Іҷе оолғыҷағын школазар тимнепче. Ол чуунып алған ма паза аның кип-азағы арығ ба тіп сыныхтапча. Оолғыҷағы хазых ползын паза аны чахсы кӧрчеткеннерін пасхалары пілзіннер тіп хынча. Иегова Пабабыс пісті физическай даа, нравственнай даа саринаң арығ ползыннар тіп хынча. Арығ полғаны піске позыбысха туза полча паза Худайыбысты саблапча.

1. Хайди физическай саринаң арығ поларға?

Иегова піске: «Ах-арығ полыңар», — тіпче (1 Петрның 1:16). Физическай паза нравственнай саринаң арығ полбаанда, ах-арығ пол полбас. Физическай саринаң арығ полар ӱчӱн, чуунарға, кип-азахты, тураны паза машинаны арығ паза иптіг тударға кирек. Ідӧк Иегованың киречілерінің залын арығлирында аралазарға чарир. Физическай саринаң арығ тудынып, піс Иегованы саблапчабыс (2 Коринфтегілерге 6:3, 4).

2. Хайдағ кӧнігістер пісті кірліг итчелер?

Библия пісті хығырча: «Ит-ханыбыста паза худыбыста пар чабал нимедең арығланып алааңар» (2 Коринфтегілерге 7:1). Аннаңар піс ит-сӧӧгібісті паза сағызыбысты кірліг итчеткен прай нимелердең хыйа тудынчабыс. Піс сағыстарыбыснаң Иегованы ӧріндірерге хынчабыс, аннаңар саба сағыстарнаң прай кӱснең харбасчабыс (Псалом 104:34). Ідӧк піс хомай чоохтардаң хыйа тудынчабыс: хырызынминчабыс паза кізілерні сӧклебинчебіс. (Колосстағыларға 3:8 хығырыбызыңар.)

Пісті физическай даа, нравственнай даа саринаң паза ниме кірліг итче? Хазығыбысты уйан итчеткен нимелер. Аннаңар піс тамкыдаң оортах тудынчабыс паза тынанып алай ӱтертініп алар ӱчӱн, наркотиктернең айғаспинчабыс. Піс хазығыбысты хайраллап паза Худайның сыйиин, чуртасты, аарлап, ол нимелердең хыйа тудынчабыс. Піс мастурбациядаң паза порнографиядаң хыйа тудынып, нравственнай саринаң арығ халчабыс (Псалом 119:37; Ефестегілерге 5:5). Андағ киректерні тастабызарға оой нимес. Че Иегованың полызиинаң андағ киректердең позып аларбыс. (Исайя 41:13 хығырыбызыңар.)

 ТИРЕҢ АРАХ ХАС КӦРІҢЕР

3. Физическай саринаң арығ полғаны Иегованы саблапча

Худай физическай саринаң арығ полғанына хайди кӧрчеткенін пурунғы Израильге пирілген чахығлардаң піліп аларға чарир. Исход 19:10; 30:17—19 хығырып алып, ӱзӱрібізіңер:

• Пу стихтар хоостыра, арығ тудынғаны Иеговаа нинҷе аарлығ?

• Физическай саринаң арығ полар ӱчӱн, ниме идерге кирек?

Арығ тудынар ӱчӱн, тус паза кӱс кирек. Піс хайда даа чуртапчатсабыс паза хызылчатсабыс таа, арығ тудынарға оңдай пар. ВИДЕО кӧріп алып, ӱзӱрібізіңер:

• Пістің арығ паза иптіг кип-азаабыс нымысчыланысха хайди теелче?

4. Хомай кӧнігістерні хайди тобырып аларға

Сірер тамкы тартчатсар алай наркотиктернең айғасчатсар, ол кӧнігістердең позып аларға сидік полчатханын пілче поларзар. Олардаң позып аларға ниме полыс пирер? Ол хомай кӧнігістерні тастирға ниме кӧӧктірерін піліп алыңар. Матфей 22:37—39 хығырып алып, чарыда чоохтап пиріңер: тамкы тартханы паза наркотиктернең айғасханы кізінің...

• Иегованаң палғалызына хайди теелче?

• сӧбіредегілернең паза пасха кізілернең палғалызына хайди теелче?

Хайди кірліг кӧнігісті тобырып аларға план пас салыңар a. ВИДЕО кӧріп алыңар.

Филипптегілерге 4:13 хығырып алып, ӱзӱрібізіңер:

• Хайди сыбыра пазырғаны, Библия ӱгренгені паза ӧме чыылығларына чӧргені кірліг кӧнігістерні тобырып аларға кӱс пирчелер?

 5. Кірліг сағыстарнаң паза тудыныснаң харбазыңар

Колосстағыларға 3:5 хығырып алып, пу сурығларны ӱзӱрібізіңер:

• Иегова порнографияны, секстингті паза мастурбацияны кірліг киректерге санапчатханын хайдаң пілчебіс?

• Иегова пістең нравственнай саринаң арығ поларын киректепчеткенін орта тіп санапчазар ба? Чарыда чоохтап пиріңер.

Хайди кірліг сағыстарнаң харбазарға піліп алыңар. ВИДЕО кӧріп алыңар.

Нравственнай саринаң арығ халар ӱчӱн, тідімніг тудынарға кирек. Иисус мындағ кӧзідім кӧзіт пирген. Матфей 5:29, 30 хығырып алып, ӱзӱрібізіңер:

• Иисус посты кинек идерге кирек тібеен. Ол тідімніг тудынарға кирек полчатханнаңар чоохтаан. Кірліг сағыстар кірбезін тіп, ниме идерге кирек? b

Кірліг сағыстарнаң харбасчатсар, піліңер: Иегова сірернің кӱс салчатханыңарны аарлыға санапча. Псалом 103:13, 14 хығырып алып, ӱзӱрібізіңер:

• Хайди пу стихтар кірліг кӧнігіснең харбазарын тохтатпасха полыс пирерлер?

 ӦӦН САҒЫС

Пістің ит-сӧӧгібіс паза кӧнігістерібіс арығ ползалар, Иегованы ӧріндірербіс.

Сағысха хатап кир кӧреелер

• Ноға арығ поларға кирек?

• Хайди сірер физическай саринаң арығ пол поларзар?

• Сағыстарың паза кӧнігістерің арығ ползыннар тіп, ниме ит поларзар?