55-ҶІ УРОК
Ӧмеңерге хайди хабас поларзар
Прай чир ӱстӱнде Иегованың киречілерінің муңар ӧмелерінде нинҷе-нинҷе миллион кізілер ӧрініснең нымысчыланчалар. Олар ӧме чыылығларында тузында пирілчеткен ӱгредіглерні паза устағларны уғаа аарлыға санапчалар. Олар постарының ӧмелеріне хабазарға хаҷан даа тимделер. Сірер ідӧк тимдезер бе?
1. Хайди сірер тузыңарнаң паза кӱзіңернең ӧмее хабас поларзар?
Пістің полғаныбысха позыбыстың ӧмебіске хабазарға оңдай пар. Улуғланыбысхан алай ағырчатхан кізілер пар полза, сағын кӧріңер: оларға ӧме чыылии иртчеткен орынзар чидіп аларға полыс поларҷыхсар ба? Алай олаңай даа киректерде полыс поларҷыхсар ба? Кӧзідімге, магазинзер пар килерге, ибдегі киректерні идерге? (Иаковтың 1:27 хығырыбызыңар.) Ідӧк Иегованың киречілерінің залын арығлирында паза пасха даа киректерде аралазарға оңдай пар. Ол киректерні идерге пісті пірдеезі кӱстебинче. Піс Худайға паза харындастарыбысха хынчабыс, аннаңар полызарға тимдебіс (Псалом 110:3).
Кіреске тӱскен Киречілерге ӧмее полызарға аннаң даа кӧп оңдайлар пар. Духовнай саринаң пызығ харындастар, ӧме полысчылары полып, нымысчыланчалар, пола-пола ах сағаллар пол парчалар. Харындастарға даа, пиҷелерге дее, пионер полып, нымысчыланарға — Худай сӧзін кӧп тус искірерге — оңдай пар. Пірее Киречілер Иегованың киречілерінің залларын пӱдірерге полысчалар алай полызығ кирексінчеткен ӧмелерзер нымысчыланарға кӧс парыбысчалар.
2. Хайди піске пар нимебіснең ӧмее полызарға?
Піске Иегованы пісте пар аарлығ нимелернең улуғлирға оңдай пар (Притчи 3:9). Піс ахчаны паза пасха даа нимелерні пістің орындағы ӧменің кирексіністеріне паза прай чир ӱстӱнде Худай сӧзін искіреріне ӧрініснең тайыға салчабыс. (2 Коринфтегілерге 9:7 хығырыбызыңар.) Паза пістің тайығларыбыстың сылтаанда, стихийнай саайларға кір парғаннарға полызығ пирілче. Кӧбізі тайыға салҷаң ахчаны, хоратпин, оонаң чыып салчалар. (1 Коринфтегілерге 16:2 хығырыбызыңар.) Піске тайығларны Залда ӧнетін турчатхан харчахтарзар саларға паза donate.pr418.com тіп сайт пастыра онлайн идерге оңдай пар. Тайығлар — Иеговаа хынызыбысты кӧзітчең оңдайларның пірсі.
ТИРЕҢ АРАХ ХАС КӦРІҢЕР
Постарыңның ӧмеңерге полысчаң оңдайларнаң танызып алыңар.
3. Ниме-нооларыбыснаң полызарға оңдай пар
Иегованаң Иисус пасхаларына полызарға хынчатхан кізілерге хынчалар. Иисус пасхаларына хызылып чуртапчатхан ӧкіс ипчіні кӧзідімге кӧзіткен. Ол ипчі, позы хызылып чуртапчатса даа, Иеговаа тайығ салған. Лука 21:1—4 хығырып алып, ӱзӱрібізіңер:
-
Иегованы аарлығ ла тайығлар ӧріндірчелер бе?
-
Прай чӱрекнең тайығлар салчатсабыс, Иегованаң Иисус ниме чувствовать полчалар?
Тайығларыбыс нимее парчатханын піліп алар ӱчӱн, ВИДЕО кӧріп алыңар. Анаң ӱзӱрібізіңер:
-
Хайди пістің тайығларыбыс прай чир ӱстӱндегі харындас-пиҷелерге полысчалар?
4. Итчеткен киректерібіснең полызарға оңдай пар
Библейскай тустарда Иегованың нымысчылары, олар пазырчатхан орыннар чахсы кӧрінзіннер тіп, прай кӱстерін салғаннар. Ол орыннар чахсы кӧрінер ӱчӱн, ахчадаң хай-хай кӧп ниме кирек полған. 2 Летопись 34:9—11 хығырып алып, ӱзӱрібізіңер:
-
Иегованың храмы чахсы кӧрінзін тіп, полған на израильтянин ниме иткен?
Иегованың киречілері пӱӱн олох оңдайнаң тудынчалар. ВИДЕО кӧріп алып, ӱзӱрібізіңер:
-
Ноға пістің Залларыбыс чахсы, иптіг паза арығ поларға киректер?
-
Анзында хайди полыс поларзар?
5. Харындастар ниме ит поларлар?
Библия харындастарны ӧмее кӧп арах полызарға кӧӧктірче. Мына пір кӧзідім. ВИДЕО кӧріп алып, ӱзӱрібізіңер:
-
Ӧмее кӧп арах полызар ӱчӱн, пу харындас ниме иткен?
Ӧме полысчылары паза ах сағаллар поларға хынчатхан харындастарға хайдағ поларға кирек полчатханы Библияда кӧні пазылча. 1 Тимофейге 3:1—13 хығырып алып, ӱзӱрібізіңер:
-
Ӧме полысчылары паза ах сағаллар поларға хынчатхан харындастардаң ниме киректелче?
-
Оларның сӧбіредегілерінең ниме киректелче? (4-ҷі паза 11-ҷі стихтарны кӧріңер.)
-
Харындастарның Библияның пу нормаларынҷа чуртирға кӱстенчеткеннері хайди прай ӧмее теелче?
КЕМ-ДЕ СУРАР, АРСА: «Иегованың киречілерінің организациязы хайдағ ахчаа чуртапча?»
-
Сірер хайди нандырарҷыхсар?
ӦӦН САҒЫС
Тузыбысты, кӱзібісті паза ниме-нооларыбысты, ӧмее полызар ӱчӱн, тайыға салчатханыбысты Иегова уғаа аарлыға санапча.
Сағысха хатап кир кӧреелер
-
Хайди тузыбыснаң паза кӱзібіснең ӧмее хабас поларбыс?
-
Хайди піс ниме-нооларыбыснаң ӧмее хабас поларбыс?
-
Ӧмеңерге ниме идерге хынчазар?
ХОЗА ІСТЕЗІҢЕР
Ноға Худай позының нымысчыларынаң десятина тӧлирге киректебинче? Піліп алыңар.
Хайди ӧмеде турыстығ нимее кӱстенерге?
«Ӧмедегі главенство принцибін чахсы оңнапчазар ба?» («Сторожевой башня», азығ айы, 2021 чыл)
Аймах-пасха сидіктерні тобырарға киліссе дее, пір киртіністіг харындас-пиҷелеріне публикациялар ағыл пирчеткен махачы Киречілернең танызып алыңар.
Пістің организация пасха религиознай организацияларның хыринда пасха оңдайнаң финансироваться полча. Анзын постарың кӧр кӧріңер.
«Иегованың киречілерінің тоғызы хайдағ ахчаа иділче?» (веб-статья)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
