46-ҶЫ УРОК
Ноға чуртасты Худайға пирібізерге паза кіреске тӱзерге кирек?
Пазырыста Худайның кӧңнін толдырары чуртазыбыстың пастағы орында полар тіп паза ағаа ла пазырарбыс тіп сӧс пиріп, чуртазыбысты Иеговаа пир салчабыс (Псалом 40:8). Анаң кіреске тӱзерге кирек. Іди сірер чуртазыңарны Иеговаа пирібіскеніңерні кӧзідерзер. Чуртасты Иеговаа пирібізерге пӧгін — иң аарлығ пӧгін. Анзына ниме кӧӧктірерге кирек?
1. Чуртасты Худайға пирібізерге кізіні ниме кӧӧктірче?
Иеговаа хынып, піс ағаа чуртазыбысты пирібісчебіс (1 Иоанның 4:10, 19). Библияда чоохталча: «Син прай чӱрееңнең, прай кӧңніңнең, прай сағызыңнаң, прай кӱзіңнең Худайыңа хын» (Марк 12:30). Худайға хыныс сӧстерде дее, киректерде дее кӧрінче. Кӧзідімге, ир кізінең ипчі кізі удур-тӧдір сынап хынысчатсалар, олар хоных хон салчалар. Ідӧк піс Иеговаа сынап хынчатсабыс, ағаа чуртазыбысты пиріп, кіреске тӱсчебіс.
2. Кіреске тӱскен нымысчыларына Иегова ниме тимнеп салған?
Кіреске тӱскен соонда, сірер Иегованың уғаа улуғ, ынағ сӧбірезінің чардығы пол парарзар. Иегова сірерге хынчатханын аймах-пасха оңдайларнаң кӧзідер. Сірер ағаа улам чағын пол парарзар. (Малахия 3:16—18 хығырыбызыңар.) Сірернің тигірдегі Пабаңар полар, ағаа хоза, прай чир ӱстӱнде Иеговаа хынчатхан уғаа кӧп харындас-пиҷелер полар. Олар сірерге дее хынарлар. (Марк 10:29, 30 хығырыбызыңар.) Ікінҷілес чоғыл, кіреске тӱзеріне тимненіп аларға кирек: Иегованы чахсы піліп аларға, ағаа хынып аларға паза аның Оолғына киртініп аларға. Ідӧк чуртасты Иеговаа пирібізерге кирек. Андада сірер кіреске тӱзерге тимде поларзар. Кіреске тӱзіп алып, мӧгі чуртасха апарчатхан чолға кіріп аларзар. Худай Сӧзінде кіреске тӱскені сірерні арачылапча тіп чоохталча (1 Петрның 3:21).
ТИРЕҢ АРАХ ХАС КӦРІҢЕР
Ноға Иеговаа чуртасты пирібізерге паза кіреске тӱзерге кирек полчатханын піліп алыңар.
3. Кемге нымысчыланарға чахсы сағынып алыңар
Пурунғы израильтяннар Иеговаа, олох туста Ваалға пазырарға чарир тіп сағынғаннар. Че оларның саба сағынчатханнарын кӧзіт пирер ӱчӱн, Иегова позының ухаанҷызын, Ильяны, ысхан. 1 Царей 18:21 хығырып алып, ӱзӱрібізіңер:
-
Израильтяннарға хайдағ сурығда пӧгін аларға кирек полған?
Израильтяннарға кемге нымысчыланарға пӧгін аларға кирек полған, пістің дее алныбыста андағ сурығ турча. Лука 16:13 хығырып алып, ӱзӱрібізіңер:
-
Ноға Иеговаа, олох туста кемге-де алай нимее-де пазырарға чарабас?
-
Иеговаа пазырарға пӧгін алғаныбысты хайди кӧзіт пирерге?
4. Иегова сірерге хайди тың хынчатханнаңар сағыныңар
Иегова піске кӧп аарлығ сыйыхтар пирген. Піс чи, ағаа ниме ит поларбыс? ВИДЕО кӧріп алыңар.
Иегова сірерге хынчатханын хайди кӧзіткен? Псалом 104:14, 15 паза 1 Иоанның 4:9, 10 хығырып алып, ӱзӱрібізіңер:
-
Хайдағ сыйыхтарның ӱчӱн сірер Иеговаа иң тың алғыстығзар?
-
Иегова сірерге нинҷе кӧп сыйых сыйлааннаңар сағынзар, сірернің хайдағ чувстволар полчалар?
Кӧңнібіске кірчеткен сыйых сыйлазалар, алғызыбыс читірерібіс килче. Второзаконие 16:17 хығырып алып, ӱзӱрібізіңер:
-
Иегова сірерге нинҷе кӧп сыйых сыйлааннаңар сағынчатсар, ағаа ниме идеріңер килче?
5. Чуртазыңарны Иеговаа пирібіскен ӱчӱн хаҷан даа ачырғанмассар
Кӧп кізі сабланыс, карьера паза ахча кізіні часкалығ итче тіп санапча. Анзы андағ ба? ВИДЕО кӧріп алып, ӱзӱрібізіңер:
-
Ноға пу кізі, футболға хынған полза даа, футболист карьеразын артыс салған?
-
Хайди сағынчазар, чуртазын футболға пирбин, Иеговаа пир салып, ол орта иткен ме? Чарыда чоохтап пиріңер.
Христианин полар алнында, Павел уғаа маңнаныстығ кізі полған. Аны иудейлернің законнарына саблығ ӱгретчі ӱгреткен. Христианин полар ӱчӱн, ол прай нимені артыс салған. Алған пӧгіннің ӱчӱн Павел ачырғанған ма? Филипптегілерге 3:8 хығырып алып, ӱзӱрібізіңер:
-
Христианин полар алнында, айғасхан киректерні Павел ноға похсах тіп адаан?
-
Аның орнына ол ниме алған?
-
Хайди сағынчазар, ниме артых: Иеговаа нымысчыланғаны алай пасха нимее чидіп аларға кӱстенгені?
Христианин полып алар ӱчӱн, Павел кӧп нимедең отказ полыбысхан. Че уғаа кӧп ниме алып алған
КЕМ-ДЕ ПІДИ ТІПЧЕ: «Алығ ла кізі чуртазын Худайға пирче».
-
Сірер чи, хайди сағынчазар, чуртасты Иеговаа пирібіскені ноға чахсы?
ӦӦН САҒЫС
Иеговаа хыныс ағаа чуртазыбысты пирібізерге паза кіреске тӱзерге кӧӧктірче.
Сағысха хатап кир кӧреелер
-
Ноға Иегова ағаа прай чӱрекнең хынарға паза ағаа ла пазырарға турыстығ?
-
Кіреске тӱскен нымысчыларын Иегова хайди сыйыхтапча?
-
Чуртазыңарны Иеговаа пирібізерге хынчазар ба?
ХОЗА ІСТЕЗІҢЕР
Ноға опернай ырҷы паза профессиональнай спортсмен Иеговаа чуртастарын пирібіскеннер?
«Чииттернің сурығлары. Нимее чуртасты пирібізерге? Мының алнындағызын сағысха кирчебіс» (6:54)
Чуртасты Иеговаа пирібізерге паза хайдағ сылтағлар пар?
«Ноға чуртасты Иеговаа пирібізерге кирек?» («Сторожевой башня», 15 кӱрген айы, 2010 чыл)
Чуртастарын Иеговаа пирібіскен кізілер хайдағ ӧрініс алчалар кӧріп алыңар.
«Кӧп чыллар сурғам: „Нимее піс чуртапчабыс?“» тіп биографиядаң ноға пір ипчі приоритеттерін алыстырыбысханын піліп аларзар.
«Библия чуртасты алыстырча» («Сторожевой башня», 1 кічіг хырлас айы, 2012 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
