26-ҶЫ УРОК
Ноға чир ӱстӱнде анҷа кӧп чабал киректер паза иреелер?
Пірее хомай ниме пол парза, кізілер сурчалар: «Ноға андағ ниме пол парды?» Библия пу сурыға пілдістіг нандырығ пирче. Анзы хайдағ ӧріністіг!
1. Хайди Сайтан чабал киректернің ӱчӱн пыролығ пол парған?
Сайтан Дьявол Худайдаң тоғыр пар сыххан. Ол ӱлгӱ тударға хынған, аннаңар пастағы кізілерні, Адамнаң Еваны, Худайдаң тоғыр парарға кӧӧктіріп алған (Бытие 3:1—5). Сайтан Худай кізілердең чахсы ниме чазырча тіп чойланған. Худайның чооғын испезелер, хай-хай часкалығ поларлар теен. Сайтан, Еваны хаҷан даа ӱребес тіп, пастағы чой чоох чоохтаан. Аннаңар Библияда Сайтан «чой паза чойның пабазы» тіп адалча (Иоанн 8:44).
2. Адамнаң Ева кемнің чооғын искеннер?
Иегова Адамнаң Еванаң паарсаснаң тудынған. Худай оларға пір ле ағастаң пасха прай ағастардаң чирге чаратхан (Бытие 2:15—17). Олар Худайның чооғын испееннер. Ева чирге чарабас «ағастың чистегін алып, чіп сыххан». Соонаң Адам ол ағастың чистегін ідӧк чеен (Бытие 3:6). Олар Худайның чахиин толдырбааннар. Адамнаң Ева толдыра, чазых чох кізілер полғаннар, аннаңар олар орта тудын поларҷыхтар. Че олар, піле тура, Иеговадаң тоғыр пар сыхханнар. Іди тудынып, олар Иегованың чооғын истерге хынминчатханнарын кӧзіт пиргеннер. Ол пӧгін оларға кӧп ирее ағылған (Бытие 3:16—19).
3. Адамнаң Ева алған пӧгін піске хайди теелген?
Адамнаң Ева, чазых ит салған соонда, чазыхтығ толдыра нимес пол парғаннар. Оларның тӧлі чазыхты ӱлӱске алған. Библияда Адамнаң «пастыра тилекейге чазых кірген. Чазыхнаң хада, тізең, ӧлім килген. Іди ӧлім прай кізілерге килген» тіп чоохталча (Римдегілерге 5:12).
Кізілер аймах-пасха нимелернің ӱчӱн ирееленчелер. Пірееде постарыбыстың алҷаастарыбыстың, пірееде пасха кізілернің ӱчӱн ирееленчебіс. Пірееде, тізең, килістіре нимес туста паза килістіре нимес орында пол парчабыс. (Экклезиаст 9:11 хығырыбызыңар.)
ТИРЕҢ АРАХ ХАС КӦРІҢЕР
Піліп алыңар: чир-чалбахта анҷа кӧп чабал киректер паза иреелер полчатхан ӱчӱн ноға Худайны пыролирға чарабас паза, піске хомай полза, Худайның чӱреенде ниме полча?
4. Кізілернің иреелерінде сынында кем пыролығ?
Кӧп кізі Худай чир-чалбахнаң устапча тіп киртінче. Че анзы андағ ба? ВИДЕО кӧріп алыңар.
Иаковтың 1:13 паза 1 Иоанның 5:19 хығырып алып, ӱзӱрібізіңер:
-
Худай кізілернің иреелерінде пыролығ ба?
5. Сайтанның устааны нимее ағылған?
Бытие 3:1—6 хығырып алып, пу сурығларны ӱзӱрібізіңер:
-
Сайтан хайдағ чой чоох чоохтаан? (4-ҷі паза 5-ҷі стихтарны кӧріңер.)
-
Сайтан хайдағ сӧстернең Иегова кізілердең чахсы нимені чазырча тіп кӧзіт пирерге хынған?
-
Сайтанның чооғы хоостыра, часкалығ полар ӱчӱн, кізілерге Иегова кирек пе?
Экклезиаст 8:9 хығырып алып, ӱзӱрібізіңер:
-
Иегова чир-чалбахнаң устабиныбысхан соонда, чуртас хайди алыс парған?
-
А. Адамнаң Ева чазых чох, толдыра кізілер полғаннар паза райда чуртааннар. Че, Сайтанның чооғын истіп, Худайдаң хыйа айланыбысханнар
-
Б. Оларның тоғырланызының ӱчӱн, чир-чалбахха чазых, иреелер паза ӧлім тол парған
-
В. Иегова чазыхты, иреелерні паза ӧлімні чох идібізер. Кізілер толдыра кізілер пол парарлар паза райда хатап чуртирлар
6. Пістің ирееленчеткенібісті кӧріп, Иегованың чӱрее ағырча
Пістің чобағларыбысха Худайның кирегі халбинча ба? Кӧріңер, Давид хан паза Петр илҷі ниме пасханнар. Псалом 31:7 паза 1 Петрның 5:7 хығырып алып, ӱзӱрібізіңер:
-
Иегованың сірерге хомай полчатханын пілчеткені паза сірерге айапчатханы чӱрееңерге хайди теепче?
7. Худай иреелерні саңай чох идібізер
Исайя 65:17 паза Азых чоох 21:3, 4 хығырып алып, ӱзӱрібізіңер:
-
Иегова полған на кізінің харах чазын чызыбызарын пілгені ноға часхарыстығ?
Пілчезер бе?
Сайтанның пастағы чой чооғы Иеговадаңар чой чоох полған. Ол Иегованың чахсы паза хыныстығ устағҷы полчатхан репутациязын сайбабысхан. Ӱр ниместең Иегова прай иреелерні чох идібізер. Ирее пір дее чох полғанға тӧӧй полар. Іди ол позының чахсы адын арығлап алар. Паза аның устааны иң чахсы устағ полчатханын кӧзіт пирер. Иегованың адын чой чоохтаң арығлааны иң аарлығ кӧстег (Матфей 6:9, 10).
КЕМ-ДЕ ПІДИ ТІПЧЕ: «Худай кізілерні иреелензіннер тіп чайап салған».
-
Сірер ниме тирзер?
ӦӦН САҒЫС
Сынында Сайтан Дьявол паза пастағы кізілер, Адамнаң Ева, чир ӱстӱндегі чабал киректернің ӱчӱн пыролығлар. Пістің ирееленчеткенібісті кӧріп, Иегованың чӱрее ағырча. Аннаңар ол ӱр ниместең прай иреелерні чох идібізер. Ирее пір дее чох полғанға тӧӧй полар.
Сағысха хатап кир кӧреелер
-
Сайтан Дьявол Еваа хайдағ чой чоох чоохтаан?
-
Адамнаң Еваның тоғырланызы піске хайди теелче?
-
Піс ирееленчетсебіс, Иегованың чӱрее ағырчатханын хайдаң пілчебіс?
ХОЗА ІСТЕЗІҢЕР
Библия нимені чазых тіп адапчатханын піліп алыңар.
Эдем садында Сайтан Дьявол кӧдірген сурығлардаңар кӧп арах піліп алыңар.
«Ноға Худай иреелерні чох итпинче?» («Сторожевой башня», 1 кӱрген айы, 2014 чыл)
Пу сидік сурыға нандырығ сірерні часхарар.
«Ноға холокост полған? Ноға Худай аны чаратхан?» (веб-статья)
Пір ирен чуртас ноға андағ аар полчатханын піліп алған. Ол позынаңар чоохтапча.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
