59-ҶЫ УРОК
Сірер сӱрдіріглерде киртістіг хал поларзар!
Хаҷан-полза, полған на христианин тоғырланыстарға паза сӱрдіріглерге урунар. Аның ӱчӱн хорығарға кирек пе?
1. Пісті сӱрерлерін хайдаң пілчебіс?
Библияда чоохталча: «Прайзы даа, Христос Иисуста Худайның кӧңнінҷе чуртирға хынғаннары, сӱрдірер» (2 Тимофейге 3:12). Иисус Сайтанның чир-чалбағының кізізі полбаан, аннаңар аны сӱргеннер. Піс ідӧк пу чир-чалбахтың кізілері нимеспіс, аннаңар пісті ӱлгӱдегілер паза религиознай организациялар сӱрчетселер, піс хайхабинчабыс (Иоанн 15:18, 19).
2. Сӱрдіріглерге хайди тимненіп аларға?
Піске Иеговаа ізенерге амох ӱгренерге кирек. Кӱннің сай ағаа пазырарға паза Библия хығырарға тус таап турыңар. Ӧменің прай чыылығларына чӧрерге кӱстеніңер. Анзы сірерге хайдағ даа сӱрдіріглерні махачы удурлирға кӱс пирер. Сӱрдіріглерге удаа урунған Павел илҷі піди пас салған: «Худай мағаа полысча. Мағаа пір дее нимедең хорығарға кирек чоғыл» (Еврейлерге 13:6).
Худай сӧзін сыбыра искіргені піске махачы поларға полыс пирер. Искіріг тоғызында араласчатсабыс, піс Иеговаа ізенерге паза кізілердең хорыхпасха ӱгренчебіс (Притчи 29:25). Піс амох махачы тудынарға ӱгренчетсебіс, ӱлгӱдегілер пістің тоғызыбысты чаратпиныбыссалар даа, Худай сӧзін искірерін тохтатпаспыс (1 Фессалониктегілерге 2:2).
3. Ноға сынағларда Худайға киртістіг халарға кирек?
Ікінҷілес чоғыл, пісті сӱрчетселер, пістің кӧңнібіске кірбинче. Че сӱрдіріглер пісті пик итчелер паза киртінізібісті тыытчалар. Кӱзібіс халбин пари тіп пілдірчетсе, Иегованың полызиин хаҷан даа кӧрчебіс, аннаңар аннаң ынархазыбыс пик полып одырча. (Иаковтың 1:2—4 хығырыбызыңар.) Пістің ирееленчеткенібісті кӧріп, Иегованың чӱрее ағырча. Че піс ағаа киртістіг халчатсабыс, ол піске поғдархапча. Библияда чоохталча: «Чахсы киректернің ӱчӱн, ирееленіп, тыстанчатсар, Худайны ӧріндірчезер» (1 Петрның 2:20, НТ). Иегова ағаа киртістіг кізілерге уғаа чахсы сыйыхты — мӧгі чуртасты — пирерге молҷапча. Анда сӱрдіріглер паза пір дее полбас (Матфей 24:13).
ТИРЕҢ АРАХ ХАС КӦРІҢЕР
Піліп алыңар: сӱрдіріглерні хайди сыдас парыбызарға паза Иегова ағаа киртістіг кізілерні хайди сыйыхтир.
4. Туғаннарның тоғырланыстарын тобыр поларзар
Иисус Иеговаа нымысчыланысха туғаннарыбыс тоғырланарлар тіп ухаанҷылаан. Матфей 10:34—36 хығырып алып, ӱзӱрібізіңер:
-
Иеговаа нымысчыланарға пӧгін алған кізее чағыннары пірееде хайди хайчалар?
Мына пір кӧзідім. ВИДЕО кӧріп алып, ӱзӱрібізіңер:
-
Туғаныңар алай нанҷыңар сірерні Иеговаа паза нымысчыланмасха чӧптезе, ниме идерзер?
Псалом 27:10 паза Марк 10:29, 30 хығырып алыңар. Полған на кизекті хығырған соонда, пу сурыға нандырыбызыңар:
-
Туғаннарның алай нанҷыларның тоғырланыстарына урунчатсар, пу молҷағ сірерге хайди полыс пирер?
5. Піске тоғырланчатсалар даа, Иеговаа нымысчыланарын тохтатпаңар
Пасха кізілер піске Иеговаа нымысчыланарға тоғырланчатсалар, піске махачы поларға кирек. ВИДЕО кӧріп алып, ӱзӱрібізіңер:
-
Пу видеодағы кӧзідім хайди сірерге махачы поларға полысча?
Илҷілернің 5:27—29 паза Еврейлерге 10:24, 25 хығырыбызыңар. Полған на кизекті хығырған соонда, пу сурыға нандырыбызыңар:
-
Ӱлгӱдегілер Худай сӧзін искірерге паза хада чыылызарға чаратпинчатсалар даа, ноға Иеговаа пазырарын тохтатпасха кирек?
6. Иегова сыдас парыбызарға полыс пирер
Прай чир ӱстӱнде Иегованың киречілері — палалар даа, улуғ даа кізілер — оларны сӱрчетселер дее, Иеговаа нымысчыланарын тохтатпинчалар. Оларға ниме кӱс кирче? ВИДЕО кӧріп алып, ӱзӱрібізіңер:
-
Ол Киречілерге Иеговаа киртістіг халарға ниме полыс пирген?
Римдегілерге 8:35, 37—39 паза Филипптегілерге 4:13 хығырыбызыңар. Полған на кизекті хығырған соонда, пу сурыға нандырыбызыңар:
-
Библияның пу кизегі хайдағ даа сынағларны ирт парыбызарзар тіп хайди киртіндірче?
Матфей 5:10—12 хығырып алып, ӱзӱрібізіңер:
-
Ноға сӱрдіріглер тузында даа часкалығ поларға чарир?
Нинҷе-нинҷе миллион Иегованың киречілері сӱрдіріглерні турыстығ сыдас парыбысханнар. Сірер дее сыдас поларзар!
КЕМ-ДЕ ПІДИ ТІПЧЕ: «Мин сӱрдіріглер тузында сыдаспаспын».
-
Хайдағ библейскай стихтар андағ кізілерні тыыдарлар?
ӦӦН САҒЫС
Сӱрдірчетсебіс тее, ағаа нымысчыланызыбысты Иегова аарлыға санапча. Аның полызиинаң піс прай нимені тобырып аларбыс!
Сағысха хатап кир кӧреелер
-
Ноға христианнар сӱрдірчеткеннеріне хайхабинчалар?
-
Хайди сірер сӱрдіріглерге амох тимнен поларзар?
-
Хайдағ даа сӱрдіріглерні ирт парыбызарында ноға ікінҷілебеске чарир?
ХОЗА ІСТЕЗІҢЕР
Пу видеода чиит харындас, нейтралитет ӱчӱн харибде одырғанда, Иегова ағаа хайди полысханнаңар чоохтапча.
Кӧп чыллар сӱрдірзелер дее, пір ирепчее Иеговаа киртістіг халарға ниме полыс пирген? Кӧріп алыңар.
Сӱрдіріглер тузында махачы халарға ниме полыс пирер? Піліп алыңар.
«Сӱрдіріглерге амох тимненіңер» («Сторожевой башня», от айы, 2019 чыл)
Туғаннарның саринаң тоғырланыстарға хайди хайарға паза хайди ол сынағны ирт парыбызарға?
«Худайның сыны „амыр нимес, че хылыс“ ағылча» («Сторожевой башня», чарыс айы, 2017 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
