33-ҷі урок
Худайның Хан-ӱлгӱзі ниме ит салар?
Худайның Хан-ӱлгӱзі устапча. Ӱр ниместең ол чир ӱстӱнде уғаа кӧп алызығлар ит салар. Хан-ӱлгӱ хайдағ алызығлар идерін паза ол алызығлар сірерге хайди теңерін кӧр кӧреелер.
1. Хайди Худайның Хан-ӱлгӱзі чир ӱстӱнде амыр чуртас паза справедливость турғыс салар?
Худайның Хан-ӱлгӱзінің Ханы, Иисус Христос, чир ӱстӱнең чабал кізілерні паза кізілер турғысхан ӱлгӱлерні Армагеддон чаада хырыбызар (Азых чоох 16:14, 16). Андада Библияда пазылған молҷағ тол парар: «Ӱр ниместең хара сағыстығ кізі чох пол парар; аның орнынзар кӧрібіссең, ол анда чоғыл» (Псалом 37:10). Хан-ӱлгӱнең пастыра Иисус чир ӱстӱнде амыр чуртас паза справедливость турғыс салар. (Исайя 11:4 хығырыбызыңар.)
2. Худайның сағын салған сағызы тол парза, чир ӱстӱнде хайдағ чуртас полар?
Худайның Хан-ӱлгӱзі устап сыхса, «арығ чӱректіглер чирні ӱлӱске аларлар паза анда мӧгі чуртирлар» (Псалом 37:29). Сағын на кӧріңер, чир ӱстӱнде чахсы, паарсах кізілер ле чуртазалар, прайзы Иеговаа хынзалар паза удур-тӧдір хыныссалар, чуртас хайдағ полар! Пірдеезі ағырбас, кізілер мӧгі чуртирлар.
3. Чабал кізілер хырыл парған соонда, Худайның Хан-ӱлгӱзі ниме идібізер?
Чабал кізілерні чох иткен соонда, Иисус пір муң чыл Хан полар. Ол туста Иисус паза аннаң хада устир 144 000 устағҷы кізілерге чазыхтаң позып аларға паза толдыра чуртасха килерге полыс пирерлер. Ол тус тоозылғанҷа, чир ӱстӱ уғаа сіліг ӧңненчеткен рай пол парар. Кізілер Иегованың чахығларынҷа чуртирлар, аннаңар часкалығ поларлар. Андада Иисус ӱлгӱзін позының Пабазына, Иеговаа, нандыра пирібізер. Ол тустаң сығара Иегованың ады уғаа сабланар. Іди ол хаҷан даа сабланмаан! (Матфей 6:9, 10). Анзы Иегова чахсы устағҷы полчатханын паза ол позының чайаахтарынаңар сағыссырапчатханын кӧзідер. Анаң Иегова Сайтанны, айналарны паза оларның саринзар турыбысхан кізілерні чох идібізер (Азых чоох 20:7—10). Худайның Хан-ӱлгӱзі кізілерге иң чахсы чуртас пирер!
ТИРЕҢ АРАХ ХАС КӦРІҢЕР
Иегова Хан-ӱлгӱ пастыра Библияда пазылған молҷағларын толдыр саларына киречілестер кӧріп алыңар.
4. Худайның Хан-ӱлгӱзі кізілернің ӱлгӱлерін чох идібізер
Библияда чоохталча: «Кізі кізінең устааны кізее сайбағ ла ағылча» (Экклезиаст 8:9). Иегова Хан-ӱлгӱзінең пастыра пу сыны чох тудынысты саңай чох идібізер.
Даниил 2:44 паза 2 Фессалониктегілерге 1:6—8 хығырып алып, пу сурығларны ӱзӱрібізіңер:
-
Иегова паза аның Оолғы, Иисус, кізілернің ӱлгӱлерін паза оларның саринзар турыбысхан кізілерні хайди идер?
-
Иегованың паза Иисустың орта тудынарларына киртінізіңерні алған пілістер хайди тыытча?
5. Иисус иң чахсы устағҷы
Худайның Хан-ӱлгӱзінің Ханы, Иисус, кізілерге уғаа кӧп чахсы ниме идер. Иисус кізілерге полыс пирерге хынчатханын паза анзын идерге кӱзі парын пу ВИДЕОДАҢ піліп алыңар.
Иисус чирде хайхастар идіп, Хан-ӱлгӱнің Ханы пол парза, хайдағ хайхастығ киректер идерін кӧзіт пирген. Мында пазылған нимелернің хайзын иң тың сағыпчазар? Мында пирілген стихтарны прай хығырыбызыңар.
|
ЧИРДЕ ИИСУС: |
ТИГІРДЕҢ ИИСУС: |
|---|---|
|
|
|
|
|
|
|
|
6. Худайның Хан-ӱлгӱзі кізілерге уғаа часкалығ чуртас сыйлап пирер
Худайның Хан-ӱлгӱзі Иегованың кізілердеңер иң пастағызын сағын салған сағызын толдыр салар. Олар чир ӱстӱнде мӧгі чуртирлар. Пу ВИДЕОДАҢ Иегова Иисустаң пастыра молҷағларын хайди толдыр саларын піліп алыңар.
Псалом 145:16 хығырып алып, ӱзӱрібізіңер:
-
Иегова «полған на тіріг нименің кӧңнін толдыр саларынаңар» сағынзар, сірернің хайдағ чувстволар полча?
КЕМ-ДЕ ПІДИ ТІПЧЕ: «Прай чоннар пірігіп алзалар, чир ӱстӱндегі прай сидіктерні пӧгібізерлер».
-
Хайдағ сидіктерні кізілер хаҷан даа пӧк полбастар паза ноға оларны Худайның Хан-ӱлгӱзі ле пӧк полар?
ӦӦН САҒЫС
Худайның Хан-ӱлгӱзі турғызылған кӧстеге чидіп алар. Аның устаанында чир рай пол парар. Чир ӱстӱнде чахсы ла кізілер чуртирлар паза олар Иеговаа мӧгі тус пазырарлар.
Сағысха хатап кир кӧреелер
-
Хайди Худайның Хан-ӱлгӱзі Иегованың адын сабландырар?
-
Библияда пазылған прай молҷағларны Худайның Хан-ӱлгӱзі толдыр саларына хайдағ киречілестер пар?
-
Библияның хайдағ молҷаа толарын сірер иң тың сағыпчазар?
ХОЗА ІСТЕЗІҢЕР
Піліп алыңар: Армагеддон нимедір ол.
Христостың пір муң чыллығ ӱлгӱзінде паза аның соонда ниме поларын піліп алыңар.
«Чарғы кӱні хайдағ полар?» («Сторожевой башня», 1 ӱртӱн айы, 2012 чыл)
Улуғлар паза палалар постарының райдағы чуртастарын хайди кӧрчеткеннерін кӧріп алыңар.
«Мині кӧп сурығлар сағыссыратхан» тіп статьядаң политическай сайбағҷының чуртазы, Библия хығырып пастаан соонда, хайди алыс парғанын піліп алыңар.
«Библия чуртасты алыстырча» («Сторожевой башня», 1 кӱрген айы, 2012 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
