57-ҶІ УРОК
Аар чазых ит салзар, сірерге ниме идерге?
Иеговаа тың хынчатсар даа паза аны ачырғандырарға хынминчатсар даа, пірееде сірер алҷаастар ит турарзар. Че пірее чазыхтар пасха чазыхтардаң хай-хай аар полчалар (1 Коринфтегілерге 6:9, 10). Аар чазых ит салған ползар, ундутпаңар: Иегованың сірерге хынызы ам даа сооп парбаан. Ол, пыроңарны тастап, сірерге полыс пирерге хынча.
1. Ниме итсебіс, Иегова пістің пыробысты тастир?
Иеговаа хынчатхан кізілер аар чазых ит салғаннарын пілін салзалар, уғаа тың ачырғанчалар. Че оларны Иегованың позының чонына чоохтаан пу сӧстері часхарчалар: «Чазыхтарың хызыл ис осхас ползалар, олар хар осхас ах пол парарлар» (Исайя 1:18). Прай чӱрекнең пыросынчатсабыс, Иегова пістің чазыхтарыбысты прай тастабысча. Пыросынғаны нимедір ол? Пыросынғаны — ол ит салған чазыхтың ӱчӱн уғаа тың ачырғанғаны, саба киректерні хатап итпеені паза, пыро тастирға сурынып, Иеговаа алданғаны. Ідӧк, чазыхха ағылған сағыстарны, тудыныстарны алыстырыбызарға паза, Иегованың арығ нормаларынҷа чуртир ӱчӱн, прай кӱс саларға кирек. (Исайя 55:6, 7 хығырыбызыңар.)
2. Хайди Иегова ах сағалларның пастыра полысча?
Иегова аар чазых ит салған кізілерге ах сағалларзар, полызығ сурынып, айланарға чоохтапча. (Иаковтың 5:14, 15 хығырыбызыңар.) Ах сағаллар Иеговаа паза аның хойларына хынчалар. Ол иреннер піске Иегованаң палғалысты нандыра айландырып аларға полызарға ӧнетін ӱгреділгеннер (Галат чиріндегілерге 6:1).
Ах сағаллар хайди полысчалар? Ікі алай ӱс ах сағал піске піс иткен кирек ноға Худайның хараанда саба полчатханын Библия хоостыра кӧзіт пирерлер. Ідӧк олар піске паза чазых итпеске полысчатхан чӧптер пиріп, хол тӱзірбеске полыс пирерлер. Ах сағаллар аар чазыхтарында пыросынминчатхан кізілерні, пасха харындас-пиҷелерні ардатпазыннар тіп, ӧмедең хыйа идібісчелер.
ТИРЕҢ АРАХ ХАС КӦРІҢЕР
Аар чазых ит салған кізілерге Иегова хайди полысчатханнаңар кӧп арах піліп алыңар. Андада сірер ол полызығны уламох аарлыға санирзар.
3. Чазыхтаңар чоохтааны духовнай саринаң хазыхтанарға полысча
Ноо даа чазых — Иеговадаң тоғыр чазых. Аннаңар кізее позының чазығынаңар Иеговаа чоохтап пирерге кирек. Псалом 32:1—5 хығырып алып, ӱзӱрібізіңер:
-
Ноға иткен чазыхты, чазыр чӧрбин, Иеговаа чоохтап пирзе, чахсы полар?
Ит салған чазығыбыстаңар, Иеговаа чоохтап пирген соонда, ах сағалларға чоохтап пирзебіс, піске хай-хай ниик пол парар. ВИДЕО кӧріп алып, ӱзӱрібізіңер:
-
Хайди ах сағаллар пу харындасха Иеговазар нандыра айланарға полыс пиргеннер?
Ах сағаллар піске полызарға турғызылғаннар, аннаңар піске оларға, пір дее ниме чазырбин, чойланмин, чоохтап пирерге кирек. Иаковтың 5:16 хығырып алып, ӱзӱрібізіңер:
-
Ноға ах сағалларны алаахтырбазабыс, оларға піске полызарға ниик арах полар?
Иткен чазығыңарны пастап Иеговаа, анаң ах сағалларға чоохтап пиріңер. Пирілген полызығнаң тузаланыңар
4. Иегова чазых итчеткеннерге нымзах чӱрекнең хайча
Аар чазых ит салған кізі Иегованың нормаларынҷа паза чуртирға хынминчатса, аны ӧмедең хыйа идібісчелер паза піс аннаң палғалыс тутпинчабыс. 1 Коринфтегілерге 5:6, 11 хығырып алып, ӱзӱрібізіңер:
-
Асхынах ачытхы прай унны ачыт салча. Хайди пу кӧзідім, чазых ит салып, пыросынминчатхан кізі прай ӧмее хомай саринаң теелчеткенін кӧзітче?
Иегова чазых ит салған кізілерге нымзах чӱрекнең хайча. Ах сағаллар, аның кзідім алып, ӧмедең хыйа иттірген кізілерге ідӧк полызарға кӱстенчелер. Тӱзедіг ағырсыныстығ полған полза даа, анзы чазых иткен кізее нинҷе аар чазых ит салғанын оңарып аларға полыс пирче. Аннаңар оларның санынаң кӧп кізі нандыра айланча (Псалом 141:5).
Иегова чазыхтығ кізінең нымзах тудынча. Хайди анзы ол хыйға, нымзах чӱректіг паза хыныстығ Худай полчатханын кӧзітче?
5. Пыросынчатсабыс, Иегова пістің пыробысты тастапча
Пыросынчатсабыс, Иегова ниме чувствовать полчатханын піліп алзыннар тіп, Иисус кӧзідім кӧзіт пирген. Лука 15:1—7 хығырып алып, ӱзӱрібізіңер:
-
Пу кӧзідім сірерні Иеговадаңар нимее ӱгретче?
Иезекииль 33:11 хығырып алып, ӱзӱрібізіңер:
-
Кізінің прай чӱреенең пыросынчатханын хайди піліп аларға?
Иегова чахсы хадарҷы. Ол хойларын паарсаснаң хадарча
КЕМ-ДЕ ПІДИ ТІПЧЕ: «Ах сағалларға прай чоохтап пирзем, мині ӧмедең хыйа идібізерлер тіп хорыхчам».
-
Іди тіпчеткен кізее ниме тирҷіксер?
ӦӦН САҒЫС
Аар чазых ит салып, прай чӱрекнең пыросынчатсабыс паза ол алҷаастарны хатап итпеске пик пӧгін тутчатсабыс, Иегова пістің пыробысты тастир.
Сағысха хатап кир кӧреелер
-
Иеговаа ит салған чазығыбыстаңар чоохтазабыс, ноға чахсы полар?
-
Иегова пыробысты тастазын тіп, піске ниме идерге кирек?
-
Аар чазых ит салзабыс, ноға ах сағалларзар, полызығ сурынып, айланарға кирек?
ХОЗА ІСТЕЗІҢЕР
Исайя 1:18-те Иегованың нымзах чӱреенеңер пазылча. Кӧріп алыңар, хайди пір ирен Иегованың кізее айапчатханын позының чуртазында кӧрген.
«Иегова нымзах чӱректіг, анзында хаҷан даа ікінҷілебеңер» (5:02)
Ах сағаллар аар чазых ит салған кізее полыс пирерге хайди кӱстенчелер?
Аар чазых ит салып, пыросынминчатхан кізінең хайди хыныснаң паза нымзах чӱрекнең тудынчалар? Піліп алыңар.
«Мин Иеговазар айланарға сағынып алғам» тіп биографияны хығырып алып, ноға пір ирен ӧмезер нандыра айланарға пӧгін алғанын піліп алыңар.
«Библия чуртасты алыстырча» («Сторожевой башня», 1 хосхар айы, 2012 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
