36-ҶЫ УРОК
Хаҷан даа чойланмаңар
Полған на кізі нанҷызы чойланмас ползын тіп хынча. Иегова ідӧк аның нанҷылары чойланмас ползыннар тіп хынча. Че алаахтырчатхан кізілер аразында алаахтырбин тудынарға уғаа сидік. Чойланмин чуртаанының тузазы хайдағ?
1. Ӧӧнінде ноға чойланмасха кирек?
Піс чойланмазабыс, Иеговаа хынчатханыбысты паза аны улуғлапчатханыбысты кӧзітчебіс. Иегова пістің сағыстарыбысты пілче паза киректерібісті кӧрче нооза (Еврейлерге 4:13). Ол пістің чойланмин тудынчатханыбысты аарлыға санапча. Худай Сӧзінде чоохталча: «Чой кізі Иеговаа чиркестіг, арығ чӱректіг кізілерге, тізең, Худай — чағын нанҷы» (Притчи 3:32).
2. Алаахтырбин тудынғанына ниме кірче?
Иегова пісті удур-тӧдір сын ниме ле чоохтазыннар тіп хынча (Ефестегілерге 4:25). Анзы ниме таныхтапча? Піске сӧбіредегілерге, хада тоғынчатханнарға, харындас-пиҷелерге паза ӱлгӱдегілерге чойланмасха кирек. Сын тудынчатхан кізілер оғырлабинчалар паза алаахтырбинчалар. (Притчи 24:28 паза Ефестегілерге 4:28 хығырыбызыңар.) Ідӧк албан тӧлепчелер (Римдегілерге 13:5—7). Піс чуртастың прай хыриларында «орта идерге кӱстенчебіс» (Еврейлерге 13:18).
3. Алаахтырбин тудынғанының тузазы хайдағ?
Пісті чойланмин, орта тудынчатхан кізі тіп пілчетселер, піске пасха кізілер ізенерлер. Ӧмеде полған на кізі алаахтырбин тудынза, анда сӧбіредегі осхас ынағ паза хорғыс чох чуртас полар. Алаахтырбинчатхан кізінің совезі арығ полар. Пістің сын тудынызыбыс «Арачылағҷы Худайыбыстың ӱгредиин» чазапча паза кізілерге Худайның сынын хынығ итче (Титке 2:10).
ТИРЕҢ АРАХ ХАС КӦРІҢЕР
Піліп алыңар: алаахтырбинчатханыбысты Иегова аарлыға санапча ба? Сірерге андағ тудыныс хайдағ туза ағылар паза чуртастың аймах-пасха сариларында хайди алаахтырбин тудынарға?
4. Чойланмин тудынғаны Иегованы ӧріндірче
Псалом 44:21 паза Малахия 3:16 хығырып алып, пу сурығларны ӱзӱрібізіңер:
-
Сынны чазырып аларға чарир тіп сағынғаны ноға хыйға нимес?
-
Хайди сағынчазар, сидік полза даа, чойланминчатсабыс, Иегованың чӱреенде ниме полча?
Палалар сынны чоохтапчатсалар, іҷе-пабалары ӧрінчелер. Піс сынны чоохтапчатсабыс, Иегова ӧрінче
5. Хаҷан даа чойланмин тудыныңар
Кӧп кізі сынны чоохтаанының тузазы чоғыл тіп санапча. Че піліп алыңар, ноға хаҷан даа сын тудынарға кирек. ВИДЕО кӧріп алыңар.
Еврейлерге 13:18 хығырып алып, чоохтап пиріңер, хайди чойланмин тудынарға:
-
сӧбіреде;
-
тоғыста алай школада;
-
пасха даа киректерде.
6. Чойланмин тудынғанының тузазы
Пірееде чойланмин тудынғаны чуртазыбыста сидіктер ағылча тіп пілдірче. Че сынында ол иң чахсы тудыныс. Псалом 34:12—16 хығырып алып, ӱзӱрібізіңер:
-
Чойланмин тудынғанының тузазы хайдағ?
-
А. Чойланмин тудынғаны хоныхты тыытча
-
Б. Чойланминчатхан тоғысчаа ізенчелер
-
В. Ӱлгӱдегілер чойланмин тудынчатхан кізіні аарлыға санапчалар
КЕМ-ДЕ ПІДИ ТІПЧЕ: «Кӧмес чойланыбыссаң, пір дее кізее хомай полбас».
-
Ноға Иегова ноо даа чойны хырт кӧрче?
ӦӦН САҒЫС
Иегова аның нанҷылары сынны чоохтазыннар паза сын тудынзыннар тіп хынча.
Сағысха хатап кир кӧреелер
-
Чуртастың хайдағ хыриларында чойланмин тудынарға кирек?
-
Сын нимені чазыр поларға чарир тіп сағынғаны ноға саба?
-
Ноға сірер хаҷан даа чойланмин тудынарға хынчазар?
ХОЗА ІСТЕЗІҢЕР
Хайди іҷе-пабаларға палаларын чойланмасха ӱгредерге?
Ноға сӧс тутханы туза ағылча?
Налог хайдар хорадылчатханы кӧңнібіске кірбинчетсе дее, ноға аны тӧлирге кирек?
«Албан. Тӧлирге кирек пе?» («Сторожевой башня», 1 ӱртӱн айы, 2011 чыл)
Хайди азартнай ойынҷы паза аферист чойланмас кізі пол парған?
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
