34-ҶІ УРОК
Иеговаа хынчатханыбысты хайди кӧзіт пирерге?
Библия ӱгренген туста Иеговаа чағын пол парғазар ба? Сірернің палғалызыңар уламох пик пол парзын тіп хынчазар ба? Андағ полза, сірер Иеговаа нинҷе тың хынарзар, ол сірерге ідӧк тың хынар паза сірер ағаа анҷох аарлығ поларзар. Худайға хынчатханыңарны хайди кӧзіт поларзар?
1. Иеговаа хынчатханыбысты ағаа хайди кӧзіт пирерге?
Иеговаа хынызыбыс аның чооғын исчеткенібістең кӧрінер. (1 Иоанның 5:3 хығырыбызыңар.) Ол пірдеезін аның чахығларынҷа чуртирға кӱстебинче. Ол пістің полғаныбысха аның чооғын истерге алай испеске пӧгін аларға оңдай пирче. Ноға? Ол пісті аның чооғын прай чӱреебіснең иссіннер тіп хынча (Римдегілерге 6:17). Аның чооғын искені орта полчатхан на ӱчӱн нимес, ағаа хынчатхан ӱчӱн аның чооғын иссіннер тіп хынча. Пу кинденің 3-ҷі паза 4-ҷі чардыхтары сірерге Иегованың кӧңнінҷе чуртирға паза аны ачырғандырчатхан нимелердең хыйа тудынарға полыс пирер ӱчӱн пазылған.
2. Ноға Иегованың чооғын истерге пірееде оой нимес?
Библияда чоохталча: «Арығ чӱректіг кізінің чобағлары кӧп» (Псалом 34:19). Прайзының уйан паза читпес сарилары пар. Ідӧк полған на кізее ахчадаң хызыл парарға, сыны чох тудынысха паза пасха даа сидіктерге урун парарға хорғыс пар. Пірееде Иегова сурынчатхан оңдайнаң тудынарға сидік. Постың сағызынаң тудынарға хай-хай ниик нооза. Че Иегованың чооғын исчетсер, аның сағызын пастағы орынға турғысчатханыңарны кӧзітчезер. Анзы Иеговаа киртістіг полчатханыңарны кӧзідерге оңдай пирче. Иегова, тізең, сірерге киртістіг полар. Ол сірерні хаҷан даа артыспас. (Псалом 4:3 хығырыбызыңар.)
ТИРЕҢ АРАХ ХАС КӦРІҢЕР
Ноға Иегова аның чооғын искенін уғаа аарлыға санапча? Сірерге ағаа киртістіг поларға ниме полыс пирер? Піліп алыңар.
3. Сірерні пыролапчалар
Иов тіп киндедең Сайтан Иовты ла нимес, че Иегованың чооғын истерге хынчатхан полған на кізіні пыролапчатханын піліп алчабыс. Иов 1:1, 6—2:10 хығырып алып, ӱзӱрібізіңер:
-
Сайтанның сӧстері хоостыра, ноға Иов Иеговаа нымысчыланған? (Иов 1:9—11 кӧріңер.)
-
Сайтан прай кізілерні, сірерні дее, нимеде пыролаан? (Иов 2:4 кӧріңер.)
Иов 27:5б хығырып алып, ӱзӱрібізіңер:
-
Иов Иеговаа сынап хынчатханын хайди кӧзіт пирген?
Иов, Иеговаа киртістіг халып, ағаа хынызын кӧзіт пирген
Піс тее, Иеговаа киртістіг халзабыс, ағаа хынызыбысты кӧзіт пирербіс
4. Иегованы ӧріндіріңер
Притчи 27:11 хығырып алып, ӱзӱрібізіңер:
-
Сірер хыйға тудынчатсар паза Иегованың чооғын исчетсер, аның чӱреенде ниме полча? Ноға?
5. Сірер Иеговаа киртістіг пол поларзар
Иеговаа хынызыбыс пісті аннаңар кізілерге чоохтирға кӧӧктірче. Худайға киртістіг полғаны, тізең, оой даа полбаза, аннаңар чоохтирға полызар. ВИДЕО кӧріп алып, ӱзӱрібізіңер:
-
Иеговадаңар кізілерге чоохтирға сірерге оой ба?
-
Грейсонға хорғызын тобырып аларға ниме полыс пирген?
Иегова хынчатхан нимее хынзабыс паза ол хырт кӧрчеткен нимені хырт кӧрзебіс, ағаа киртістіг поларға оой полар. Псалом 97:10 хығырып алып, ӱзӱрібізіңер:
-
Иеговадаңар алған пілістеріңе тӧстеніп, хайди нандырарҷыхсар: ол нимее хынча? нимені хырт кӧрче?
-
Худай чахсы тіп санапчатхан нимее хынып аларға паза чабал тіп санапчатхан нимені хырт кӧрерге хайди ӱгреніп аларға?
6. Иегованың чооғын искені піске туза
Худай чоохтапчатхан оңдайҷа тудынғаны хаҷан даа иң чахсы пӧгін полча. Исайя 48:17, 18 хығырып алып, ӱзӱрібізіңер:
-
Иегова піске ниме иң чахсы полчатханын пілчеткеніне киртінчезер бе? Ноға?
-
Библияны ӱгренгені паза Иегованаң танызып алғаны сірерге хайдағ туза ағылған?
КЕМ-ДЕ ПІДИ ТІПЧЕ: «Хайди даа чуртапчатсам, Худайға пасхазы чоғыл».
-
Сынында Иегова ниме чувствовать полчатханын чарыда чоохтап пирер ӱчӱн, хайдағ стих кӧзіт пирерҷіксер?
ӦӦН САҒЫС
Иегованың чооғын истіп паза, сидік тее полза, ағаа киртістіг халып, ағаа хынчатханыңарны кӧзіт поларзар.
Сағысха хатап кир кӧреелер
-
Иовтың кӧзідімінең нимее ӱгреніп алдар?
-
Иеговаа хынчатханыңарны хайди кӧзіт поларзар?
-
Иеговаа киртістіг халарға сірерге ниме полыс пирер?
ХОЗА ІСТЕЗІҢЕР
Хайди сірер Иеговаа паза ӧмее киртістіг пол поларзар? Піліп алыңар.
Сайтан кізілерні нимеде пыролаанын піліп алыңар.
«Иов Худайға киртістіг халған» («Библия паза аның ӧӧн темазы», 6-ҷы чардых)
Хайди палалар даа Иеговаа хыныстарын кӧзіт полчатханнарын кӧріп алыңар.
Пасха палаларға пастырчатсалар даа, хайди саарбахтар Худайға киртістіг хал поларлар?
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
