Хайди тонанарын паза тастындағы кӧрімібіс хайдағ поларын піс позыбыс пӧкчебіс. Библиядағы олаңай принциптер піске, хайди хынчабыс, іди тонанарға, олох туста Иегованы ӧріндірерге оңдай пирчелер. Ол принциптерні кӧр кӧреелер.

1. Хайдағ принциптер чахсы кӧрінерге полыс пирерлер?

Тастындағы кӧрімібіснең Худайға киртістіг полчатханыбысты кӧзідер ӱчӱн, піске ипти-оңдайли, килістіре паза сах сағыстығ тонанарға кирек (1 Тимофейге 2:9, 10). Пу тӧрт принципті изерістіре кӧр кӧреелер: 1) Піске ипти-оңдайли тонанарға кирек. Ӧме чыылығларында харындас-пиҷелернің аймах-пасха тонанчатханнарын сизінген поларзар. Оларның тастындағы кӧрімнерінде Худайға улуғластары кӧрінче. 2) Килістіре тонанғаны позыңның тастындағы кӧрімінең пасха кізіде сексуальнай хынығыстар тӧрітпеске паза позыңа кӧп хайығ айландырбасха кӱстенчеткеніңні таныхтапча. 3) Сах сағыстығ полып, піс моданың соонҷа чӱгӱр чӧрбеспіс. 4) Пістің тастындағы кӧрімібісте Худайға киртістіг полчатханыбыс кӧрінерге кирек. Кізілер пістің кӧрімібістең піс сын Худайның нымысчылары полчатханыбысты пілзіннер тіп хынчабыс (1 Коринфтегілерге 10:31).

2. Хайди пістің тастындағы кӧрімібіс пасха кізілерге теелче?

Полған на кізі хайди тонанарға позы пӧкче. Че пістің тастындағы кӧрімібіс хайди пасхаларына теелчеткеннеңер сағынарға кирек. Піс пірдеезін изі чохтандырарға хынминчабыс, че чағыныбыстың кӧңніне кірерге, ағаа туза ағылар паза аны тыыдар нимені идерге хынчабыс. (Римдегілерге 15:1, 2 хығырыбызыңар.)

3. Хайди пістің тастындағы кӧрімібіс кемні-де Иеговадаңар кӧп арах піліп аларға кӧӧктірер?

Піс хаҷан даа иптіг кӧрінерге хынчабыс. Че ӧме чыылығларына паза нымысчыланарға парзабыс, анзына улам хайығ салчабыс. Кізілер Худай Сӧзінің орнына пістің тастындағы кӧрімібіске хайығ айландырзыннар тіп хынминчабыс. Пістің тастындағы кӧрімібіс кізілернің хайиин Худайның сынына айландырзын паза Худайыбыстың ӱгредиин чазазын тіп хынчабыс (Титке 2:10).

 ТИРЕҢ АРАХ ХАС КӦРІҢЕР

4. Иптіг тастындағы кӧрімібіснең піс Иегованы улуғлапчатханыбысты кӧзітчебіс

Тастындағы кӧрімібіске хайығ саларға ӧӧнінде ниме полысча? Псалом 47:2 хығырып алып, ӱзӱрібізіңер:

• Иегованың киречілері полчатханыбыс тастындағы кӧрімібіске хайди теелче?

• Ӧме чыылығларында паза нымысчыланыста пістің тастындағы кӧрімібіс хайдағ полчатханы аарлығ ба? Ноға сірер іди сағынчазар?

 5. Хайди піске орта пӧгін аларға

ВИДЕО кӧріп алыңар.

Пістің кип-азаабыс аарлығ ба алай чох па, арығ, иптіг паза кирекке килістіре поларға кирек. 1 Коринфтегілерге 10:24 паза 1 Тимофейге 2:9, 10 хығырыбызып, ӱзӱрібізіңер:

• Ноға пістің кип-азаабыс салбыр алай субарап парған полбасха кирек?

• Ноға кізілерде кірліг сағыстар сығарбас ӱчӱн, най ла чапсыра алай иртіре азых кип-азах киспеске кирек?

Христианнарға Моисей чахиинҷа чуртирға кирек чоғыл. Че ол чахығлардаң Иегова хайди сағынчатханын піліп аларға чарир. Второзаконие 22:5 хығырып алып, ӱзӱрібізіңер:

• Ир кізіні ипчі кізее, ипчі кізіні ир кізее тӧӧй итчеткен кип-азахтаң паза причёскалардаң ноға хыйа тудынарға кирек?

1 Коринфтегілерге 10:32, 33 паза 1 Иоанның 2:15, 16 хығырып алып, ӱзӱрібізіңер:

• Пістің тастындағы кӧрімібіс піс чуртапчатхан орында алай ӧме чыылығларында кізілернің чувстволарына хайди теепчеткеннеңер ноға сағыссырирға кирек?

• Сірер чуртапчатхан орында хайдағ причёскалар паза кип-азахтар модада?

• Ол кип-азахтарның алай причёскаларның піреелері христианнарға киліспинчелер тіп санапчазар ба? Ноға? Ол кип-азахтар паза причёскалар прайлары христианнарға килісчелер бе?

 ӦӦН САҒЫС

Тастындағы кӧрімібіснең Иегованы паза кізілерні улуғлапчатханыбысты кӧзітчебіс.

Сағысха хатап кир кӧреелер

• Пістің тастындағы кӧрімібіс паза хайди тонанчатханыбыс ноға Иеговаа аарлығ?

• Піске хайди тонанарға паза тастындағы кӧрімібіс хайдағ поларға кирек полчатханын піліп аларға хайдағ библейскай принциптер полысчалар?

• Пістің тастындағы кӧрімібіс пасхаларының Иеговаа кӧрізіне хайди теелче?