50-ҶІ УРОК
Хайди сӧбірелер часкалығ пол поларлар? (2-ҷі чардых)
Палалар — ол Иегова пирген сыйых, аннаңар ол іҷе-пабалар ол сыйыхты хайраллап ӧскірзіннер тіп сағыпча. Иегова іҷе-пабаларға палаларны хайраллап ӧскірерге чӧптер пирче. Ідӧк ол палаларға, прай сӧбіре часкалығ ползын тіп, устағлар пирче.
1. Иегова іҷе-пабаларға хайдағ чӧптер пирче?
Иегова іҷе-пабалар палаларына хынзыннар паза оларнаң кӧп арах тус иртірзіннер тіп хынча. Ідӧк пабалар паза іҷелер палаларын аймах-пасха хорғыстардаң арачылазыннар паза библейскай принциптер хоостыра ӱгредіп ӧскірзіннер тіп хынча (Притчи 1:8). Паза Иегова іҷе-пабаларға палаларын позы чахаан оңдайнаң ӱгредерге чоохтапча. (Ефестегілерге 6:4 хығырыбызыңар.) Іҷе-пабалар ол пирген устағлар хоостыра палаларын ӱгретчетселер паза постарының обязанностьтарын пасха кізее салдырбинчатсалар, Иегова ӧрінче.
2. Иегова палаларға хайдағ чӧптер пирче?
Иегова палаларға іҷе-пабаларының чооғын сыбыра истерге чахыпча. (Колосстағыларға 3:20 хығырыбызыңар.) Палалар постарының іҷе-пабаларын улуғлазалар паза оларның чоохтарын исселер, Иегова даа, іҷе-пабалары даа ӧрінерлер (Притчи 23:22—25). Иисус палаларға чахсы кӧзідім артыс салған. Аның іҷе-пабазы олаңай ла, толдыра нимес кізілер полған ползалар даа, ол оларның чооғын искен паза оларны улуғлаан (Лука 2:51, 52).
3. Хайди сірернің сӧбіреңер Худайға чағын арах пол полар?
Ікінҷілес чоғыл, сірернің палалар пар полза, постарың Иеговаа хайди хынчазар, палаларың ағаа ідӧк тың хынзыннар тіп сағынчазар. Хайди ол кӧстеге чидіп аларға? Библияда чоохталча: «Оларны [Иегованың сӧстерін] палаларыңа сиирте чоохта, ибде одырчатсаң, чолҷа парчатсаң... чоохта» (Второзаконие 6:7). Паланы нимее-де ӱгрет саларға хынчатсар, анзын нинҷе-де хати чоохтанарға кирек полчатханын сизінген поларзар. Хатап-хатап чоохтабин, паланы ӱгрет полбас. Хайди пу стихта кӧрінче, палаларға Иеговадаңар чоохтирға сыбыра оңдайлар тілирге кирек. Сӧбіре пазырызын — Библияны прай сӧбіренең хада ӱгренгенін — неделя сай иртірер ӱчӱн, тус таап турыңар. Сірернің пала чох полза даа, Худай Сӧзін хоных хонғаныңнаң хада істессер, сірерге туза полар.
ТИРЕҢ АРАХ ХАС КӦРІҢЕР
Хайдағ библейскай принциптер сӧбірее часкалығ паза хорғыс чох чуртирға полысчатханын піліп алыңар.
4. Палаларны хыныснаң ӧскіріңер
Паланы ӧскірерге оой тоғыс нимес. Пу киректе Библия хайди полыс полар? Иаковтың 1:19, 20 хығырып алып, ӱзӱрібізіңер:
-
Хайди іҷе-пабалар палаларынаң хыныснаң тудын поларлар?
-
Ноға іҷе-пабаларға ӧкпеленчеткен туста паланы хатығлирға чарабас? a
5. Палаларыңны арачылаңар
Палаларны арачылир ӱчӱн, сірерге уйадыстығ полза даа, оларның полғанынаң на секстеңер чоохтазарға кирек. ВИДЕО кӧріп алып, ӱзӱрібізіңер:
-
Ноға пірее іҷе-пабаларға палаларынаң секстеңер чоохтазарға оой нимес?
-
Іҷе-пабалар палаларынаң секстеңер чоохтазарға хайдағ оңдайлар таапчалар?
Пу чир-чалбахтағы кізілер саңай ардап парғаннар. Библия анзын азынада ухаанҷылаан. 2 Тимофейге 3:1, 13 хығырып алып, ӱзӱрібізіңер:
-
13-ҷі стихта чоохталчатхан кізілернің санына палаларға кӱл салчатхан кізілер паза педофиллер кірчелер. Ноға іҷе-пабаларға палаларын половой саринаң ӱгредерге кирек? Ноға паланы палаа кӱл салчатхан кізілердең арачыланарға ӱгредерге кирек?
Пілчезер бе?
Иегованың киречілері іҷе-пабаларға палаларын секстеңер паза палаларға кӱлчеткен кізілердең арачыланарынаңар чоохтазарға полысчатхан кӧп публикациялар сығар салғаннар. Кӧзідімге:
-
«Палаларыңны арачылаңар» (видео);
-
«Хайди паланы половой сурығларда орта ӱгредерге?» («Усхуныңар!», 5 №, 2016 чыл).
6. Іҷе-пабаңарны улуғлаңар
Кічіг палаларға даа, саарбахтарға даа постарының іҷе-пабаларынаң улуғласнаң чоохтазарға кирек. ВИДЕО кӧріп алып, ӱзӱрібізіңер:
-
Ноға іҷе-пабанаң улуғласнаң чоохтазарға кирек?
-
Іҷе-пабанаң чоохтасчатса, улуғлазыбысты хайди кӧзідерге?
Притчи 1:8 хығырып алып, ӱзӱрібізіңер:
-
Іҷе-пабалары устағлар пирчетселер, палаа алай саарбахха хайди тудынарға кирек?
7. Иеговаа прай сӧбіренең хада пазырыңар
Иегованың киречілерінің сӧбірелері неделя сай сӧбіре пазырызын иртірчелер. Сӧбіре пазырызында ниме ӱзӱрерге чарир? ВИДЕО кӧріп алып, ӱзӱрібізіңер:
-
Сӧбіре пазырызын неделя сай иртірерге ниме полыс пирер?
-
Сӧбіре пазырызы хынығ паза тузалығ ползын тіп, іҷе-пабалар ниме ит поларлар? (Уроктың алнындағы сомны кӧріңер.)
-
Сірернің сӧбіреңерге Библияны хада ӱгренерге чыыларға ниме харығ поларға айабас?
Библиядағы тустарда Иегова израильскай сӧбірелер Ызых Пічіктегі сағыстарны сыбыра хада ӱзӱрзіннер тіп хынған. Второзаконие 6:6, 7 хығырып алып, ӱзӱрібізіңер:
-
Постарыңның сӧбіреңерде хайди пу принципнең тузалан поларзар?
Сӧбіре пазырызында ниме идерге чарир?
-
Ӧме чыылығларына хада тимненіңер.
-
Библияда пазылған полған кирек алай кизек сӧбіреңерге хынығ полза, аны, хығырып алып, ӱзӱрібізіңер.
-
Кічиҷек палалар пар полза, jw.org тіп сайттаң палаларға тоғыстарны чаҷынға сығарып алып, палаларға пиріңер.
-
Сӧбіреде саарбахтар пар полза, jw.org тіп сайттаң чииттерге сығарылған статьяны ӱзӱрібізіңер.
-
Библияда пазылған хайдағ-да кизекке палаларыңнаң хада ойын турғыс кӧріңер.
-
Палаларыңнаң хада jw.org тіп сайтта пірее видеоны, кӧріп алып, ӱзӱрібізіңер.
КЕМ-ДЕ ПІДИ ТІПЧЕ: «Библияны піліп аларға палаларға уғаа аар полар».
-
Сірер анзына ниме тирҷіксер?
ӦӦН САҒЫС
Иегова іҷе-пабалар палаларына хынзыннар, оларны ӱгретсіннер паза арачылазыннар, палалар, тізең, іҷе-пабаларын улуғлазыннар паза оларның чооғын иссіннер, ідӧк іҷе-пабалар палаларынаң хада ағаа пазырзыннар тіп хынча.
Сағысха хатап кир кӧреелер
-
Іҷе-пабаларға палаларын хайди ӱгредерге паза арачылирға?
-
Хайди палаларға іҷе-пабаларын улуғлирға?
-
Ноға сӧбіре пазырызын неделя сай иртірерге кирек?
ХОЗА ІСТЕЗІҢЕР
Хайди палаларны улуғ кізілернің чуртазына тимнеп аларға?
Улуғланыбысхан іҷе-пабаларын кӧрчеткен кізілерге Библия хайдағ чӧптер пирче?
«Библияда улуғланыбысхан іҷе-пабаларны кӧрерінеңер ниме чоохталча?» (веб-статья)
Хайди палаларны ӧскіріп оңнабинчатхан ирен уғаа чахсы паба пол парғанын піліп алыңар.
Хайди пабазына оолғынаң чағын нанҷы полып аларға?
a Библия хоостыра паланы ӧскірчетсе, ӱгредерге, ӱгреде чоохтирға паза хатығлирға кирек. Че паланы, сӧклеп алай хазыр соғып, хатығлирға хаҷан даа чарабас (Притчи 4:1).
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
