38-ҶІ УРОК
Чуртас — ол сыйых
Чуртас — ол сыйых. Аның сылтаанда, піс кӧп хайхастығ нимелер кӧрчебіс. Сидіктерге урунзабыс таа, кӧп нимее ӧрінчебіс. Чуртасты аарлыға санапчатханыбысты хайди кӧзідерге? Ноға ол сыйыхты аарлыға санирға кирек?
1. Ноға чуртасты аарлыға санирға кирек?
Чуртасты піске хынчатхан Пабабыс, Иегова, сыйлаан, аннаңар аны аарлыға санирға кирек. Чуртас Худайдаң сыххан — ол прай тіріг нимелерні чайап салған (Псалом 36:9). Худай «прай нимее тын, чуртас паза нинҷе ниме пар прай пирче» (Илҷілернің 17:25, 28). Иегова піске чуртасха прай кирек нимелерні пирген. Ағаа хоза, пісті чуртасха ӧрінзіннер тіп, прай ниме пирче. (Илҷілернің 14:17 хығырыбызыңар.)
2. Хайди Иеговаа чуртас пирген ӱчӱн алғызыбысты кӧзіт пирерге?
Іҷеңернің істінде чуртазыңар пастал сыххандох, Иегова сірерге хын сыххан. Худайның нымысчыларының пірсі, Давид, ағаа теен: «Синің харахтарың мині, іҷемнің істінде полғамдох, кӧргеннер» (Псалом 139:16). Иегова пістің чуртазыбысты уғаа аарлыға санапча. (Матфей 10:29—31 хығырыбызыңар.) Кем-де пасха кізінің чуртазын чох идібіссе алай позы ӧлінібіссе, Иегованың чӱрее тың ағырча (Исход 20:13) a. Кізі позының чуртазын паза пасха кізілернің чуртастарын кирек чох хорғысха сухса, Иегованың чӱрее ідӧк ағырча. Пасха кізілернің чуртастарын паза постарыбыстың чуртазыбысты арачылазабыс, ол піске сыйых пирген ӱчӱн алғызыбысты кӧзітчебіс.
ТИРЕҢ АРАХ ХАС КӦРІҢЕР
Чуртастың ӱчӱн Худайны хайди алғыстирға піліп алыңар.
3. Хазығыңарны хайраллаңар
Кізі христианин пол парза, чуртастың прай сариларында Иегованың кӧрізін санға аларға сӧс пирче. Ол позының ит-сӧӧгін Иеговаа тайыға пирібісче тирге чарир. Ол тустаң сығара аның ит-сӧӧгі Худайни пол парча. Римдегілерге 12:1, 2 хығырып алып, ӱзӱрібізіңер:
-
Ноға піске хазығыбысты хайраллирға кирек?
-
Хайди сірер анзын ит поларзар?
4. Чуртасты хайраллаңар
Библия киненге алай ӧлімге ағылчатхан киректердең оортах тудынарға чоохтапча. ВИДЕО кӧріп алып, чуртасты хайди арачылирға піліп алыңар.
Притчи 22:3 хығырып алып, хайди постың паза пасха кізілернің чуртастарын арачылирға чоохтап пир:
-
ибде;
-
тоғыста;
-
спортнаң айғасчатсаң;
-
транспортта водитель алай пассажир ползаң.
5. Тӧреелек паланың чуртазын хайраллаңар
Иегова тӧреелек пала іҷезінің істінде ӧсчеткенін ситкеп кӧрче. Давид анзын сіліг сӧстернең пас салған. Псалом 139:13—17 хығырып алып, ӱзӱрібізіңер:
-
Иегованың кӧрізінің хоостыра, чуртас хаҷан пасталча: ипчі кізі чоон пол парзох алай пала тӧріп парза?
Пурунғы Израильде Иегованың чахии іҷезін паза тӧреелек паланы арачылаан. Исход 21:22, 23 хығырып алып, ӱзӱрібізіңер:
-
Пірее кізінің тудынызының ӱчӱн, кинен пол парып, тӧреелек пала ӧл парза, Иегова ол кізее хайди хайча?
-
Кем-де тӧреелек паланың чуртазын ӧнетін ӱзібіссе, Иегованың чӱреенде ниме полча? b
-
Иегованың пу кӧрізінеңер ниме сағынчазар?
Чуртасты аарлыға санапчатхан даа ипчі пірееде аборт хайди даа идерге кирек тіп сағын сыхча. Исайя 41:10 хығырып алып, ӱзӱрібізіңер:
-
Ипчі кізіні аборт идерге кӱстепчетселер, ағаа полызығ сурынып, кемзер айланарға кирек? Ноға?
КЕМ-ДЕ ПІДИ ТІПЧЕ: «Ипчі кізінің аборт идерге правозы пар. Ит-сӧӧгінең ниме идерге ол позы пӧкче».
-
Іҷезінің паза тӧреелек паланың чуртазын Иегова аарлыға санапчатханын хайдаң пілчезер?
ӦӦН САҒЫС
Чуртас — Иегова пирген сыйых. Ол пісті позыбыстың даа, пасхаларының даа чуртастарына хынарға, аны улуғлирға паза арачылирға ӱгретче.
Сағысха хатап кир кӧреелер
-
Ноға Иегова кізінің чуртазын аарлыға санапча?
-
Піреезі пасха кізінің чуртазын ӧнетін ӱзібіссе, Иегованың чӱреенде ниме полча?
-
Ноға сірер чуртасты аарлыға санапчазар?
ХОЗА ІСТЕЗІҢЕР
Чуртазыбыс ӱчӱн Иеговаа алғызыбысты хайди читірерге?
Піліп алыңар: аборт иткен ипчінің пырозын Худай тастир ба?
Худайның чуртасха кӧрізін санға алчатхан кізі хайди тынанарға кирек?
«„Экстремальнай спорт“. Чуртасты хорғысха суғарға кирек пе?» («Усхуныңар!», 8 чарыс айы, 2000 чыл)
Кізінің ӧлінібізерге сағыстар полза, Библия хайди полыс поларын піліп алыңар.
«Чуртирым килбинче. Ӧлінібізерге сағыстар кірчетсе, мағаа Библия полыс полар ба?» (веб-статья)
a Чобалчатхан кізілердеңер Иегова уғаа сағыссырапча (Псалом 34:18). Ноға олар чобалчатханнарын паза ноға оларға хол салыныбызарға сағыс кірчеткенін Иегова пілче. Иегова андағ кізілерге полыс пирерге уғаа тың хынча. Хайди Иегова андағ сағыстарны тобырып аларға полысчатханын піліп алар ӱчӱн, «Хоза істезіңер» тіп рамкадағы «Чуртирым килбинче. Ӧлінібізерге сағыстар кірчетсе, мағаа Библия полыс полар ба?» тіп статьяны хығырып алыңар.
b Аборт иткен ипчее чуртас тооза позын пыролирға кирек чоғыл. Пыросынза, Иегова аның пырозын тастир. Пу сурығдаңар «Хоза істезіңер» тіп рамкадағы «Библия аборттаңар ниме чоохтапча?» тіп статьяда кӧп арах информация пар.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
