова ангеллерні чирдең хай-хай пурун чайап салған. Ангеллер, Иегова чіли, тигірде чуртапчалар. Кізілерге олар кӧрінминчелер (Еврейлерге 1:14). Нинҷе-нинҷе миллион ангел пар, удур-тӧдір тӧӧй ангел чоғыл (Азых чоох 5:11). Олар Иегованың ӱнін истіп, аның сӧзін толдырчалар (Псалом 103:20). Пурунғыда Иегова ангеллерні кізілерге полызарға, оларны арачылирға паза оларға аарлығ хабар искірерге ысчаң. Пӱӱн ангеллер христианнарға Худайдаңар піліп аларға хынчатхан кізілерні таап аларға полысчалар.
2. Сайтан паза айналар кемнер олар?
Пірее ангеллер Иеговаа киртістіг халбааннар. Худайдаң тоғыр парған пастағы ангел Дьявол паза Сайтан тіп адалча; ол прай чир ӱстӱндегі кізілерні алаахтырча (Азых чоох 12:9). Ол кізілернең устирға хынған, аннаңар пастағы кізілерні Худайдаң тоғыр парарға кӧӧктірген. Сайтанның тоғырланызына ідӧк пірее ангеллер хозылғаннар. Олар айналар тіп адалчалар. Иегова оларны тигірдең сӱрібіскен. Нинҷе-де тус пазынаң Худай оларны чох идібізер. (Азых чоох 12:9, 12 хығырыбызыңар.)
3. Хайди Сайтан паза айналар пісті алаахтырып аларға кӱстенчелер?
Сайтан паза айналар кӧп кізілерні спиритизм (демонизм) пастыра алаахтырып аларға кӱстенчелер. Спиритизм — ол айналарнаң палғалысханы. Кӧзідімге, піреелері астрологтарзар, хамнарзар паза сыбырағҷыларзар айланчалар. Пасхалары, тізең, гороскоптар хығырчалар, тӱстер ниме таныхтапчатханын піліп аларға кӱстенчелер паза тӧлке салчалар. Піреелері, айналарнаң палғалызып, имненерге кӱстенчелер. Ідӧк кӧп кізі ӱрееннернең чоохтазып аларға чарир тіп киртінче. Анзы айналарның хахпаны. Иегова піске чоохтапча: «Хуттарны хығырчатханнарзар айланмаңар паза алнында ниме поларын чоохтапчатханнарнаң чӧптеспеңер» (Левит 19:31). Іди Иегова пісті Сайтаннаң паза айналардаң арачылапча. Олар Иегованың ыырҷылары паза піске хомай идерге кӱстенчелер.
ТИРЕҢ АРАХ ХАС КӦРІҢЕР
Піліп алыңар: хайди ангеллер кізілерге полысчалар, спиритизм нименең хорғыстығ паза хайди Сайтаннаң паза айналардаң арачыланып аларға.
4. Ангеллер кізілерге Иеговадаңар піліп аларға полысчалар
Худайның ангеллері кізілерге чахсы хабарны постары чоохтабинчалар. Олар Худайның нымысчыларына Иеговадаңар піліп аларға хынчатхан кізілерні таап аларға полысчалар. Азых чоох 14:6, 7 хығырып алып, пу сурығларны ӱзӱрібізіңер:
-
Ноға, чахсы хабарны искірер ӱчӱн, ангеллернің полызии кирек?
-
Ангеллер Библиядаңар піліп аларға хынчатхан кізіні таап аларға полысчалар. Анзын піліп алғаны кӧңніңерні кӧдірче бе? Ноға?
5. Спиритизмнең оортах тудыныңар
Сайтан паза айналар — Иегованың ыырҷылары, олар ідӧк пістің ыырҷыларыбыс. Лука 9:38—42 хығырып алып, ӱзӱрібізіңер:
-
Айналар кізілерні хайди итчелер?
Піс айналарны постарыбыстың чуртазыбысха кирерге хынминчабыс. Второзаконие 18:10—12 хығырып алып, пу сурығларны ӱзӱрібізіңер:
-
Хайди айналар сірерге влиять поларға паза сірернең палғалызарға кӱстенчелер? Сірер чуртапчатхан орында хайдағ кибірлер удаа учурапчалар?
-
Иегованың спиритизмнең айғазарға чаратпинчатханы орта ба? Чарыда чоохтап пиріңер.
ВИДЕО кӧріп алып, пу сурығларны ӱзӱрібізіңер:
-
Хайди сағынчазар, Палеса хызыҷағының холына палғап салған амулет оларға хомай ит поларҷых па? Ноға?
-
Айналардаң арачыланып алар ӱчӱн, Палесаа ниме идерге кирек полған?
Сын христианнар айналарны постарынзар пір дее чағын итпинчелер. Илҷілернің 19:19 паза 1 Коринфтегілерге 10:21 хығырып алып, ӱзӱрібізіңер:
-
Ноға спиритизмнең палғалыстығ нимелерні прай чох идерге кирек?
6. Сайтанны паза айналарны чиңіп алыңар
Айналарнаң Сайтан устапча, Худайға киртістіг ангеллернең архангел Михаил устапча (Иисус Христостың паза пір ады). Михаилнің кӱзі нинҷе илбек? Азых чоох 12:7—9 хығырып алып, пу сурығларны ӱзӱрібізіңер:
-
Кемнің кӱзі кӧп: Михаилнің паза аның ангеллерінің алай Сайтанның паза аның айналарының?
-
Иисус Христостың ӱгренҷілеріне Сайтаннаң паза аның айналарынаң хорығарға кирек пе?
Сірер Сайтанны паза аның айналарын ут поларзар. Иаковтың 4:7 хығырып алып, ӱзӱрібізіңер:
-
Хайди посты Сайтаннаң паза айналардаң арачылирға?
КЕМ-ДЕ ПІДИ ТІПЧЕ: «Спиритизмнең палғалыстығ ойыннар ойнаанында паза фильмнер кӧргенінде пір дее хомай ниме чоғыл. Ол тусты ла хынығ иртіргені».
-
Андағ сағыс нименең хорғыстығ?
ӦӦН САҒЫС
Худайға киртістіг ангеллер піске полысчалар. Сайтан паза аның айналары Иегованың ыырҷылары. Олар спиритизм пастыра кізілерні алаахтырчалар.
Сағысха хатап кир кӧреелер
-
Хайди ангеллер кізілерге Иеговадаңар піліп аларға полысчалар?
-
Сайтан паза айналар кемнер олар?
-
Спиритизмнең хыйа тудынарға хынчазар ба? Ноға?
ХОЗА ІСТЕЗІҢЕР
Иисус Христос архангел Михаил полчатханына киречілестер кӧр кӧріңер.
Піліп алыңар: ноға Дьявол олаңай ла чабал ниме нимес.
Айналарның холынаң позып алған ипчідеңер хығырып алыңар.
«Ол чуртастың смыслын таап алған» («Сторожевой башня», 1 от айы, 1993 чыл)
Спиритизм пастыра Сайтан кізілерні хайди алаахтырчатханын піліп алыңар.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
