1.  «Илбек Вавилон» нимедір ол?

2.  Хаҷан Мессий килерге кирек полған?

3.  Ханнаң палғалыстығ имнег процедуралары

4.  Чара чуртааны

5.  Ӱлӱкӱннер паза пайрамнар

6.  Чуғынҷах ағырығлар

7.  Деловой паза юридическай сурығлар

 1. «Илбек Вавилон» нимедір ол?

«Илбек Вавилон» ол прай чой религиялар полчатханын хайдаң пілчебіс? (Азых чоох 17:5). Анзына мындағ киречілестер пар:

• Ол прай чир-чалбахха влиять полча. Библияда Илбек Вавилон «кізілер, чоннар, сӧӧктер паза аймах тіллер» ӱстӱнде одырча паза ол «чир ӱстӱндегі ханнарның ханы полчатхан илбек саар» тіп чоохталча (Азых чоох 17:15, 18).

• Ол политика паза коммерция нимес. «Чир ӱстӱндегі ханнар» паза «садығҷылар» аннаң хада хырыл парбастар (Азых чоох 18:9, 15).

• Ол Худайдаңар чой нимее ӱгретче. Илбек Вавилон ӱлгӱлернең, ағаа хабассыннар тіп, чӧптезіглер турғысчатхан ӱчӱн, «уғаа чӧреечі ипчі» тіп адалча (Азых чоох 17:1, 2). Ол прай чоннарны алаахтырча паза кӧп кізілернің ӧлімінде пыролығ (Азых чоох 18:23, 24).

13-ҷі уроктың 6-ҷы пунктынзар айланарға

 2. Хаҷан Мессий килерге кирек полған?

Библияда Мессий килер алнында 69 неделя ирт парарға кирек тіп чоохталча. (Даниил 9:25 хығырыбызыңар.)

• 69 неделя хаҷан пасталған? П. э. алнында 455 чылда. Ол чылда Неемия Иерусалимзер ол саарны хатап пӱдір саларға килген (Даниил 9:25; Неемия 2:1, 5—8).

• 69 неделя нинҷе ӱр полған? Библияның пірее ухаанҷыластарында чыл «кӱн» тіп адалча (Числа 14:34; Иезекииль 4:6). Аннаңар полған на неделя — ол читі чыл. 69 неделя 483 чыл пол парча (69 неделяны 7 кӱнге хатабызарға).

• 69 неделя хаҷан тоозылған? П. э. алнындағы 455 чылдаң 483 чыл саназа, п. э. 29 чыл пол парча a. Сах ол чылда Иисус, кіреске тӱзіп алып, Мессий пол парған! (Лука 3:1, 2, 21, 22).

15-ҷі уроктың 5-ҷі пунктынзар айланарға

 3. Ханнаң палғалыстығ имнег процедуралары

Пірее имнег процедураларында кізінің позының ханынаң тузаланчалар. Оларның піреелері христианнарға чарадылбинча. Кӧзідімге, христианнар донор полбинчалар паза, операция тузында постарына хан урдырар ӱчӱн, хан пирбинчелер паза ханны хайда-да чығбинчалар (Второзаконие 15:23).

Че пірее процедураларны христианнар постарына идерге чаратчалар. Кӧзідімге, ханны анализке пирчелер, гемодиализ паза гемодилюция иттірчелер, хан чӱгӱртчеткен аппаратнаң паза селл-сейвернең тузаланчалар. Полған на христианин анализке алған ханны паза операция алай имнег тузында аның ханын хайди идерге позы пӧкче. Полған на имҷі пу процедураларны позының оңдайынҷа итче. Аннаңар операцияа чадар, анализтер пирер алай хайдағ-да пасха оңдайнаң имненер алнында, христианинге аның ханынаң хайди тузаланарлар чахсы піліп аларға кирек. Постарыңа пу сурығларны турғызыңар:

• Ханымның хайдағ-да чардығын ит-сӧӧгімнең алып алзалар паза ол нинҷе-де тус чӱгӱрбин сыхса, совезім ол ханны минің ит-сӧӧгімнің чардығы тіп санирға чарадар ба? Аны «чирге тӧгібізерге» кирек нимес пе? (Второзаконие 12:23, 24).

• Имнег процедуразы хоостыра, минің ханымның чардығын алып алып, аннаң ниме-де идіп, нандыра урарға кирек полчатса, андағ процедура идерге совезім чарадар ба?

39-ҷы уроктың 3-ҷі пунктынзар айланарға

 4. Чара чуртааны

Библия ирепчілернің чара чуртааны хомай ниме тіп ӱгретче. Худайның Сӧзінде чара чуртапчатханнарға наа хоных хонарға чарадылбинча (1 Коринфтегілерге 7:10, 11). Че пірееде христианинге чара чуртирға киліс парча.

• Сӧбірезінеңер ӧнетін сағыссырабинча. Ирі сӧбірезіне полыспинчатхан ӱчӱн, ипчізі паза палалары ахча паза чіҷең ниме чох халчалар (1 Тимофейге 5:8).

• Иртіре чабал тудыныс. Хоных хонғанының чабал тудынызы христианиннің хазиина алай чуртазына хорығыс ағылча (Галат чиріндегілерге 5:19—21).

• Иегованаң ынархасха сынап хорығыс полза. Хоных хонғаны христианинге Иеговаа нымысчыланарға пирбинче (Илҷілернің 5:29).

42-ҷі уроктың 3-ҷі пунктынзар айланарға

  5. Ӱлӱкӱннер паза пайрамнар

Иегованың кӧңніне кірбинчеткен ӱлӱкӱннерде христианнар араласпинчалар. Полған на ӱлӱкӱннең палғалыстығ киректе христианинге Библияда ӱгреділген совезі хоостыра тудынарға кирек. Нинҷе-де кӧзідім кӧр кӧреелер.

• Сірерні ӱлӱкӱннең алғапчалар. «Алғыс» тіп нандырарға чарир. Кізі ноға пу ӱлӱкӱнні ӱлӱкӱннебинчеткеннеріңні піліп аларға хынчатса, чарыда чоохтап пирерге чарир.

• Иегованың киречізі полбинчатхан ирің алай ипчің ӱлӱкӱн тузында туғаннарзар ааллап парарға хығырча. Совезіңер парарға чаратчатса, хоных хонғаныңарға ӱлӱкӱннең палғалыстығ кибірлерде араласпаспын тіп азынада чоохтап пиріңер.

• Пастых ӱлӱкӱнге премия пирерге итче. Отказ поларға кирек пе? Мындағ сурығларға нандырығлар таап алып, посха пӧгін аларға кирек: пастых премияны ӱлӱкӱннің чардығы тіп санапча ба? алай ол сірерні чахсы тоғыс ла ӱчӱн сыйыхтапча ба?

• Ӱлӱкӱн кӱннерінде сірерге сыйых сыйлапчалар. Кізі піди тир, арса: «Пу ӱлӱкӱнні ӱлӱкӱннебинчеткеннеріңні пілчем, че сыйых сыйлап пирерге хынчам». Кізі сыйых ла сыйлап пирерге хынча ба алай киртіністерің нинҷе пик сыныхтап кӧрерге хынча ба? Алай сірерні ӱлӱкӱнге ара тартып аларға хынча ба? Сыйых аларға алай албасха, постарың пӧгіңер. Хайдағ даа пӧгін алзабыс, піс арығ совестьтіг паза Иеговаа киртістіг поларға хынчабыс (Илҷілернің 23:1).

44-ҷі уроктың 1-ғы пунктынзар айланарға

 6. Чуғынҷах ағырығлар

Піс кізілерге хынчабыс. Аннаңар ағырчатсабыс алай чуғынҷах ағырығ пістең пастыра тарирға хорығыс полза, пасхаларына ол ағырығны чухтыр салбас ӱчӱн, прай кӱс салчабыс. Піс Библияның «чағыныңа позыңа чіли хын» тіп чахиин толдырчабыс, аннаңар іди тудынчабыс (Римдегілерге 13:8—10).

Анзын чуртаста хайди кӧзідерге? Ағырығ чухтырып алған кізі пасхаларына тың чағын чӧрбес. Кӧзідімге, кізіні хуҷахтабас паза охсанмас. Кем-де, сӧбірезіне ағырығ чухтыр салбас ӱчӱн, ибінзер хығырбинчатса, андағ кізі тарынмас. Кіреске тӱзер алнында, ол ах сағалларның чӧбінің координаторына позының ағыриинаңар чоохтап пирер. Андада харындастар аннаң хада кіреске тӱсчеткеннерні арачылап поларлар. Чуғынҷах ағырыға хаптырт саларға хорығыс полған полза, хыснаң алай оолнаң таныс чӧрер алнында, ханын анализке пирер. Іди ол позынаңар ла нимес, че пасхаларынаңар даа сағыссырапчатханын кӧзіт пирер (Филипптегілерге 2:4).

56-ҷы уроктың 2-ҷі пунктынзар айланарға

 7. Деловой паза юридическай сурығлар

Ахчанаң палғалыстығ сурығларда, христианнарның аразында даа, чӧптезіг пічиин пас салза, кӧп сидіктерге кір парбасха оңдай полар (Иеремия 32:9—12). Че христианнарның аразында ахчанаң палғалыстығ сидіктер пол парчалар. Ол сидіктерні табырах, ынағ паза пасха кізілерні ара тартпин, пӧгібізерге кирек.

Кем-де кізіні ӧнетін алаахтырчатса алай тайма чоох чоохтапчатса, хайди поларға? (Матфей 18:15—17 хығырыбызыңар.) Иисус хайди тудынарға кӧні чоохтап пирген:

1. Ол сурығны, ікӧлең чоохтазып, пӧгіп аларға кӱстенерге. (15-ҷі стихты кӧріңер.)

2. Киліспезе, пір алай ікі духовнай саринаң пызығ христианинні хығырып аларға. (16-ҷы стихты кӧріңер.)

3. Сурығ пӧгілбезе, пу ікі алтым иткен соонда ла, ах сағалларзар айланарға. (17-ҷі стихты кӧріңер.)

Иегованың паза ӧменің репутациязын кірлебес ӱчӱн, піс кӧбізін харындастарны чарғаа пирбинчебіс (1 Коринфтегілерге 6:1—8). Че пірееде христианинге чарғызар айланарға кирек полча. Кӧзідімге, ирепчілер чарылысчатсалар, опекунство алчатсалар, алиментке пирчетселер алай страховканаң, банкротствонаң паза завещаниенең палғалыстығ сурығларда. Мындағ киректерні тартыспин пӧгіп алар ӱчӱн, христианин чарғызар айланчатса, ол библейскай принциптерні сайбабинча.

Христианин ӱлгӱдегілерге аар сайбағдаңар чоохтапчатса, ол ідӧк библейскай принциптер сайбабинча. Кӧзідімге, кізее кӱл салғаннаңар, паланы сексуальнай саринаң ардатханнаңар, кізіні сохханнаңар, оғыр иткеннеңер алай кізі ӧдіргеннеңер искірзе.

56-ҷы уроктың 3-ҷі пунктынзар айланарға