Христианскай ӧменің пазы — Иисус Христос (Ефестегілерге 5:23). Ол ам тигірде. Аның соонҷа парчатхан кізілернең ол «ізестіг паза хыйға нымысчының» пастыра устапча. (Матфей 24:45 хығырыбызыңар.) Иисус позы ол нымысчыны турғыс салған паза ағаа хайдағ-да пӧгіннер аларға право пирген. Ол нымысчы Христостың чооғын исче паза Христостың харындастарына нымысчыланча. Кем ол нымысчы паза хайди ол пістеңер сағыссырап полысча?

1. «Ізестіг паза хыйға нымысчы» кемдір ол?

Иегова хаҷан даа позының чонына хайдағ-да кізілер алай улуғ нимес группалар пастыра устағлар пирҷең (Малахия 2:7; Еврейлерге 1:1). Иисус ӱреен соонда, илҷілер паза Иерусалимдегі ах сағаллар христианскай ӧменең устап сыхханнар (Илҷілернің 15:2). Амғы туста ідӧк, ах сағалларның улуғ нимес группазы — Иегованың киречілерінің Устапчатхан чӧбі — Худайның чонына духовнай чиис пирче паза искіріг тоғызынаң устапча. Ол группа Иисус Христос турғысхан «ізестіг паза хыйға нымысчы» полча (Матфей 24:45а). Устапчатхан чӧпке ызых хутнаң таңмалалған на христианнар кірчелер. Ӱреен соонда, олар Христоснаң хада аның тигірдегі Хан-ӱлгӱзінде устирлар.

2. Ізестіг паза хыйға нымысчы хайдағ чиис пирче?

Иисус ізестіг нымысчы христианнарға чиисті тузында пирер теен (Матфей 24:45б). Олаңай чиис пісті кӱстіг паза хазых итче. Ідӧк духовнай чиис — библейскай ӱгредіг — піске Иеговаа киртістіг халарға паза Иисус пирген тоғысты идерге полысча (1 Тимофейге 4:6). Піс ол духовнай чиисті ӧме чыылығлары, конгресстер, Библияда тӧстелген публикациялар паза видеолар пастыра алчабыс. Прай ол нимелер Худайның кӧңнін чахсы піліп аларға паза аның нанҷылары поларға полысчалар.

 ТИРЕҢ АРАХ ХАС КӦРІҢЕР

3. Иегованың чонына чахсы устағлар пирілерге кирек

Иисус Устапчатхан чӧп пастыра Иегованың киречілеріне устағлар пирче. Пастағы векте христианнарға ідӧк устағлар пирілҷең. ВИДЕО кӧріп алыңар.

1 Коринфтегілерге 14:33, 40 хығырып алып, ӱзӱрібізіңер:

• Хайди пу стихтар Иегова аның чоны организованнай ползын тіп хынчатханын кӧзітчелер?

4. Ізестіг нымысчы искіріг тоғызынаң устапча

Пурунғы христианнар искіріг тоғызын пастағы орынға турғысханнар. Илҷілернің 8:14, 25 хығырып алып, ӱзӱрібізіңер:

• Пастағы векте Худай сӧзін хайди паза хайда искірерге кем устағлар пирҷең?

• Пётрнаң Иоанн пасха илҷілернің устағларына хайди хайғаннар?

Устапчатхан чӧп искіріг тоғызынаң устапча. Анзы оларның иң ӧӧн тоғызы. ВИДЕО кӧріп алыңар.

 Иисустың сӧстерінең кӧрчебіс: искіріг тоғызы уғаа кирек. Марк 13:10 хығырып алып, ӱзӱрібізіңер:

• Ноға Устапчатхан чӧп искіріг тоғызына анҷа кӧп хайығ салча?

• Ноға, ол тоғысты прай чир ӱстӱнде иртірер ӱчӱн, ізестіг паза хыйға нымысчы кирек?

5. Ізестіг нымысчы устағлар пирче

Устапчатхан чӧп прай чир ӱстӱндегі христианнарнаң устапча. Ол харындастар пӧгіннерні хайди алчалар? Пастағы вектегі Устапчатхан чӧп хайди пӧгіннер алғанын кӧр кӧріңер. Илҷілернің 15:1, 2 хығырып алып, ӱзӱрібізіңер:

• Пастағы христианнарның аразында хайдағ талас пол парған?

• Ол таласты пӧгер ӱчӱн, Павелнең Варнава кемзер айланғаннар?

Илҷілернің 15:12—18, 23—29 хығырып алып, ӱзӱрібізіңер:

• Пастағы вектегі устапчатхан чӧп, ол кирекке Худайның кӧрізін піліп алар ӱчӱн, ниме иткен? (12-ҷі, 15-ҷі паза 28-ҷі стихтарны кӧріңер.)

Илҷілернің 15:30, 31 паза 16:4, 5 хығырып алып, ӱзӱрібізіңер:

• Пастағы христианнар устапчатхан чӧптің устағларынҷа тудынғаннар ба?

• Ол христианнарны аның чооғын искеннерінің ӱчӱн Иегова хайди алғастаан?

2 Тимофейге 3:16 паза Иаковтың 1:5, хығырып алып, ӱзӱрібізіңер:

• Устапчатхан чӧп пӧгіннерні пӱӱн хайди алча?

 ӦӦН САҒЫС

Устапчатхан чӧп — Христос турғысхан «ізестіг паза хыйға нымысчы». Ол нымысчы прай чир ӱстӱндегі христианнарға устағлар паза духовнай чиис пирче.

Сағысха хатап кир кӧреелер

• «Ізестіг паза хыйға нымысчыны» кем турғысхан?

• Хайди Устапчатхан чӧп пістеңер сағыссырапча?

• Устапчатхан чӧп ізестіг паза хыйға нымысчы полчатханына киртінчезер бе?