Піс чоохтан полчабыс — ол сыйыхты Иегова кізілерге ле пирген. Ол сыйыхнаң хайди тузаланчабыс пасхазы пар ба? Я, пар! (Иаковтың 1:26 хығырыбызыңар.) Аннаңар, Иегованы ӧріндірер ӱчӱн, хайди ол сыйыхнаң тузаланарға?

1. Хайди ол сыйыхнаң Иегованы ӧріндірерге?

Библияда чоохталча: «Удур-тӧдір кӧңнілеріңні кӧдірізіңер паза тыыдызыңар» (1 Фессалониктегілерге 5:11, НТ). Сағын кӧріңер, сірернің таныстарыңның хайзына чылығ сӧстер кирек? Аның кӧңнін кӧдірер ӱчӱн, ниме ит поларзар? Аны аарлыға санапчатханыңарны ағаа чоохтап пиріңер. Кӧзідімге, аны махтабызарға чарир. Пірее библейскай стихнаң аның кӧңнін кӧдір поларзар ба? Библияда кізінің кӧңнін кӧдірчеткен стихтар уғаа кӧп. Ундутпаңар, сӧстер ле нимес, че хайдағ ӱннең чоохтанчатханыңар ідӧк аарлығ. Аннаңар нымзах паза паарсаснаң чоохтазарға кӱстеніңер (Притчи 15:1).

2. Хайди чоохтазарға чарабас?

Библияда чоохталча: «Ахсыңардаң пір дее чызығ сӧс сыхпазын». (Ефестегілерге 4:29, НТ хығырыбызыңар.) Піс хырызынминчабыс паза уйадыстығ сӧстернең чоохтанминчабыс. Ідӧк хазыр, хомзыныстығ паза хазалҷых сӧстернең тузаланминчабыс. Ағаа хоза, чой паза хомай чоохтарны тарат чӧрбинчебіс. (Притчи 16:28 хығырыбызыңар.)

3. Хайди чоохнаң кізілернің кӧңнілерін кӧдірерге?

Удаа чооғыбыста сағыстарыбыс паза чувстволарыбыс кӧрінче (Лука 6:45). Аннаңар піске чахсы саринаң сағынарға, миизібісті паза чӱреебісті «сын... арығ... хыныстығ тудынарға кӧӧктірчеткен паза махтаға турыстығ» нимелернең толдырарға ӱгренерге кирек (Филипптегілерге 4:8, НТ). Пу сӧстерні санға алып, піске ӱтертістерні паза нанҷыларны, чахсы сағынып, таллирға кирек (Притчи 13:20). Паза, пірее ниме чоохтир алнында, тохтабызып, минің сӧстерім пасхаларына хайди теелерінеңер сағынып аларға кирек. Библияда чоохталча: «Піреезі, сағынмин чоохтанып, хылыснаң чіли, палығлатча, хыйғаларның тілі, тізең, имнепче» (Притчи 12:18).

 ТИРЕҢ АРАХ ХАС КӦРІҢЕР

4. Ниме, хаҷан паза хайди чоохтанчатханыңарны сизініңер

Піс прайзыбыс пірееде чоохтаныбысчабыс, анаң ачырғанчабыс (Иаковтың 3:2). Галат чиріндегілерге 5:22, 23 хығырып алып, ӱзӱрібізіңер:

• Мында пазылған качестволарның хайзылары сірерге, сағынып алып, чоохтанарға полызар? Хайди полызар? Оларның хайзынаңар пазырарға хынчазар?

1 Коринфтегілерге 15:33 хығырып алып, ӱзӱрібізіңер:

• Хайдағ нанҷыларны паза ӱтертістерні таллапчатханыңар чооғыңарға хайди влиять поларға айабас?

Экклезиаст 3:1, 7 хығырып алып, ӱзӱрібізіңер:

• Хаҷан чоохтирға сағынчатхан нимені чоохтанмааны алай, килістіре тус сағып алып, чоохтанғаны хыйға полар?

 5. Пасхаларынаңар чахсы чоохтаныңар

6. Чағыннарыңнаң паарсаснаң чоохтазыңар

 ӦӦН САҒЫС

Сӧстернің кӱзі уғаа илбек. Аннаңар ниме, хаҷан паза хайди чоохтанарға сағынып ал турарға кирек.

Сағысха хатап кир кӧреелер

• Хайди сӧстернең кізіні тыыдарға паза аның кӧңнін кӧдірерге? Кӧзідімнер кӧзіт пиріңер.

• Хайдағ сӧстернең тузаланмасха паза хайди чоохтаспасха хынчазар?

• Кізілернең хайдағ даа туста паарсаснаң паза кӧңнілерін кӧдірер иде чоохтазарға ниме полызар?