44-ҶІ УРОК
Худайның кӧңніне прай ӱлӱкӱннер кірчелер бе?
Иегова пісті чуртасха ӧрінзіннер паза пістің чуртазыбыста ӱлӱкӱннер ползыннар тіп хынча. Че прай ӱлӱкӱннер паза пайрамнар аның кӧңніне кірчелер бе? Пу сурығда аның кӧрізін санға алчатханыбысты хайди кӧзіт поларбыс?
1. Ноға кӧп ӱлӱкӱннер Иегованың кӧңніне кірбинчелер?
Сірерге хайхастығ даа полар, че кӧп ӱлӱкӱннер Библияа тоғырланчатхан ӱгредіглерде тӧстелчелер алай чой религиялардаң сыхчалар. Олар пірееде демонизмнең паза кізінің ӧлбинчеткен худы парына киртініснең палғалыстығ полчалар. Пірее ӱлӱкӱннер азаныснаң паза талаанға киртініснең палғалыстығлар (Исайя 65:11). Иегова позының нымысчыларына тіпче: «Олардаң чарылып... кірліг нимее теңмеңер» (2 Коринфтегілерге 6:17) a.
2. Кізілерні саблапчатхан ӱлӱкӱннерге Иегова хайди кӧрче?
Иегова сизіндірче: кізілерге ізенерге хорғыстығ. (Иеремия 17:5 хығырыбызыңар.) Пірее ӱлӱкӱннер ӱлгӱлерні алай чаа чидіглерін саблапчалар. Пірее ӱлӱкӱннер национальнай символларны алай хазна позып алған кӱнні таныхтапчалар (1 Иоанның 5:21). Ідӧк, политическай алай социальнай чӧрімнерні таныхтапчатхан ӱлӱкӱннер пар. Иегованың сағын салған сағызына тоғырланчатхан кӧрістерге ӱгретчеткен кізілерні алай организацияны саблапчатсабыс, Иегованың чӱреенде ниме полча?
3. Хайдағ тудыныс ӱлӱкӱнні ардат саларға айабас?
Библия оралысханын паза іскее сабылғанын хырт кӧрче (1 Петрның 4:3). Пірееде ӱлӱкӱннер тузында кізілер иртін сыхчалар паза моральнай нормалардаңар ундут салчалар. Иегованың нанҷызы полар ӱчӱн, андағ киректердең оортах тудынарға кирек.
ТИРЕҢ АРАХ ХАС КӦРІҢЕР
Хайди ӱлӱкӱннернең паза кӱлеттернең палғалыстығ сурығларда Иегованың кӧңніне кірчеткен пӧгіннер аларға піліп алыңар.
4. Иегованы ачырғандырчатхан ӱлӱкӱннерде араласпаңар
Ефестегілерге 5:10 хығырып алып, ӱзӱрібізіңер:
-
Хайдағ-да ӱлӱкӱнні ӱлӱкӱннирге бе алай чох па піліп аларға ниме полыс пирер?
-
Сірер чуртапчатхан орында хайдағ ӱлӱкӱннерні кӧп кізі таныхтапча?
-
Хайди сағынчазар, ол ӱлӱкӱннер Иегованың кӧңніне кірчелер бе?
Кӧзідімге, тӧреен кӱнні таныхтаанына Иегова хайди кӧрче? Библияда Иегованың нымысчылары тӧреен кӱнні таныхтаан тіп чоохталбинча. Че анда Иеговаа нымысчыланмаан ікі кізінің тӧреен кӱннерін таныхтааны пазылча. Бытие 40:20—22 паза Матфей 14:6—10 хығырып алып, ӱзӱрібізіңер:
-
Пу ікі кізінің тӧреен кӱннерін таныхтааны нименең тӧӧйлер?
-
Пу ікі полған киректі кӧрзе, хайди Иегова тӧреен кӱнні таныхтаанына кӧрче?
Сірер сағынчазар, арса: «Тӧреен кӱнні таныхтапчам ма алай ағаа тӧӧй пасха ӱлӱкӱннерде араласчам ма, чох па Иеговаа пасхазы пар ба?» Исход 32:1—8 хығырыбызыңар. Анаң ВИДЕО кӧріп алып, ӱзӱрібізіңер:
-
Ноға хайдағ-да ӱлӱкӱн Иегованың кӧңніне кірче бе, чох па піліп аларға кирек?
-
Аның кӧрізін хайди піліп аларға?
Хайдағ-да ӱлӱкӱннеңер Худайның кӧрізін хайди піліп аларға
-
Ол ӱлӱкӱн Библияның ӱгредіглеріне тоғырланча ба? Ӱлӱкӱн хайдаң сыхханын піліп алыңар.
-
Ол ӱлӱкӱн хайдағ-да кізіні, организацияны алай национальнай символны саблапча ба? Иегова ла иң улуғ сабланысха турыстығ, чирдегі прай сидіктерні ол ла чох ит полар.
-
Ол ӱлӱкӱнде иділчеткен киректер Библияның нормаларына тоғырланчалар ба? Піске нравственнай саринаң арығ халарға кирек.
5. Пасхаларына кӧрістеріңні улуғлирға полызыңар
Иегованың кӧңніне кірбинчеткен ӱлӱкӱнні ӱлӱкӱннирге кӱстепчетселер, отказ поларға оой нимес. Ноға ӱлӱкӱннебинчеткеннеріңні тыстаныснаң паза улуғласнаң чоохтап пиріңер. Хайди анзын идерге пу видеода кӧзіділче. ВИДЕО кӧріп алыңар.
Матфей 7:12 хығырып алып, ӱзӱрібізіңер:
-
Пу стих хоостыра, Иегованың киречізі полбинчатхан туғаннарға пу ӱлӱкӱнні таныхтабаңар тіп чоохтирға кирек пе?
-
Туғаннарыңнаң хада хайдағ-да ӱлӱкӱнні ӱлӱкӱннебинчетсер дее, оларға хынчатханыңарны паза оларны аарлыға санапчатханыңарны хайди кӧзіт поларзар?
6. Иегова пісті часкалығ ползыннар тіп хынча
Иегова пісті туғаннарыбыснаң паза нанҷыларыбыснаң тус иртірзіннер тіп хынча. Экклезиаст 8:15 хығырып алып, ӱзӱрібізіңер:
-
Иегованың пісті часкалығ ползыннар тіп хынчатханы пу стихтаң хайди кӧрінче?
Иегова нымысчыларын чуртасха ӧрінзіннер паза тусты хынығ иртірзіннер тіп хынча. Анзы пістің международнай конгресстердең кӧрінче. Международнай конгресстер хайди иртчеткенін пу ВИДЕОДАҢ кӧріп алыңар.
Галат чиріндегілерге 6:10 хығырып алып, ӱзӱрібізіңер:
-
Ӱлӱкӱннерде ле кізілерге чахсы идерге оңдай пар ба?
-
Ниме сірерге кӧп арах ӧрініс пирче: пос кӧңнінең сыйлааны алай сыйлирға кирек полчатхан ӱчӱн сыйлааны?
-
Кӧп Иегованың киречілері палалары сағыбаан туста сыйыхтар сыйлапчалар паза палаларына ӱлӱкӱннер итчелер. Сірернің палалар пар полза, сағын кӧріңер: хайди палаларыңны, олар сағыбаан туста, ӧріндір поларзар?
КЕМ-ДЕ ПІДИ ТІПЧЕ: «Ӱлӱкӱн хайдаң сыххан пасхазы чоғыл. Анзы туғаннарнаң паза нанҷыларнаң тоғазып аларға оңдай пирче».
-
Сірер анзына ниме тирзер?
ӦӦН САҒЫС
Иегова пісті туғаннарыбыснаң паза нанҷыларыбыснаң хынығ тус иртірзіннер тіп хынча. Че пісті аны ачырғандырчатхан ӱлӱкӱннерде аралассыннар тіп хынминча.
Сағысха хатап кир кӧреелер
-
Иегова хайдағ-да ӱлӱкӱнге хайди кӧрчеткенін піліп аларға хайдағ сурығлар полыс пирерлер?
-
Чағыннарыбысха ӱлӱкӱннерге кӧрісті хайди чоохтап пирерге?
-
Иегованың пісті часкалығ ползыннар паза тусты хынығ иртірзіннер тіп хынчатханын хайдаң пілчебіс?
ХОЗА ІСТЕЗІҢЕР
Піліп алыңар, хайдағ ӱлӱкӱннерні сын христианнар ӱлӱкӱннебинчелер.
«Ноға Иегованың киречілері пірее ӱлӱкӱннерні ӱлӱкӱннебинчелер?» (веб-статья)
Ноға тӧреен кӱнні ӱлӱкӱннеені Худайның кӧңніне кірбинче тіп санапчабыс. Мына тӧрт сылтағ.
«Ноға Иегованың киречілері тӧреен кӱнні ӱлӱкӱннебинчелер?» (веб-статья)
Пасхалары ӱлӱкӱннер тутчатсалар, хайди Иеговаа хынчатхан палалар аны ӧріндір поларлар? Кӧр кӧріңер.
Нинҷе-нинҷе миллион христианнар Кӧледені ӱлӱкӱннебеске пӧгін алғаннар. Ноға?
«Олар артых нимені таап алғаннар» («Сторожевой башня», 1 улуғ хырлас айы, 2012 чыл)
a 5-ҷі приложениеде сірер аралазарға хынминчатхан ӱлӱкӱнні ӱлӱкӱннепчетселер, хайди тудынарға кирек полчатханы чоохталча.
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
