41-ҶІ УРОК
Библияда секстеңер ниме чоохталча?
Кӧп кізі секстеңер чоохтазарға уйатча. Библия, тізең, секстеңер паза сексуальнай палғалыстардаңар кӧні, улуғласнаң чоохтапча. Библиядағы нормалар пісті арачылапчалар. Анда Иегова Худайның, пістің Чайаачыбыстың, нормалары пазыл парғаннар. Худай ла піске ниме чахсы полчатханын пілче. Часкалығ паза мӧгі тус чуртир ӱчӱн, хайди тудынарға паза хайди тудынмасха Худай кӧні чоохтапча.
1. Иегова секске хайди хайча?
Секс — ол Иегова пирген сыйых. Ол сыйыхха хоных хон салған ирепчілер ӧрінзіннер тіп хынча. Ол сыйых пала табарға паза удур-тӧдір хыныс кӧзідерге оңдай пирче. Аннаңар Библияда пазылча: «Чуртасха чиит туста алған ипчіңнең хада ӧрін» (Притчи 5:18, 19). Иегованың сағызының хоостыра, ирепчілерге удур-тӧдір киртістіг поларға паза пасха кізінең чӧрбеске кирек. (Еврейлерге 13:4 хығырыбызыңар.)
2. Сексуальнай чазыхтарға ниме кірче?
Библияда чоохталча: «Сайбахтарға... Худай хан-чирі пирілбес» (1 Коринфтегілерге 6:9, 10). Сексуальнай чазыхтардаңар чоохталчатса, пу стихта паза грек тілінең пазылған пасха даа стихтарда порне́йа тіп сӧс пазылча. Ол сӧске кірче: 1) хоных хонмаан кізілернің аразындағы секс a; 2) гомосексуализм; 3) кізілернең малларның аразындағы секс. Иегованың нравственнай нормаларынҷа чуртап, аны ӧріндірербіс. Ағаа хоза, піс позыбысты кӧп сидіктердең арачылирбыс (1 Фессалониктегілерге 4:3).
ТИРЕҢ АРАХ ХАС КӦРІҢЕР
Сексуальнай чазыхтар итпеске ниме полызар? Худайның моральнай нормаларынҷа чуртааны хайди арачылапча? Піліп алыңар.
3. Сексуальнай чазыхтардаң хыйа тудыныңар
Худайға киртістіг кізі, Иосиф, ағаа ипчі кізі сыынғанда, тизібіскен. Бытие 39:1—12 хығырып алып, ӱзӱрібізіңер:
-
Ноға Иосиф тизібіскен? (9-ҷы стихты кӧріңер.)
-
Хайди сағынчазар, Иосиф орта иткен ме? Чарыда чоохтап пиріңер.
Пӱӱнгі чииттер Иосифке хайди кӧӧк поларлар? ВИДЕО кӧріп алыңар.
Иегова полған на кізі аның нравственнай нормаларынҷа чуртазыннар тіп хынча. 1 Коринфтегілерге 6:18 хығырып алып, ӱзӱрібізіңер:
-
Хайдағ киректер сексуальнай чазыхха ағылчалар?
-
Сексуальнай чазых итпеске ниме полызар?
4. Хыҷаланысха тоғырлан поларзар!
Сайбах идерге хыҷаланысха тоғырланарға ноға пірееде аар полча? ВИДЕО кӧріп алып, ӱзӱрібізіңер:
-
Пу харындас ипчізіне киртістіг халбасха хорғыс парын піліп алғанда, ниме иткен?
Опыттығ даа христианнарға сағыстарын холда тударға ниик полбинча. Сірерге сайбах сағыстарны хыйа сӱрерге ниме полызар? Филипптегілерге 4:8 хығырып алып, ӱзӱрібізіңер:
-
Нимедеңер сағынарға кирек?
-
Хайди Библияны хығырғаны паза христианскай киректерде араласханы чазых ит саларға хыҷаланысха тоғырланарға полыс пирер?
5. Иегованың нормалары пісті арачылапчалар
Ниме піске чахсы полчатханын Иегова пілче. Ол, нравственнай саринаң арығ полар ӱчӱн, ниме идерге кирек полчатханнаңар паза андағ чуртас апарғаны нименең туза полчатханнаңар чоохтапча. Притчи 7:7—27 хығырыбызыңар алай ВИДЕО кӧріп алыңар. Анаң пу сурығларны ӱзӱрібізіңер:
-
Пу чиит оол хайдағ киректерінің ӱчӱн позының хыҷаланыстарына тоғырлан полбин сыххан? (Притчи 7:8, 9 кӧріңер.)
-
Притчи 7:23, 26 хоостыра, сексуальнай чазых хомай нимее ағылча. Худайның нормаларынҷа чуртап, постарыбысты хайдағ сидіктердең арачылапчабыс?
-
Нравственнай саринаң арығ халғаны хайди піске чуртасха пӱӱн паза мӧгі тус ӧрінерге полызар?
Піреезі гомосексуализмнеңер Библияның кӧрізі уғаа хатығ тіпче. Че Иегова хыныстығ Худай, аннаңар ол полған на кізі мӧгі чуртазын тіп хынча. Мӧгі чуртир ӱчӱн, тізең, аның чахығларын толдырарға кирек. 1 Коринфтегілерге 6:9—11 хығырып алып, ӱзӱрібізіңер:
-
Гомосексуальнай хынығыстардаң пасха Худай нимені хырт кӧрче?
Худайның кӧңніне кірер ӱчӱн, полған на кізее позында ниме-де алыстырарға кирек. Ноға анзына кӱс саларға кирек? Псалом 19:8, 11 хығырып алып, ӱзӱрібізіңер:
-
Худайның нравственнай нормалары туза полчалар тіп санапчазар ба? Ноға іди сағынчазар?
Иегова позының нравственнай нормаларынҷа чуртирға кӧп кізее полыс пирген. Сірерге дее полыс пирер
КЕМ-ДЕ ПІДИ ТІПЧЕ: «Ӧӧнінде секс хыныс паза чӧптезіг хоостыра поларға кирек. Кемнең хада пасхазы чоғыл».
-
Сірер анзына хайди нандырарҷыхсар?
ӦӦН САҒЫС
Секс — Иегова закон хоостыра хоных хонған ирепчілерге ле пирген сыйых.
Сағысха хатап кир кӧреелер
-
Худай хайдағ киректерні сексуальнай чазыхха санапча?
-
Хайди посты сексуальнай чазыхтардаң арачылап аларға?
-
Иегованың моральнай нормаларынҷа чуртаанының тузазы хайдағ?
ХОЗА ІСТЕЗІҢЕР
Ноға Худай хада чуртапчатхан иреннең ипчее закон хоостыра хоных хонарға кирек тіп санапча?
«Хоных хонар алнында хада чуртааннаңар Библияда ниме чоохталча?» (веб-статья)
Библия гомосексуалисттерні хырт кӧрерге ӱгретпинче.
Секстеңер Худайның чахығлары хайди пісті арачылапчатханын піліп алыңар.
«Олар миннең улуғласнаң тудынғаннар» тіп статьяны хығырып алып, гомосексуалист полған иренні Худайның чахығларынҷа чуртирға ниме кӧӧктіргенін піліп алыңар.
«Библия чуртасты алыстырча» («Сторожевой Башня», 1 хосхар айы, 2011 чыл)
a Андағ палғалысха олаңай секс, оральнай паза анальнай секс, ідӧк пасха кізее мастурбировать полғаны кірче.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
