25-ҶІ УРОК
Худай кізілерні хайдағ кӧстегнең чайап салған?
Библияда кізілернің чуртазынаңар хап-орта пазылча: «Кізінің чуртазы хысхаҷах паза аның чуртазында пичеллер толдыра» (Иов 14:1). Худай пісті іди чуртазыннар тіп хынған ма? Хынмаан полза, аның сағызы хайдағ? Ол сағынған оңдайнаң полар ба? Пу сурығларға Библия ізеніс пирчеткен нандырығлар пирче.
1. Иегова пісті хайди чуртазыннар тіп хынча?
Иегова пісті иң чахсы чуртаснаң чуртазыннар тіп хынча. Пастағы кізілерні, Адамнаң Еваны, чайап салғанда, ол оларны Эдем тіп адалчатхан уғаа сіліг садта, алай райда, чуртат салған. Анаң Худай, оларны алғастап, теен: «Пала тӧрідіп, кӧптеліңер, чирге толыңар, аны мааннап кӧріңер» (Бытие 1:28). Иегова оларның палалары ползын, прай чир ӱстӱ рай пол парзын паза олар малларны кӧрзіннер тіп хынған. Ідӧк Худай кізілер саңай хазых, мӧгі чуртазыннар тіп хынған.
Пӱӱн чуртас андағ чахсы полбаза даа, Худай позының сағызын алыстырбаан (Исайя 46:10, 11) a. Аның чооғын исчеткен кізілер иң чахсы, мӧгі чуртас чуртазыннар тіп, ол ам даа хынча. (Азых чоох 21:3, 4 хығырыбызыңар.)
2. Хайди постың чуртазын смысллығ идіп аларға?
Иегова пісті аны пілерге паза ағаа пазырарға кирексінер иде чайап салған. (Матфей 5:3—6 хығырыбызыңар.) Ол пісті аның нанҷылары ползыннар, аның прай чолларынҷа чӧрзіннер, ағаа хынзыннар паза прай чӱрекнең нымысчыланзыннар тіп хынча (Второзаконие 10:12; Псалом 25:14). Андада ла, хайдағ даа сидіктер ползалар, піс сынап часкалығ поларбыс. Иеговаа пазырчатсабыс, піс чуртазыбысты аның сағызының хоостыра апарчабыс, аннаңар чуртазыбыс смысллығ пол парча.
ТИРЕҢ АРАХ ХАС КӦРІҢЕР
Иегова піске чирні илбек хыныснаң тимнеп пиргенін паза аның Сӧзінде чуртастың смыслынаңар ниме чоохталчатханын піліп алыңар.
3. Иегова кізілерге уғаа чахсы чуртас пирерге хынча
ВИДЕО кӧріп алып, ӱзӱрібізіңер:
-
Ноға Худай пістің уғаа сіліг планетабысты чайап салған?
Экклезиаст 3:11 хығырып алып, ӱзӱрібізіңер:
-
Пу стихтаң Иеговадаңар ниме піліп алдар?
4. Иегованың сағызы алыспаан
Псалом 37:11, 29 паза Исайя 55:11 хығырып алып, ӱзӱрібізіңер:
-
Иегованың кізілердеңер сағын салған сағызы алыспаанын хайдаң пілчебіс?
Кізі чахсы кӧрбеен ӱчӱн иңзеріл сыххан тураны тыхтап аларға чарир. Кізілер, чахсы кӧрбин, ардат салған чирні Худай паза ағаа хынчатхан кізілер ідӧк оңдайлап саларлар
5. Иеговаа пазырғаны пістің чуртазыбысты сын смысллығ итче
Чуртастың сын смыслын пілгені кізіні часкалығ ит полар. ВИДЕО кӧріп алып, ӱзӱрібізіңер:
-
Теруми чуртастың сын смыслын піліп алған ма?
Экклезиаст 12:13 хығырып алып, ӱзӱрібізіңер:
-
Прай піске иткен нимелернің ӱчӱн Иеговаа алғызыбысты хайди читір поларбыс?
КЕМ-ДЕ СУРАР, АРСА: «Чуртастың кӧстии хайдағ?»
-
Хайди нандырарҷыхсар?
ӦӦН САҒЫС
Иегова пісті чирде иң чахсы чуртаснаң чуртазыннар тіп хынча. Ағаа прай чӱрекнең пазырчатсабыс, чуртазыбыс амох сын смысллығ пол парча.
Сағысха хатап кир кӧреелер
-
Иегова Адамнаң Ева хайдағ чуртаснаң чуртазыннар тіп хынған?
-
Худайның кізілердеңер сағын салған сағызы алыспаанын хайдаң пілчебіс?
-
Хайди чуртазыңарны сын смысллығ ит поларзар?
ХОЗА ІСТЕЗІҢЕР
Эдемдегі сад сынап полғаннаңар киречілестерні кӧр кӧріңер.
«Эдемдегі сад — нымах ла ба?» («Сторожевой башня», 1 кӱрген айы, 2011 чыл)
Чир хаҷан даа чох пол парбас. Ноға анзына киртінерге чарирын піліп алыңар.
Чуртастың смыслы хайдағ тіп сурыға Библия хайди нандырчатханын хығырып алыңар.
Прай нимезі пар кізі ағаа читпинчеткен нимені хайди таап алғанын піліп алыңар.
a Ноға чуртас андағ хомай пол парғанын мының соондағы уроктаң кӧп арах піліп аларзар.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
