35-ҶІ УРОК
Хайди чахсы пӧгіннер аларға?
Полған на кізее пӧгін аларға килісче. Ол пӧгіннернің кӧбізі алнынзархы чуртазыбысха паза Худайнаң палғалысха теелче. Андағ пӧгіннернің піреелері: хайда чуртирға, хайда тоғынарға, хоных хонарға алай хонмасха. Чахсы пӧгіннер алғаны пісті часкалығ итче паза Иегованы ӧріндірче.
1. Хайди Библия піске чахсы пӧгіннер аларға полысча?
Пӧгін алар алнында, Иеговаа пазырып алыңар паза Библия ол сурығдаңар ниме чоохтапчатханын істезіңер. Іди сірер Худай анзына хайди кӧрчеткенін піліп аларзар. (Притчи 2:3—6 хығырыбызыңар.) Пірее сурығларға Иегова кӧні устағ пирче. Ол устағларҷа тудынғаны иң чахсы полар.
Сірер істесчеткен сурығдаңар Библияда пір дее ниме пазылбинчатса даа, Иегова сірерге орта чолҷа парарға полыс пирер (Исайя 48:17). Хайди? Библиядағы принциптер хоостыра. Библиядағы принцип — Иегованың кӧрізін кӧзітчеткен сын. Иегованың кӧрізін піліп алар ӱчӱн, Библия хығырчатсар, ол кизекте пазылған киректерге Иегова хайди хайчатханына хайығ салыңар.
2. Пӧгін алар алнында, нимені санға аларға кирек?
Библияда чоохталча: «Ибіре сағынчатхан кізі... полған на алтымын сынапча» (Притчи 14:15). Аннаңар, пӧгін алар алнында, маңзырирға чарабас. Хайди тудынарға пӧкчетсер, постарыңны сурыбызыңар: «Пу кирекке хайдағ библейскай принцип килісче? Піди тудынзам, чӱрееме истіг полар ба? Хайди алған пӧгінім пасхаларына теелер? Алған пӧгінім Иегованың кӧңніне кірер бе?» (Второзаконие 32:29).
Ниме чахсы, ниме хомай полчатханын чоохтирға Иегованың правозы пар. Худайның чахығларынҷа паза принциптерінҷе чуртап, совезібісті ӱгретчебіс. Совесть ол ниме чахсы, ниме хомай полчатханын чӱрекнең пілгені полча (Римдегілерге 2:14, 15). Чахсы ӱгреділген совесть орта пӧгіннер аларға полысча.
ТИРЕҢ АРАХ ХАС КӦРІҢЕР
Библиядағы принциптер паза пістің совезібіс хайди пӧгіннер аларға полысчатханын кӧр кӧреелер.
3. Библиядағы принциптер орта чол кӧзітчелер
Хайди Библиядағы принциптер орта пӧгіннер аларға полысчалар? ВИДЕО кӧріп алып, пу сурығларны ӱзӱрібізіңер:
-
Пос чуртас нимедір ол?
-
Ноға Иегова піске пос чуртас сыйлап пирген?
-
Пос чуртаснаң иң чахсы тузаланзыннар тіп, ол піске ниме пирген?
Пір библейскай принцип кӧр кӧреелер. Ефестегілерге 5:15, 16 хығырыбызыңар. Анаң чарыда чоохтап пиріңер:
-
Библияны кӱннің сай хығырар ӱчӱн, хайди «пар тусты тузалығ иртірерге»;
-
чахсы ир алай ипчі, паба алай іҷе, оол алай хыс полар ӱчӱн, хайди «пар тусты тузалығ иртірерге»;
-
ӧме чыылығларына чӧрер ӱчӱн, хайди «пар тусты тузалығ иртірерге».
4. Совезіңерні ӱгредіңер
Библияда кӧні устағ полза, орта пӧгін аларға аар нимес. Че сірерге кирек сурығдаңар пір дее ниме чоохталбинчатса, ниме идерге? ВИДЕО кӧріп алып, ӱзӱрібізіңер:
-
Орта паза Иегованың кӧңніне кірчеткен пӧгін аларға совезі полыссын тіп, пиҷе ниме иткен?
Пістің ӱчӱн пӧгін алзыннар тіп, ноға пасхаларынаң сурынарға чарабас? Еврейлерге 5:14 хығырып алып, ӱзӱрібізіңер:
-
Позыбыстың ӱчӱн пӧгін аларға пасхаларынаң сурынчатсабыс, нимее ӱгрен полбаспыс?
-
Совезіңерні ӱгредерге паза орта пӧгіннер аларға ниме полыс пирер?
Совесть, навигатор чіли, піске чуртас чолынҷа парарға полысча
5. Пасхаларының совестьтерін улуғлаңар
Кізілер аймах-пасха пӧгіннер алчалар. Хайди пасхаларының совестьтерін улуғлирға? Ікі кӧзідім кӧр кӧреелер:
1-ғы кӧзідім. Сырланарға хынчатхан пиҷе пасха ӧмезер парыбысча. Ол ӧмеде кӧп пиҷелер косметиканаң тузаланарға хынминчалар.
Римдегілерге 15:1 паза 1 Коринфтегілерге 10:23, 24 хығырып алып, ӱзӱрібізіңер:
-
Пу стихтарны санға алза, пиҷее хайдағ пӧгін аларға чарир? Хайдағ-да кирек идерге совезіңер чаратчатса, че пасха кізінің совезі анзын идерге чаратпинчатса, хайди тудынарзар?
2-ҷі кӧзідім. Харындас Библия арағаны кӧп нимес ізерге чаратчатханын пілче. Че ол араға іспеске пӧгін алча. Аны ааллап хығырчалар. Анда харындас-пиҷелер араға ісчелер.
Экклезиаст 7:16 паза Римдегілерге 14:1, 10 хығырып алып, ӱзӱрібізіңер:
-
Пу стихтарны санға алып, харындасха хайдағ пӧгін аларға чарир? Сірернің совезіңер идерге чаратпинчатхан нимені пасха кізі итчетсе, ниме идерзер?
Хайди орта пӧгін аларға?
1. Орта тудынарға полыс пирзін тіп, Иеговадаң сурыныңар (Иаковтың 1:5).
2. Сірернең пол парған кирекке килісчеткен принципті Библияда паза Библияда тӧстелген пічіктерде тілеп кӧріңер. Ідӧк духовнай саринаң пызығ христианнарнаң чӧптезіп аларға чарир.
3. Нимее ағыларынаңар сағынып алыңар. Алған пӧгіннерің хайди сірернің паза пасхаларының совестьтеріне теелер?
КЕМ-ДЕ ПІДИ ТІПЧЕ: «Ниме идерге хынчазың, аны идерге правоң пар. Пасхалары ниме дее сағынчатсыннар».
-
Ноға Худайның паза пасха кізілернің чувстволарын санға аларға кирек?
ӦӦН САҒЫС
Чахсы пӧгін алар ӱчӱн, Иегованың кӧрізін піліп аларға паза пістің тудынызыбыс пасхаларына хайди теелерінеңер сағынып аларға кирек.
Сағысха хатап кир кӧреелер
-
Хайди Иегованың кӧңніне кірер пӧгіннер аларға?
-
Хайди совезібісті ӱгредерге?
-
Пасхаларының совестьтерін улуғлапчатханыңарны хайди кӧзіт поларзар?
ХОЗА ІСТЕЗІҢЕР
Иегованаң палғалызыңарны тыыдар пӧгіннерні хайди аларға?
«Худайны сабландырчатхан пӧгіннер алыңар» («Сторожевой башня», 15 хосхар айы, 2011 чыл)
Иегова пісті хайди апарчатханын піліп алыңар.
Чиит оолға сидік пӧгін аларға ниме полыс пиргенін кӧріп алыңар.
Библия кӧні устағ пирбинчетсе, ниме идерге? Хайди Иегованың кӧңніне кірер пӧгін аларға піліп алыңар.
«Полған на киректе Библияның кӧні чахии кирек пе?» («Сторожевой башня», 1 улуғ хырлас айы, 2003 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
