Чир ӱстӱнде кізілер арағаа аймах-пасха кӧрчелер. Кем-де нанҷыларынаң хада араға ізерге хынча. Пасхалары пір дее іспинчелер. Синін пілбин, иртіре ізін салчатхан кізілер парох. Библияда чи, арағадаңар ниме чоохталча?

1. Библия араға ізерге чаратпинча ба?

Библияда араға ізерге чарабас тіп чоохталбинча. Анда араға Худай кізілерге пирген сыйыхтарның аразында турча. Библияда араға кізінің чӱреен ӧӧрчіліг итче тіп чоохталча (Псалом 104:14, 15). Библияда пазылған Худайға киртістіг кізілернің піреелері араға іскеннер (1 Тимофейге 5:23).

2. Библия арағадаңар хайдағ сизіндіріг пирче?

Иегова арағаны иртіре ізерге чаратпинча (Галат чиріндегілерге 5:21). Аның Сӧзінде чоохталча: «Арағаны иртіре кӧп ісчеткен... кізілернің аразында полба» (Притчи 23:20). Аннаңар кізілер аразында даа, чалғызан даа араға ізерге сағынчатсар, нимені санға аларға кирек? Арағаны сағыс путхал парар иде, сӧстеріңні паза тудынызыңны пілінмес иде паза хазыхха хомай идер иде ізерге чарабас. Синін пілбин ізібісчетсер, сірерге араға пір дее іспеске кирек, арса.

3. Пасхалары алған пӧгіннерні хайди улуғлирға?

Арағаны ізерге алай іспеске полған на кізі позы пӧгін аларға кирек. Піске кӧп нимес араға ізерге пӧгін алған кізіні хомайлирға чарабас. Араға іспеске пӧгін алған кізіні дее ізерге кӱстирге чарабас (Римдегілерге 14:10). Пістің араға іскенібіс кемге-де сидік ағыларын пілінчетсебіс, пір дее іспезе, чахсы поларҷых. (Римдегілерге 14:21 хығырыбызыңар.) Піске «пасхазына туза идерге» оңдай тілирге кирек. (1 Коринфтегілерге 10:23, 24 хығырыбызыңар.)

 ТИРЕҢ АРАХ ХАС КӦРІҢЕР

4. Сағынып алыңар, ізерге алай іспеске

Иисус араға іскеніне хайди кӧрген? Нандырығны піліп алар ӱчӱн, ол иткен пастағы хайхасты сағысха кир кӧреелер. Иоанн 2:1—11 хығырып алып, ӱзӱрібізіңер:

• Пу чоох хоостыра, Иисус арағаа паза араға іскен кізілерге хайди кӧрген?

• Иисус араға іскенін хомай нимее санабаанда, піске араға ісчеткен христианнарға хайди кӧрерге кирек?

Христианнарға араға ізерге чарадылчатса даа, ізерге чарабас тустар полчалар. Притчи 22:3 хығырып алып, сағынып алыңар, араға ізерзер алай іспессер, хаҷан:

• руль кистіне одырарға алай техниканаң тоғынарға кирек полза;

• чоон чӧрчетсер;

• имҷі сірерге араға ізерге чаратпинчатса;

• иртіре кӧп ізібісчетсер;

• закон сірерге араға ізерге чаратпинчатса;

• мының алнында іскее кір парған, ам, тізең, іспинібіскен кізінең хада ползар.

Тойда алай нанҷылар чыылыс парза, столға араға турғызарға кирек пе? Пу сурыға нандырығ таап аларға пу видео полыс пирер. ВИДЕО кӧріп алыңар.

Римдегілерге 13:13 паза 1 Коринфтегілерге 10:31, 32 хығырып алыңар. Полған на кизекті хығырған соонда, ӱзӱрібізіңер:

• Хайди пу принцип сірерге Иегованың кӧңніне кірер пӧгін аларға полыс пирер?

 5. Нинҷе кӧп ізерге сағынып алыңар

Иегова араға ізерге чаратча, че иртіре кӧп ізерге чаратпинча. Ноға? Осия 4:11, 18 хығырып алып, ӱзӱрібізіңер:

• Кізі иртіре кӧп араға ізібіссе, ниме пол парарға айабас?

Хайди иртіре кӧп іспеске? Посха иртіре ізенмеске паза хаҷан тохтабызарға пілерге кирек. Притчи 11:2 хығырып алып, ӱзӱрібізіңер:

• Ноға нинҷе ізерін азынада сағынып аларға кирек?

6. Іскее кір парған кізее арағаны тастабызарға ниме полызар?

 ӦӦН САҒЫС

Иегова арағаны, кізілерге ӧрініс ағылзын тіп, пирген, че араға иртіре іскенін паза іскее кір парғанын ол хомай нимее санапча.

Сағысха хатап кир кӧреелер

• Библияда арағадаңар ниме чоохталча?

• Арағаны иртіре іскені нименең хорғыстығ?

• Арағадаңар пасхалары алған пӧгіннерні хайди улуғлирға?