Иисус позының ӱгренҷілеріне: «Сірер чир-чалбахтаң нимессер», — теен (Иоанн 15:19). Анзы христианнарға нейтралитет тударға кирек полчатханын таныхтапча. Піс политическай сурығларда паза чааларда пірдеезінің саринзар турбинчабыс. Че чоохтирға кирек, нейтралитет тударға оой ла нимес. Христианскай нейтралитет тутчатханыбыс ӱчӱн пісті хырт кӧрчелер паза піске кӱлчелер. Хайди нейтралитет тударға паза Иегова Худайға пӱкӱлее киртістіг халарға?

1. Сын христианнар хазна ӱлгӱлеріне хайди кӧрчелер?

Христианнар хазна ӱлгӱлерін улуғлапчалар. Піс Иисус чоохтаан оңдайнаң тудынчабыс, аннаңар «хағаннин хағанға» пирчебіс. Пасха сӧстернең чоохтаза, піс чуртапчатхан хазнаның законнарын толдырчабыс (Марк 12:17). Кӧзідімге, хазнаа прай налогтарны тӧлепчебіс. Библияда Иегова ла чаратхан ӱчӱн кізілер ӱлгӱ тутчалар тіп чоохталча (Римдегілерге 13:1). Анзы олардаң даа пӧзік ӱлгӱ парын кӧзітче. Піс Худай паза аның Хан-ӱлгӱзі ле кізілернің прай сидіктерін чох идібізер тіп санапчабыс.

2. Нейтралитет тутчатханыбысты хайди кӧзіт поларбыс?

Піс, Иисусох чіли, политикаа ара кірбинчебіс. Иисустың хайхастар итчеткенін кӧр салып, кізілер аны ханға турғыс саларға иткеннер. Че Иисус оларға анзын идерге пирбеен (Иоанн 6:15). Ноға? Соонаң ол чарыда чоохтап пирген: «Минің хан-чирім пу чир ӱстӱнде нимес» (Иоанн 18:36). Піс Иисустың ӱгренҷілері полчабыс, аннаңар чааларда араласпинчабыс. (Михей 4:3 хығырыбызыңар.) Піс национальнай символларны, кӧзідімге, флагтарны, улуғлапчабыс, че оларны ызых нимее санабинчабыс (1 Иоанның 5:21). Піс хайдағ-да политическай партияның алай кандидаттың сарина даа турбинчабыс, олардаң тоғыр даа парбинчабыс. Іди піс Худайның Хан-ӱлгӱзіне киртістіг полчатханыбысты кӧзітчебіс.

 ТИРЕҢ АРАХ ХАС КӦРІҢЕР

3. Сын христианнар нейтралитет тутчалар

Иисус паза пастағы христианнар піске кӧзідім полчалар. Римдегілерге 13:1, 5—7 паза 1 Петрның 2:13, 14 хығырып алыңар. Анаң ВИДЕО кӧріп алып, ӱзӱрібізіңер:

• Ноға піске хазна ӱлгӱзін улуғлирға кирек?

• Ӱлгӱнің чооғын исчеткенібіс нимедең кӧрінче?

Пірее хазналар чаа тузында нейтралитет тутчабыс тіпчелер. Че олох туста, чааласчатхан хазналарның ікізіне дее хабасчалар. Андағ тудынысты нейтралитет тирге чарир ба? Иоанн 17:16 хығырып алыңар. Анаң ВИДЕО кӧріп алып, ӱзӱрібізіңер:

• Христианскай нейтралитет нимедір ол?

Ӱлгӱдегілер Худайның чахии чаратпинчатхан нимені идерге кӱстепчетселер, хайди поларға? Илҷілернің 5:28, 29 хығырып алыңар. Анаң ВИДЕО кӧріп алып, ӱзӱрібізіңер:

• Хазнаның пірее законы Худайның законына тоғырланчатса, хайзының чооғын истерге кирек?

• Хаҷан христианин хазна ӱлгӱзінің чооғын испес?

 4. Сағыста даа, киректерде дее нейтралитет тударға

1 Иоанның 5:21 хығырып алыңар. Анаң, ВИДЕО кӧріп алып, ӱзӱрібізіңер:

• Ноға Айенге политическай партияларға кірбеен паза националистическай церемонияларда, кӧзідімге, флагха честь пирерінде, араласпаан?

• Хайди сағынчазар, ол орта иткен ме?

Паза хайдағ киректерде пістің нейтралитет тутчатханыбыс сыныхталар? ВИДЕО кӧріп алып, ӱзӱрібізіңер:

• Аймах-пасха хазналар араласчатхан марығны кӧрчетсебіс, ноға піске нейтралитет тударға кирек?

• Ӱлгӱдегілер алған пӧгіннер пістің чуртазыбысха теелчетсе, хайди нейтралитет тударға?

• Хайди средства массовой информации паза піснең чоохтасчатхан кізілер нейтралитет тутчатханыбысха теелерге айабас?

 ӦӦН САҒЫС

Христианнар сағыстарында, сӧстерінде паза тудыныстарында нейтралитет тутчалар.

Сағысха хатап кир кӧреелер

• Хазна алнында пістің хайдағ обязанностьтар пар?

• Ноға піс политика сурығларында нейтралитет тутчабыс?

• Хаҷан нейтралитет тударға оой нимес?