58-ҶІ УРОК
Иеговаа киртістіг халыңар
Сын христианнар Иегованаң ынархастарын пір дее кізее алай пір дее нимее сайбирға пирбеске пик пӧгін тутчалар. Сірер дее Иегованаң ынархазыңарны аарлыға санапча поларзар. Ол сірернің киртістіг тудынызыңарны ідӧк аарлыға санапча. (1 Летопись 28:9 хығырыбызыңар.) Хайдағ тустарда Худайға киртістіг халарға сидік полча паза сірерге ниме полыс пирер?
1. Хайди пірее кізілер Иеговаа киртістіг халарға харығ полчалар?
Пірее кізілер пісті Иеговаа нымысчыланарын тохтат салзыннар тіп хынчалар. Кемнер олар? Кӧзідімге, отступниктер — Худайның сынын артыс салған, ам, тізең, пістің киртінізібісті сайбабызар ӱчӱн, Худайның организациязынаңар чой чоохтар тарат чӧрчеткен кізілер. Ідӧк, пірее религиознай устағҷылар киртінҷек паза сизіктіг нимес кізілернің киртіністерін сайбабызарға кӱстеніп, пістеңер чой чоохтар таратчалар. Андағ кізілернең талазарға, оларның кинделерін алай блогтарын хығырарға, са́йттарынзар кірерге паза видеоларын кӧрерге уғаа хорғыстығ. Иисус сын христианнарның киртіністерін сайбабызарға кӱстенчеткен кізілердеңер піди чоохтаан: «Оларны артыс салыңар. Оларның харахтары чоғыл, че пасхаларын чидін чӧрчелер. Харах чох кізі харах чох кізіні чидін парчатса, ікізі дее оймахха тӱс парарлар» (Матфей 15:14, НТ).
2. Пістің хайдағ пӧгіннерібіс Иеговаа киртістіг полчатханыбысты сыныхтирға айабас?
Иеговаа хыныс пісті чой религияларның киректерінде пір дее араласпасха кӧӧктірер. Пістің тоғызыбыс таа, піс тоғынчатхан организация даа чой религиянаң кӧмес тее палғалыстығ полбазыннар тіп хынчабыс. Иегова позының чонына Илбек Вавилоннаң сығыбызарға чоохтапча (Азых чоох 18:2, 4).
ТИРЕҢ АРАХ ХАС КӦРІҢЕР
Хайди Иеговаа киртістіг тудынчатханыбысты сайбабызарға пір дее кізее чаратпасха, ідӧк хайди, Илбек Вавилоннаң сығыбызып, Худайға киртістіг полчатханыбысты кӧзідерге піліп алыңар.
3. Чой ӱгретчілердең китеніңер
Иегованың организациязынаңар пірее хомай ниме ис салзабыс, хайди тудынарға? Притчи 14:15 хығырып алып, ӱзӱрібізіңер:
-
Ноға полған на сӧске киртінерге чарабас?
2 Иоанның 9—11 хығырып алып, ӱзӱрібізіңер:
-
Отступниктерге хайди хайарға?
-
Отступниктернең кӧстең кӧске чоохтаспинчатсабыс таа, хайда оларның чой ӱгредіглеріне урун парарға хорғыс пар?
-
Иеговадаңар паза аның организациязынаңар ыырҷылар таратчатхан хомай чоохтарға киртінзебіс, Иегова ниме чувствовать полар?
4. Ӧмеде пірее кізі чазых ит салза, Худайға киртістіг халыңар
Ӧмеде пірее кізі чазых ит салғанын піл салзабыс, піске ниме идерге кирек? Худай пурунғы Израильге пирген Чахығда пір принцип кӧр кӧреелер. Левит 5:1 хығырыбызыңар.
Пу стих хоостыра, кемнің-де аар чазых ит салғанын піліп алзабыс, піске ах сағалларға чоохтап пирерге кирек. Че ах сағалларға чоохтир алнында, ол кізіні позын, ах сағалларзар парып, иткен чазыхтаңар чоохтап пирерге кӧӧктірзе, чахсы полар. Ол кізі анзын итпезе, Иеговаа киртістіг тудынызыбыс пісті пілчеткен киректі ах сағалларға прай чоохтап пирерге кӧӧктірер. Хайди андағ тудыныста...
-
Иегова Худайға киртістіг хынызыбыс кӧрінче?
-
чазых ит салған кізее киртістіг хынызыбыс кӧрінче?
-
ӧмедегі харындас-пиҷелерге киртістіг хынызыбыс кӧрінче?
Харындас хорғыстығ чолға кірчетсе, ағаа полыс пиріңер!
5. Илбек Вавилоннаң оортах тудын
Лука 4:8 паза Азых чоох 18:4, 5 хығырып алып, ӱзӱрібізіңер:
-
Пірее чой религияның кізізі тіп саналчам ма?
-
Чой религиянаң палғалыстығ организацияның кізізі полчам ма?
-
Минің тоғызым хайдағ-да оңдайнаң чой религияа хабасча ба?
-
Мині чой религиянаң паза пірее ниме палғалыстырча ба?
-
Пу сурығларның піреезіне «я» тіп нандырған ползам, мағаа ниме алыстырарға кирек?
Сірерге арығ совесть пирер паза Иеговаа киртістіг полчатханыңарны киречілир пӧгін алыңар.
Религиознай киректерге тайығ саларға сурынчатсалар, хайди тудынарзар?
КЕМ-ДЕ ПІДИ ТІПЧЕ: «Худайның сынының алнына турар ӱчӱн, мағаа отступниктер Иегованың киречілерінеңер ниме чоохтапчатханнарын пілерге кирек».
-
Пу сағыс хыйға сағыс па? Чарыда чоохтап пиріңер.
ӦӦН САҒЫС
Иеговаа киртістіг халар ӱчӱн, пісті саба чолҷа апарарға кӱстенчеткеннернең палғалыспасха кирек.
Сағысха хатап кир кӧреелер
-
Ноға піс отступниктер отступниктернің чоохтарын испинчебіс?
-
Ӧмеде кемнің-де аар чазых ит салғанын піліп алзабыс, хайди тудынарға?
-
Чой религиядаң сығыбысханына ниме кірче?
ХОЗА ІСТЕЗІҢЕР
Иегованың киречілерінеңер чой чоохтарға хайди хайарға?
«Прай факттарны санға алғазар ба?» («Сторожевой башня», орғах айы, 2018 чыл)
Хайдағ-да организация алай кирек Илбек Вавилоннаң палғалыстығ ба, чох па хайди піліп аларға?
Отступниктер хайди пістің киртінізібісті сайбабызарға кӱстенчелер?
«Мин кічігдең сығара Худайны тілеем» тіп биографиядаң хайди синтоист абыс чой религияны тастабысханнаңар хығырып алыңар.
«Библия чуртасты алыстырча» («Сторожевой башня», 1 от айы, 2011 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
