32-ҶІ УРОК
Худайның Хан-ӱлгӱзі устапча!
Худайның Хан-ӱлгӱзі 1914 чылдаң сығара устап пастаан. Олох чылдаң сығара кізілернің ӱлгӱлерінің халғанҷы кӱннері пасталыбысхан. Піс анзын хайдаң пілчебіс? Библияның ухаанҷыластарын, ідӧк 1914 чылдаң сығара кізілер паза чир-чалбахтағы чуртас хайди алыс парғанын кӧр кӧреелер.
1. Библияның ухаанҷыластары нимедеңер чоохтапчалар?
Даниилнің киндезінде, «читі тус» тоозылза, Худайның Хан-ӱлгӱзі устап пастир тіп чоохталча (Даниил 4:16, 17). Чӱзер чыллар пазынаң Иисус Христос ол тусты «Худайы чохтарның тустары» тіп адаан (Лука 21:24). Иисус чирде полғанда, ол тус ам даа тоозыл парбаанын кӧзіт пирген. Хайди піс кӧрербіс, ол читі тус 1914 чылда тоозыл парған.
2. Хайди 1914 чылдаң сығара чир-чалбах паза кізілер алыс парғаннар?
Иисустың ӱгренҷілері аннаң сурғаннар: «Тӱгенҷі тус поларына паза Синің килеріңе хайдағ танығ полар?» (Матфей 24:3). Иисус пу сурыға нандырып, Худайның Хан-ӱлгӱзінің Ханы полып устап сыхса, чирде ниме поларынаңар чоохтап пирген. Чирде чаалар, ӧзӧгіс паза чир тітірезі полар тіп ухаанҷылаан. (Матфей 24:7 хығырыбызыңар.) Библияда тӱгенҷі кӱннерде кізілер тың ардап парған ӱчӱн, чирде чуртас уғаа сидік пол парар тіп чоохталча (2 Тимофейге 3:1—5). 1914 чылдаң сығара чир-чалбахтағы чуртас паза кізілер саңай алыс парғаннар.
3. Ноға Худайның Хан-ӱлгӱзі устап пастаан соонда чир-чалбахта чуртас хомай пол парған?
Иисус Худайның Хан-ӱлгӱзінің Ханы пол парғанда, тигірде Сайтаннаң паза аның айналарынаң чаалас сыххан. Сайтан ол чаада утыр салған. Библияда Сайтан «позының ангеллерінең хада чирзер тастатхан» тіп чоохталча (Азых чоох 12:9, 10, 12). Сайтан ӱр ниместең чох пол парарын пілче, аннаңар тың чабалланча. Кізілерге кӧп арах чобағ паза ирее ағыл пирерге кӱстенче. Чир ӱстӱнде анҷа кӧп хомай ниме полчатханы хайхастығ нимес! Че Худайның Хан-ӱлгӱзі прай ол сидіктерні чох идібізер.
ТИРЕҢ АРАХ ХАС КӦРІҢЕР
Худайның Хан-ӱлгӱзі 1914 чылдаң сығара устап пастааннаңар киречілестер кӧр кӧріңер. Анзы піске ниме таныхтапчатханын піліп алыңар.
4. Библияның хронологиязы 1914 чылға кӧзітче
Худай Навуходоносорға, пурунғы Вавилонның ханына, ухаанҷыластығ тӱс кӧзіткен. Анда Навуходоносор алнында ниме поларын кӧрген. Тӱстең паза Даниилнің сӧстерінең кӧрінче: Навуходоносор позының ӱлгӱзінеңер паза Худайның Хан-ӱлгӱзінеңер тӱс кӧрген. (Даниил 4:17 хығырыбызыңар.) a
Даниил 4:20—26 хығырып алыңар, анаң таблицанаң тузаланып, пу сурығларны ӱзӱрібізіңер:
-
А. Навуходоносор хан тӱзінде ниме кӧрген? (20-ҷі паза 21-ҷі стихтарны кӧріңер.)
-
Б. Ағаснаң ниме поларға кирек полған? (23-ҷі стихты кӧріңер.)
-
В. Читі тус ирт парза, ниме поларға кирек полған? (26-ҷы стихты кӧріңер.)
Ағастаңар тӱс Худайның Хан-ӱлгӱзінең хайди палғалыстығ
УХААНҶЫЛАС (Даниил 4:20—36)
Ӱлгӱ
А. Уғаа чоон ағас
Ӱлгӱ ӱзіл парған
Б. «Ағасты узурыбызыңар» паза «читі тус ирт парзын»
Ӱлгӱ хатап турғызылған
В. «Пазох хан поларзың»
Ухаанҷылас пастағызын толғанда:
-
Г. Ағас кемні таныхтаан? (22-ҷі стихты кӧріңер.)
-
Д. Аның ӱлгӱзі хайди ӱзіл парған? (Даниил 4:29—33 хығырыбызыңар.)
-
Е. «Читі тус» ирт парғанда, Навуходоносор хайди полған? (Даниил 4:34—36 хығырыбызыңар.)
ПАСТАҒЫЗЫН ТОЛҒАНЫ
Ӱлгӱ
Г. Навуходоносор, Вавилонның ханы
Ӱлгӱ ӱзіл парған
Д. П. э. алнында 606 чыл ирт парған соонда, Навуходоносор сағысха хомай пол парған, аннаңар читі чыл устап полбаан
Ӱлгӱ хатап турғызылған
Е. Навуходоносорға сағызы айлан килген, ол хатап устап сыххан
Ухаанҷылас ікінҷізін толғанда:
-
Ж. Ағас кемні таныхтаан? (1 Летопись 29:23 хығырыбызыңар.)
-
З. Ол ханнарның ӱлгӱзі хайди ӱзіл парған? Иисус чирде чуртаанда ол ханнарның ӱлгӱзі хатап турғызылбаанын хайдаң пілчебіс? (Лука 21:24 хығырыбызыңар.)
-
И. Хаҷан паза хайда ол ӱлгӱ хатап турғызылған?
ІКІНҶІЗІН ТОЛҒАНЫ
Ӱлгӱ
Ж. Худайның сіреезінде одырған Израильнің ханнары
Ӱлгӱ ӱзіл парған
З. Иерусалим иңзеріл парған. Израильнің ханнарының ӱлгӱзі 2 520 чылға ӱзіл парған
Ӱлгӱ хатап турғызылған
И. Иисус тигірде Худайның Хан-ӱлгӱзінің Ханы полып устап пастапча
Читі тус — ол нинҷе тус?
Библияның пірее чардыхтары пасха чардыхтарын піліп аларға полысчалар. Кӧзідімге, Азых чоох тіп киндеде ӱс чарым чыл 1 260 кӱн тіп чоохталча (Азых чоох 12:6, 14). Читі тус ӱс чарым тустаң ікі хати узун, аннаңар 2 520 кӱн полча. Библияда пірееде чыл кӱн тіп адалча (Иезекииль 4:6). Даниилнің киндезіндегі читі тустаңар ухаанҷыласты пу принципнең санирға чарир. Аннаңар читі тус — ол 2 520 чыл.
5. 1914 чылдаң сығара чир-чалбах тың алыс парған
Иисус, ол Хан пол парған соонда, чир ӱстӱнде чуртас хайдағ поларын чоохтап пирген. Лука 21:9—11 хығырып алып, ӱзӱрібізіңер:
-
Мында пазылған нимелернің хайзын кӧргезер алай искезер?
Павел илҷі тӱгенҷі кӱннерде чон хайдағ пол парарын пас салған. 2 Тимофейге 3:1—5 хығырып алып, ӱзӱрібізіңер:
-
Кізілерде мында пазылған хылыхтарның хайзын сизінчезер?
6. Худайның Хан-ӱлгӱзі устапча. Киртінізіңні кӧзіт!
Матфей 24:3, 14 хығырып алып, пу сурығларны ӱзӱрібізіңер:
-
Хайдағ аарлығ, прай чир ӱстӱнде иртірілчеткен тоғыс Худайның Хан-ӱлгӱзі устапчатханын кӧзітче?
-
Ол тоғыста хайди аралас поларзар?
Худайның Хан-ӱлгӱзі устап пастап сыххан. Ол прай чир ӱстӱнең устир кӱн чағыннаң чағын полып одырча. Еврейлерге 10:24, 25 хығырып алып, ӱзӱрібізіңер:
-
Ол кӱн чағдапчатханын кӧріп, пістің полғаныбыс ла ниме идерге кирек?
Кӧзідімге, сірер пасха кізее хайди полыс пирерге алай хайди аның чуртазын ал халарға піліп алған ползар, ниме идерҷіксер?
КЕМ-ДЕ СУРАР, АРСА: «Ноға Иегованың киречілері 1914 чылдаңар сыбыра чоохтапчалар?»
-
Сірер хайди нандырарҷыхсар?
ӦӦН САҒЫС
Библияның ухаанҷыластары паза чир-чалбахтағы киректер Худайның Хан-ӱлгӱзі устапчатханын кӧзітчелер. Анзына киртінчеткенібіс Худайның Хан-ӱлгӱзінеңер пасхаларына чоохтапчатханыбыстаң паза ӧме чыылығларыбысха чӧрчеткенібістең кӧрінче.
Сағысха хатап кир кӧреелер
-
Даниилнің киндезінде ухаанҷылалған читі тус ирт парғанда, ниме пол парған?
-
Худайның Хан-ӱлгӱзі 1914 чылда устап пастаанында ноға ікінҷілебинчезер?
-
Худайның Хан-ӱлгӱзі устапчатханына киртінчеткеннеріңні хайди кӧзіт поларзар?
ХОЗА ІСТЕЗІҢЕР
Тархынҷылар паза пасха кізілер чир-чалбах 1914 чылдаң сығара хайди алыс парғаннаңар чоохтапчатханнарын піліп алыңар.
«Хаҷан кізілер ардап сыхханнар?» («Усхуныңар!», хосхар айы, 2007 чыл)
Матфей 24:14-те пазылған ухаанҷыласты піліп алғанда, пір иреннің чуртазы хайди алыс парған?
«Бейсбол минің чуртазым полған!» («Сторожевой башня», 3 №, 2017 чыл)
Даниилнің киндезінде 4-ҷі пастағда пазыл парған ухаанҷылас Худайның Хан-ӱлгӱзінеңер чоохтапчатханын хайдаң пілчебіс?
«Худайның Хан-ӱлгӱзі хаҷан устап пастаан? (1-ғы чардых)» («Сторожевой башня», 1 чарыс айы, 2014 чыл)
Ноға Даниилнің киндезіндегі 4-ҷі пастағда пазыл парған читі тус 1914 чылда тоозыл парған тирге чарир?
a Пу урокта «Хоза істезіңер» тіп рамкада халғанҷы ікі статьяны кӧріңер.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
