Ӧлім кӧп ирее паза чобағ ағылча. Аннаңар Библия аны ыырҷы тіп адапча (1 Коринфтегілерге 15:26). Хайди 27-ҷі уроктаң піліп алғабыс, Иегова ол ыырҷыны чох идібізер. Че ӱреп парған кізілернең чи ниме полар? Пу уроктаң Иегованың илбек молҷаанаңар піліп аларзар. Ол миллиардтарны тірілдірібізерге сӧс пирче. Иегова оларны мӧгі чуртирға тірілдірер! Че анзы сынап полар ба? Ӱреен кізілер хайда чуртирлар: тигірде алай чирде?

1. Иегова ӱреен кізілерге ниме идер?

Иегова ӱреен кізілерні тірілдірібізерге уғаа тың хынча. Худайның киртістіг нымысчызы Иов, ӱреп парза, Худай аны тірілдірібізерінде пір дее ікінҷілебеен. Ол Худайға теен: «Син хығырарзың, мин [сыыраттаң] нандырарбын». (Иов 14:13—15 хығырыбызыңар.)

2. Ӱреен кізіні тірілдірерге оңдай парын хайдаң пілчебіс?

Иисус чирде чуртаанда, Худай ағаа кізілерні тірілдірерге кӱс пирген. Кӧзідімге, Иисус 12 частығ хызыҷахты паза ӧкіс ипчінің оолғын тірілдірібіскен (Марк 5:41, 42; Лука 7:12—15). Соонаң Иисустың нанҷызы Лазарь ӱреп парған. Аның сӧӧгі тӧрт кӱн сыыратта чатхан полза даа, Иисус аны тірілдірібіскен. Лазарьны тірілдірер алнында Иисус, Худайға пазырып алып, теен: «Лазарь! Сых пеер!» Ӱреен кізі хуюдаң сых килген (Иоанн 11:43, 44). Сағын на кӧріңер, Лазарьның нанҷылары паза туғаннары аның тірілгеніне хайди ӧрінген поларлар!

3. Ӱрееннернің хайдағ ізеніс пар?

Библия тіріліс полар тіп молҷапча (Илҷілернің 24:15). Иисус тірілдірген кізілер тигірзер парбааннар (Иоанн 3:13). Олар чирде тірілгеннеріне тың ӧрінгеннер. Ӱр ниместең Иисус миллиардтарны чирдегі райда мӧгі чуртирға тірілдірер. Худай «сыыраттарда чатчатханнар прайзы» — аның сағызындағы прай кізілер — тірілерлер тіпче. Кізілер ундут салған кізілер дее тірілерлер (Иоанн 5:28, 29).

 ТИРЕҢ АРАХ ХАС КӦРІҢЕР

4. Иисус ӱрееннерні тірілдір поларын кӧзіт пирген

Иисус позының нанҷызына, Лазарьға, ниме иткенін піліп алыңар. Иоанн 11:14, 38—44 хығырып алып, пу сурығларны ӱзӱрібізіңер:

• Лазарь сынап ӧліг полғанын хайдаң пілчебіс? (39-ҷы стихты кӧріңер.)

• Хайди сағынчазар, Лазарь тигірзер парыбысхан полза, Иисус аны чирзер нандыра айландырарҷых па?

ВИДЕО кӧріп алыңар.

5. Миллиардтар тірілерлер!

Псалом 37:29 хығырып алып, ӱзӱрібізіңер:

• Тірілгеннер хайда чуртирлар?

Иисус Иегованы пілген паза ағаа нымысчыланған кізілерні ле нимес, че пасха даа кізілерні тірілдірер. Илҷілернің 24:15 хығырып алып, ӱзӱрібізіңер:

• Ӱреен кізілернің хайзына хатап тоғазарға хынчазар?

• Фелиситинің іҷе-пабазын тіріліске ізеніс хайди часхарча паза оларға чуртирға кӱс пирче?

 ӦӦН САҒЫС

Библия миллиардтар тірілерлер тіп молҷапча. Иегова олар хатап чуртазыннар тіп хынча. Аннаңар ол Иисусха кізілерні тірілдірерге кӱс пирген.

Сағысха хатап кир кӧреелер

• Ноға Иегованаң Иисус ӱреен кізілерні тірілдірерге хынчалар?

• Тірілген миллиардтар хайда чуртирлар: тигірде алай чирде? Чарыда чоохтап пиріңер.

• Тіріліс поларына сірерні ниме киртіндірче?