28-ҶІ УРОК
Иегованаң Иисусха алғызыбысты хайди читірерге?
Сірерге кем-де аарлығ сыйых сыйлап пирген полза, хайди поларҷыхсар? Алғыстирҷыхсар, ол кізее удур ниме-де сыйлап пирерге хынарҷыхсар. Иегованаң Иисус піске иң аарлығ сыйых сыйлап пиргеннер. Хайдағ сыйых? Хайди ол сыйыхтың ӱчӱн алғызыбысты читірерге?
1. Худайнаң Иисусха олар піске иткен нимелернің ӱчӱн алғызыбысты хайди читірерге?
Библияда Иисусха киртінчеткен полған на кізі мӧгі чуртир тіп чоохталча (Иоанн 3:16). Иисусха киртінізібісті киректерібіснең кӧзідерге кирек. Ідӧк, алчатхан пӧгіннерібісте киртініс кӧрінерге кирек (Иаковтың 2:17). Киртінізібісті киректерібіснең паза сӧстерібіснең кӧзітчетсебіс, Иегованаң паза Иисуснаң ынархазыбыс тыып одырар. (Иоанн 14:21 хығырыбызыңар.)
2. Иеговаа паза Иисусха алғызыбысты читірерге хайдағ пайрам полысча?
Ӱрир кӱннің алнындағы иирде Иисус ӱгренҷілеріне толығның ӱчӱн алғыстарын читірерге паза пір оңдай ас пирген. Ол иирде Иисус уғаа аарлығ пайрам тӧстеп салған. Библияда ол «Хан-пигні сағынып азыранғаны» тіп адалча; ідӧк аны Иисус Христостың ӧлімін сағысха кирҷең азыраныс тіп адапчалар (1 Коринфтегілерге 11:20). Иисус аның илҷілері паза прай сын христианнар ол пирген тайығны сағысха кир турзыннар тіп хынған. Иисус ол ӱлӱкӱннеңер піди теен: «Мынзын, Мині сағысха киріп, ит турыңар» (Лука 22:19). Иирдегі азыранысха кил турзар, Иегова паза Иисус сірерге илбек хыныстарын кӧзіткен ӱчӱн оларға алғызыңарны читірерзер.
ТИРЕҢ АРАХ ХАС КӦРІҢЕР
Иеговаа паза Иисусха оларның илбек хыныстарының ӱчӱн алғызыбысты паза хайди читірерге? Ноға Иисус Христостың ӧлімін сағысха кирҷең Иирдегі азыраныста пол турарға кирек? Нандырығларны піліп алыңар.
3. Алғыстығ полғаны ниме-де идерге кӧӧктірче
Сірернің чуртазыңарны пірее кізі ӧлімнең ал халған полза, аннаңар ундут саларҷыхсар ба? Ікінҷілестіг. Ол кізіні алғыстирға оңдай хайди даа таап аларҷыхсар.
Иегованың на сылтаанда піс чуртапчабыс. 1 Иоанның 4:8—10 хығырып алып, пу сурығларны ӱзӱрібізіңер:
-
Ноға Иисустың толии — иң аарлығ сыйых?
-
Иегова паза Иисус сірерге иткен нимелернің ӱчӱн ниме чувствовать полчазар?
Хайди Иеговаа паза Иисусха алғызыбысты читірерге? 2 Коринфтегілерге 5:15 паза 1 Иоанның 4:11; 5:3 хығырыбызыңар. Полған на стихты хығырыбысхан соонда пу сурығны ӱзӱрібізіңер:
-
Пу стих хоостыра, алғызыбысты хайди читірерге?
4. Иисустаң кӧзідім алыңар
Иисустың кӧзідімінҷе чуртааны алғызыбысты читірҷең паза пір оңдай. 1 Петрның 2:21 хығырып алып, ӱзӱрібізіңер:
-
Хайди сірер Иисус Христосха кӧӧк поларзар?
Иисус Худай Сӧзіне хынған, чахсы хабарны искірген паза кізілерге полысхан
5. Иисус Христостың ӧлімін сағысха кирҷең Иирдегі азыранысха хайди даа киліңер
Пастағы Иирдегі азыраныс хайди ирткенін піліп алар ӱчӱн, Лука 22:14, 19, 20 хығырып алыңар. Анаң пу сурығларны ӱзӱрібізіңер:
-
Пастағы Иирдегі азыраныс хайди ирткен?
-
Халас паза хызыл араға нимені таныхтапчалар? (19-ҷы паза 20-ҷі стихтарны кӧріңер.)
Иисус аның ӱгренҷілері Иирдегі азыранысты чыл сай ол ӱреен кӱнде иртірзіннер тіп хынған. Аннаңар Иегованың киречілері, аның ӧлімін сағысха кирер ӱчӱн, чыл сай чыылысчалар. Ол аарлығ чыылығ хайди иртчеткенін піліп алар ӱчӱн, ВИДЕО кӧріп алыңар. Анаң пу сурығны ӱзӱрібізіңер:
-
Иирдегі азыраныс хайди иртче?
Халас паза хызыл араға — символлар. Халас Иисустың пістің ӱчӱн пирібіскен чазых чох, толдыра ит-сӧӧгін таныхтапча. Хызыл араға аның ханын таныхтапча
КЕМ-ДЕ ПІДИ ТІПЧЕ: «Арачыланып алар ӱчӱн, Иисусха киртінерге ле кирек».
-
Киртінгені ле асхынах полчатханын хайди Иоанн 3:16 паза Иаковтың 2:17 хоостыра чарыда чоохтап пирерзер?
ӦӦН САҒЫС
Иисусха киртініп паза аның ӧлімін сағысха кирҷең Иирдегі азыраныста полып, толығның ӱчӱн алғызыбысты читірчебіс.
Сағысха хатап кир кӧреелер
-
Иисусха киртіністі хайди кӧзідерге?
-
Иеговаа паза Иисусха олар сірерге иткен нимелернің ӱчӱн алғызыңарны хайди кӧзіт поларзар?
-
Ноға Иисус Христостың ӧлімін сағысха кирҷең Иирдегі азыраныста пол турарға кирек?
ХОЗА ІСТЕЗІҢЕР
Иисустың ӧлімі пісті ниме идерге кӧӧктірче?
Киртініс нимедір ол паза хайди аны кӧзідерге?
«Иегованың молҷағларына киртініңер» («Сторожевой башня», чарыс айы, 2016 чыл)
Пу статьяда, Иисус Христостың ӧлімі ағаа ниме таныхтапчатханын піліп алғанда, ипчі кізінің чуртазы хайди алыс парғаннаңар пазылча.
«Библия чуртасты алыстырча» («Сторожевой башня», 1 орғах айы, 2011 чыл)
Ноға піреелері Иирдегі азыраныста халас паза хызыл араға амзапчалар?
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
