31-ҶІ УРОК
Худайның Хан-ӱлгӱзі нимедір ол?
Библияның ӧӧн темазы Худайның Хан-ӱлгӱзінең кӧні палғалыстығ. Ол ӱлгӱ пастыра Худай чирні райға айландыр салар. Худайның Хан-ӱлгӱзі нимедір ол? Ол устапчатханын хайдаң пілчебіс? Хан-ӱлгӱ ниме ит салған паза алнындағы туста ниме идер? Нандырығларны пу паза мының соондағы ікі уроктардаң таап аларзар.
1. Худайның Хан-ӱлгӱзі нимедір ол паза аның Ханы кем?
Хан-ӱлгӱ — Иегова Худай турғысхан ӱлгӱ. Аның Ханы — Иисус Христос, ол тигірдең устапча (Матфей 4:17; Иоанн 18:36). Библияда ол хаҷан даа устир тіп пазылча (Лука 1:32, 33). Иисус, Хан-ӱлгӱнің Ханы, прай чир ӱстӱнең устир.
2. Иисуснаң хада кем устапча?
Иисус чалғызан устабас. Ол «полған на сӧӧктең, аймах тіллердең, аймах чоннардаң, аймах тӧллердең сыххан кізілернең» хада устир (Азых чоох 5:9, 10). Оларның саны нинҷе полар? Иисус чирде чуртааннаң ала чирде миллионар христианнар пол парғаннар. Че Иисуснаң хада устир кізілернің саны 144 000 на полар. (Азых чоох 14:1—4 хығырыбызыңар.) Пасхалары чирде чуртирлар паза Худайның Хан-ӱлгӱзінің кізілері поларлар (Псалом 37:29).
3. Худайның Хан-ӱлгӱзі кізілер турғысхан ӱлгӱлердең нименең артых?
Кізілер турғысхан ӱлгӱдегілер пірее чахсы ниме итселер дее, сағын салған сағыстарын прай толдыр полбинчалар. Оларның орнына кізілерге полызарға хынминчатхан паза постарынаңар ла сағынчатхан кізілер устап сыхчалар. Иисус, тізең, хаҷан даа устир. Худай «хаҷан даа иңзерілбес Хан-ӱлгӱ» турғыс салған (Даниил 2:44). Чир ӱстӱнде Иисустың на Хан-ӱлгӱзі полар. Ол кізілерге, сырай таллабин, прайзына пір тиң хайар. Иисус хыныстығ, чахсы паза сын тудыныстығ. Аннаңар ол кізілерні дее удур-тӧдір чахсы, хыныстығ паза сын тудыныстығ хайарға ӱгрет салар. (Исайя 11:9 хығырыбызыңар).
ТИРЕҢ АРАХ ХАС КӦРІҢЕР
Худайның Хан-ӱлгӱзі кізілер турғысхан ноо даа ӱлгӱдең артых полчатханына киречілестер кӧр кӧріңер.
4. Чирнең кӱстіг ӱлгӱ устир
Иисустың кӱзі паза ӱлгӱзі кізілер турғысхан ӱлгӱлердең хай-хай кӧп. Матфей 28:18 хығырып алып, ӱзӱрібізіңер:
-
Иисус Христос пасха ӱлгӱ тутчатханнардаң нименең артых?
Кізілернің ӱлгӱлері удаа алысча. Ағаа хоза, полған на ӱлгӱ позының чирінде устапча. Худайның Хан-ӱлгӱзінеңер чи ниме тирге чарир? Даниил 7:14 хығырып алып, пу сурығларны ӱзӱрібізіңер:
-
Худайның Хан-ӱлгӱзі иңзерілбес. Анзы нименең чахсы?
-
Худайның Хан-ӱлгӱзі прай чир ӱстӱнең устир. Анзы нименең чахсы?
5. Кізілернің ӱлгӱлерін алыстырарға кирек
Ноға кізілернің ӱлгӱлерінің орнына Худайның ӱлгӱзі турғызылар? ВИДЕО кӧріп алып, ӱзӱрібізіңер:
-
Кізілернің устааны нимее ағылған?
Экклезиаст 8:9 хығырып алып, ӱзӱрібізіңер:
-
Хайди сағынчазар, кізілернің ӱлгӱлерінің орнына Худайның Хан-ӱлгӱзін турғызарға кирек пе? Ноға іди сағынчазар?
6. Худайның Хан-ӱлгӱзінде пісті піл полчатханнар устирлар
Пістің ханыбыс, Иисус, кізі полған, аннаңар пістің уйан сариларыбысты чахсы пілче (Еврейлерге 4:15). Иисуснаң хада устир, Худайға киртістіг, 144 000 иреннер паза ипчілер аймах чоннардаң паза аймах тӧллердең сыхханнар. Оларны Иегова позы таллапча (Азых чоох 5:9).
-
Иисус паза аннаң хада устапчатханнар кізілернің сидіктерін пілчелер. Анзы сірерні часхарча ба? Ноға?
Иегова тигірде Иисуснаң хада устирға таллаан кізілер — аймах тӧллердең сыххан иреннер паза ипчілер
7. Худайның Хан-ӱлгӱзінің законнары кізілернің законнарынаң хай-хай артых
Кізілер турғысхан ӱлгӱлер кізілерні арачылапчатхан законнар сығарчалар. Худайның Хан-ӱлгӱзінің позының законнары пар, прайлары ол законнар хоостыра тудынарға киректер. 1 Коринфтегілерге 6:9—11 хығырып алып, пу сурығларны ӱзӱрібізіңер:
-
Прай кізілер Худайның нравственнай нормаларынҷа тудынған ползалар, чуртас хайди алыс парарҷых? a
-
Иегова Хан-ӱлгӱзі устаанында чуртир кізілердең аның законнарын улуғлирын сағыпча. Хайди сағынчазар, анзы орта ба? Ноға?
-
Пу законнарҷа чуртабинчатхан кізілерге алызып аларға оңдай парын хайдаң пілчебіс? (11-ҷі стихты кӧріңер.)
Кізілер турғысхан ӱлгӱлер кізілерні арачылапчатхан законнар сығарчалар. Худайның Хан-ӱлгӱзінің законнары кізілернің законнарынаң хай-хай артых
КЕМ-ДЕ СУРАР, АРСА: «Худайның Хан-ӱлгӱзі нимедір ол?»
-
Сірер хайди нандырарҷыхсар?
ӦӦН САҒЫС
Худайның Хан-ӱлгӱзі сынап устапчатхан ӱлгӱ. Ол тигірдең чирнең устир.
Сағысха хатап кир кӧреелер
-
Худайның Хан-ӱлгӱзінде кем устир?
-
Ноға Худайның Хан-ӱлгӱзі кізілернің ӱлгӱлерінең артых?
-
Хан-ӱлгӱде чуртир кізілердең Иегова ниме сағыпча?
ХОЗА ІСТЕЗІҢЕР
Иисустың сӧстерінің хоостыра, Худайның Хан-ӱлгӱзі хайда?
Ноға Иегованың киречілері чир ӱстӱндегі ӱлгее нимес, че Худайның ӱлгӱзіне киртістіглер?
Иегова тигірде Иисуснаң хада устирға турғысхан кізілердеңер Библия ниме чоохтапчатханын піліп алыңар.
Хайди пір ипчі, харибде одырчатханда, справедливостьты Худай ла турғыс поларын піліп алған?
«Справедливость прай чир ӱстӱнде поларын піліп алғам» («Усхуныңар!», кічіг хырлас айы, 2011 чыл)
a Ол нравственнай нормаларның піреелері 3-ҷі чардыхта ӱзӱрілерлер.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
