37-ҶІ УРОК
Библияда тоғыстаңар паза ахчадаңар ниме чоохталча?
Пірее хати тоғыстаңар паза ахчадаңар сағыссыраазар ба? Чуртасха ахча тоғынарға кирек полчатхан ӱчӱн Иеговаа пазырарға пірееде оой полбинча. Библияда піске полыс полар тузалығ чӧптер пар.
1. Библияда тоғыстаңар ниме чоохталча?
Иегова пісті тоғысха ӧрінзіннер тіп хынча. Библияда чоохталча: «Кізее... итчеткен тоғызынаң алчатхан ӧрінізінең артых ниме чоғыл» (Экклезиаст 2:24). Иегова кӧп тоғынча. Піс аннаң кӧзідім алчатсабыс паза тоғызыбысты чахсы итчетсебіс, аны ӧріндірчебіс паза позыбыс таа ӧрінчебіс.
Тоғынарға кирек, че тоғыс Иеговаа пазырыстаң артых полбасха кирек (Иоанн 6:27). Пістің чуртазыбыста Худай пастағы орында полза, ол піске чуртасха кирек нимелерні прай пирем тіп молҷапча.
2. Хайди ахчаа орта хайарға?
Библияда ахча піске арачыланыс пирче тіп чоохталча, че ахча кізіні часкалығ ит полбас тіп сизіндірче (Экклезиаст 7:12). Библия ахчаа хынмасха паза пар нимее чӧпсінерге чӧп пирче. (Еврейлерге 13:5 хығырыбызыңар.) Пар нимее чӧпсінзебіс, ис-пайға тартылбаспыс паза ниме-де читпинче тіп пілдірбес. Піс кирек чох ӧдістерге кірбеспіс, хорғыс ағылчатхан азартнай ойыннарның паза табырах пайып аларға молҷапчатхан ікінҷілестіг киректернің хахпаннарына кір парбаспыс (Притчи 22:7).
3. Хайди сыйҷы поларға?
Иегова — сыйҷы Худай. Піс, ағаа кӧӧгіп, «харанмас, сыйлаачы поларға» хынчабыс (1 Тимофейге 6:18). Піске ӧме кирексіністерін толдырар ӱчӱн, тайығ саларға паза кирексінчеткеннерге, уламох харындас-пиҷелерге, полызарға чарир. Иеговаа тайыға нинҷе кӧп салчатханыбыс нимес, че ноға анзын итчеткенібіс аарлығ. Прай чӱрекнең сыйҷы полчатханыбыс пісті постарыбысты часкалығ идер паза Иегованы ӧріндірер. (Илҷілернің 20:35 хығырыбызыңар.)
ТИРЕҢ АРАХ ХАС КӦРІҢЕР
Піліп алыңар: тоғыс чуртаста хайдағ орында поларға кирек паза пар нимее хайди чӧпсінерге.
4. Тоғызыңар Иегованы сабландырзын
Иегованаң ынархасханы тоғысха хайди хайчатханыбысха теелерге кирек. ВИДЕО кӧріп алып, ӱзӱрібізіңер:
-
Джейсонның тоғысха хайди хайғаны паза тоғыста хайди тудынғаны кӧңніңерге кірген ме? Ноға?
-
Тоғысха пастыр салбасха ағаа ниме полысхан?
Колосстағыларға 3:23, 24 хығырып алып, ӱзӱрібізіңер:
-
Тоғыста ноға чахсы тоғынарға кирек?
Тоғынарға кирек, че тоғысты Иеговаа пазырыстаң артых турғызарға чарабас
5. Пар нимее чӧпсінгені пісті арачылапча
Кӧп кізі кӧп ахча тоғынып аларға кӱстенче, че Библия тоғыстаң артых ниме пар тіп чоохтапча. 1 Тимофейге 6:6—8 хығырып алып, ӱзӱрібізіңер:
-
Библия піске ниме идерге чоохтапча?
Хызылып чуртапчатсабыс таа, піс часкалығ пол поларбыс. ВИДЕО кӧріп алып, ӱзӱрібізіңер.
-
Ноға пу сӧбірелер, хызылып чуртапчатсалар даа, часкалығлар?
Пірее кізінің кӧп ниме пар полза даа, ағаа ниме-де читпинче тіп пілдірче. Ноға анзы хорғыстығ полчатханын Иисус кӧзідімнең кӧзіт пирген. Лука 12:15—21 хығырып алып, ӱзӱрібізіңер:
-
Пу чоох пісті нимее ӱгретче? (15-ҷі стихты кӧріңер.)
Притчи 10:22 паза 1 Тимофейге 6:10 хығырып алып, тиңнестірібізіңер. Анаң ӱзӱрібізіңер:
-
Хайди сағынчазар, ниме аарлығ: Иегованаң ынархасханы алай кӧп ахча? Чарыда чоохтап пиріңер.
-
Ахчаа сабылчатхан кізілер хайдағ сидіктерге урунчалар?
6. Иегова піске прай кирек нимелерні пирер
Ахчаа хызылчатсабыс паза тоғыс чох халзабыс, Иеговаа киртінізібіс сыныхталча. ВИДЕО кӧріп алып, піліп алыңар: андағ сидіктер пол парза, хайди тудынарға. Анаң ӱзӱрібізіңер:
-
Пу харындас хайдағ сидіктерге урунған?
-
Ол сидіктер тузында ол ниме иткен?
Матфей 6:25—34 хығырып алып, ӱзӱрібізіңер:
-
Чуртаста Иегованы пастағы орынға турғысчатхан кізілерге Иегова ниме молҷапча?
КЕМ-ДЕ ПІДИ ТІПЧЕ: «Сӧбіремнің кирексіністерін толдырар ӱчӱн, мағаа кӧп тоғынарға килісче, аннаңар неделя сай чыылығларға чӧр полбаспын».
-
Иеговаа пазырысты пастағы орынға турғысханы иң чахсы пӧгін полчатханына хайдағ библейскай стихтар сірерні киртіндірче?
ӦӦН САҒЫС
Тоғыс паза ахча уғаа кирек, че оларны Иеговаа пазырыстаң пӧзік турғызарға чарабас.
Сағысха хатап кир кӧреелер
-
Тоғысха орта хайарға сірерге ниме полыс пирер?
-
Пар нимее чӧпсінгені ноға арачылапча?
-
Иегова кирек нимелерні пирем тіп молҷапча. Анзына киртінчеткеніңерні хайди кӧзіт поларзар?
ХОЗА ІСТЕЗІҢЕР
Ахча чабал ниме тіп Библия ӱгретче бе?
Хайди ахчанаң Худайның кӧңніне кірер иде тузаланарға?
Азартнай ойыннар — пыро чох ойыннар ба?
«Библияның кӧрізі. Азартнай ойыннар» («Усхуныңар!», кӧрік айы, 2015 чыл)
Азартнай ойынҷаа паза мошенникке чуртазын алыстырыбызарға ниме полыс пиргенін піліп алыңар.
«Мин ат чарызына уғаа тың хынҷаң полғам» («Сторожевой башня», 1 кічіг хырлас айы, 2011 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
