49-ҶЫ УРОК
Хайди сӧбірелер часкалығ пол поларлар (1-ғы чардых)
Наа хоных хонған кізілер мӧгі тус часкалығ поларға хынчалар. Сынында андағ оңдай пар. Христианнарның аразында хоныхта ӱр тус часкалығ чуртапчатхан кізілернің саны асхынах нимес. Олар библейскай принциптер хоостыра чуртапчалар, аннаңар часкалығлар.
1. Библия ирлерге хайдағ чӧптер пирче?
Иегова ир кізіні сӧбіренің пазына турғыс салған. (Ефестегілерге 5:23 хығырыбызыңар.) Худай ир кізідең сӧбірезіне туза ағылчатхан пӧгіннер аларын сағыпча. Библия иреннерге ипчілеріне хынарға чӧп пирче (Ефестегілерге 5:25). Ол чӧп ниме таныхтапча? Хынчатхан ирен ипчізінең, ікӧлең ползалар даа, кізілер кӧзіне дее, паарсаснаң тудынча. Ол аны хайдағ даа хомай нимедең арачылапча, аның чувстволарынаңар сағыссырапча паза прай кирексіністерін толдырча (1 Тимофейге 5:8). Ипчізіне Иегованаң пик палғалыстығ поларға полысча, анзы иң аарлығ (Матфей 4:4). Кӧзідімге, ол ипчізінең хада пазырча паза Библия хығырча. Ир кізі ипчізінең хыныснаң паза паарсаснаң тудынза, Иегованаң палғалызын тыытча. (1 Петрның 3:7 хығырыбызыңар.)
2. Библия ипчілерге хайдағ чӧптер пирче?
Худайның Сӧзінде ипчі кізее ирін улуғлирға чоохталча (Ефестегілерге 5:33). Хайди улуғлирға? Ипчізіне ирінің кӱстіг сариларынаңар, ирі ағаа паза палаларына ниме итчеткеннеңер сағынарға кирек. Ідӧк ол ирі алған пӧгіннерні толдырарға кирек. Ирі пасха религияда полза даа, аннаң паарсаснаң чоохтазар паза аннаңар хомай ниме чоохтап чӧрбес.
3. Ирепчілерге хоныхтарын хайди тыыдарға?
Библияда чоохталча: «Олар ікӧлең пір кізі осхас пол парарлар» (Матфей 19:5). Ирепчілерге хыныстарын соот салбасха кӱстенерге кирек. Хыныс сооп парбазын тіп, оларға хада тус иртірерге паза, удур-тӧдір чӱректерін азып, чоохтазарға кирек. Оларға Иегова иң аарлығ поларға кирек, аның соонда ипчізі алай ирі. Ирепчілерге пасха кізінең чағын палғалыстығ пол парбас ӱчӱн, сизіктіг поларға кирек.
ТИРЕҢ АРАХ ХАС КӦРІҢЕР
Хайдағ библейскай принциптер хонығыңарны пик идерін піліп алыңар.
4. Ирлер, ипчілеріңе хыныңар паза оларны хайраллаңар
Библияда: «Иреннер ипчілеріне постарына хынчатхан чіли хынарға киректер», — тіп чоохталча (Ефестегілерге 5:28, 29). Анзын хайди идерге? ВИДЕО кӧріп алып, ӱзӱрібізіңер:
-
Ирі ипчізіне хынчатханын хайди кӧзіт полар?
Колосстағыларға 3:12 хығырып алып, ӱзӱрібізіңер:
-
Ирі пу качестволарны хайди кӧзіт полар?
5. Ипчілер, ирлеріңе хыныңар паза оларны улуғлаңар
Ирі Иегованың нымысчызы полбаза даа, Библия ипчізіне ирін улуғлирға чоохтапча. 1 Петрның 3:1, 2 хығырып алып, ӱзӱрібізіңер:
-
Сірернің иріңер Худайға, сірер чіли, пазырбинча, арса. Ол Иеговаа, сірерӧк чіли, хынзын тіп хынча поларзар. Андағ хоныхта чуртапчатсар, сірерге хайди тудынарға? Ағаа Худайдаңар сыбыра чоохтирға алай паарсаснаң тудынарға паза аны улуғлирға? Ноға іди сағынчазар?
Кӧбізін ирепчілер пӧгіннерні хада алчалар. Че пірееде ирі алған пӧгін ипчізінің кӧңніне кірбинче. Андағ ниме пол парза, ипчізіне позының кӧрізін улуғласнаң паза амыр чоохтап пирерге кирек. Че ундутпасха кирек: Иегова халғанҷы пӧгін аларға иріне чахаан. Аннаңар ағаа ирі алған пӧгінні толдырарға полызарға кирек. Іди ол сӧбіреде амыр паза истіг чуртасха хабасча. 1 Петрның 3:3—5 хығырып алып, ӱзӱрібізіңер:
-
Ипчізі ирін улуғлапчатса, Иегова ниме чувствовать полча?
6. Хоныхтағы сидіктерні тобырып аларға оңдай пар
Сидіктер чох хоных полбинча, аннаңар ирепчілерге, пір команда чіли, тудынарға кирек. ВИДЕО кӧріп алып, ӱзӱрібізіңер:
-
Пу ирепчінің хыныстары сооп сыхханы нимедең кӧрінче?
-
Хоныхтарын тыыдар ӱчӱн, олар ниме иткеннер?
1 Коринфтегілерге 10:24 паза Колосстағыларға 3:13 хығырыбызыңар. Полған на стих хығырған соонда, пу сурығны ӱзӱрібізіңер:
-
Пу чӧпнең тузаланғаны хоныхты хайди тыыдар?
Библияда удур-тӧдір улуғлазарға чӧп пирілче. Анзы удур-тӧдір чалахай чоохтасханын, кӧрістерін паза чувстволарын санға алғанын таныхтапча. Римдегілерге 12:10 хығырып алып, ӱзӱрібізіңер:
-
Хоных хонғаныңар сірерні пурун улуғлирға кирек пе? Ноға іди сағынчазар?
КЕМ-ДЕ ПІДИ ТІПЧЕ: «Пістің хынызыбыс сооп парғанға тӧӧй».
-
Хайди сағынчазар, андағ кізілерге хайдағ библейскай принциптер полыс поларлар?
ӦӦН САҒЫС
Ирепчілер удур-тӧдір хыныссалар, улуғлассалар паза библейскай принциптерҷе тудынзалар, часкалығ поларлар.
Сағысха хатап кир кӧреелер
-
Сӧбіре часкалығ ползын тіп, ирі ниме ит полар?
-
Сӧбіре часкалығ ползын тіп, ипчізі ниме ит полар?
-
Хайдағ библейскай принцип хонығыңарны тыыт полар?
ХОЗА ІСТЕЗІҢЕР
Сӧбіре часкалығ ползын тіп, сӧбіредегі полған на кізі ниме ит полар?
Пу видеодаң Худай пирген чӧптерҷе тудынза, хоных хайдағ часкалығ пол парчатханын піліп аларзар.
Ирін позының пазына санааны ниме таныхтапчатханын піліп алыңар.
«Ноға ипчі кізее ирінің сӧзін истерге кирек?» («Сторожевой башня», 15 сілкер айы, 2010 чыл)
Чарылыс парған ирепчее сӧбірені хатап пӱдіріп аларға ниме полыс пирген?
«Худайның полызиинаң сӧбіребісті хатап пӱдіріп алғабыс» (5:14)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
