Сайтанның пастағы чой чооғы пастағы чабал кирек полған. Пастап Сайтан толдыра, чазых чох ангел полған, че ол «сынның саринда халбаан» (Иоанн 8:44). Кізілер, Чайаачаа пазырбин, ағаа пазырзыннар тіп хынған. Сайтан Еваны, пастағы ипчіні, алаахтырыбысхан. Худайның чооғын испин, аның чооғын истерге чӧптеп алған. Адам Еваның саринзар турыбысхан. Адамның андағ пӧгін алғаны иреелерге паза ӧлімге ағылған. (Бытие 3:1—6, 19 хығырыбызыңар.)

Сайтан, Еваны Худайның чооғын испеске чӧптеп алғанда, Худайның ӱлгӱзінең тоғыр пар сыххан. Кізілернің кӧбізі, Худайны Устағҷаа санабин, Сайтанға хозыл парғаннар. Іди Сайтан «чир-чалбахтың кнезі» пол парған. (Иоанн 14:30; 1 Иоанның 5:19 хығырыбызыңар.)

Худайның киректері прай саринаң толдыралар. Аннаңар кізілернің паза ангеллернің Худайның чооғынҷа тудынарға оңдай полған (Второзаконие 32:4, 5). Че Худай оларға чуртаста хайди тудынарға постарына пӧгін аларға оңдай пирген. Андағ пос чуртас Худайға хынчатханыбыс ӱчӱн, аның чооғын истерге оңдай пирче. (Иаковтың 1:13—15; 1 Иоанның 5:3 хығырыбызыңар.)

Иегова нинҷе-де тус позының ӱлгӱзінең тоғыр парарға харығ полбаан. Ноға? Худай чох устирға кӱстенгеннері кізілерге часка ағылбинчатханын кӧзіт пирер ӱчӱн (Экклезиаст 7:29; 8:9). 6 000 чыл аразына анзы чахсы кӧрін парған. Ӱлгӱдегілернің пірдеезі чааларны, сайбағларны, сыны чох тудынысты паза ағырығларны чох ит полбаан. (Иеремия 10:23; Римдегілерге 9:17 хығырыбызыңар.)

 Кізі ӱлгӱзінің ӱчӱн кізілер ирееленчелер, Худайның устааны, тізең, часкаа ағылча (Исаия 48:17, 18). Ӱр ниместең Иегова кізілернің ӱлгӱлерін прай чох идібізер. Худайны позының Устағҷызына таллап алғаннар ла чирде чуртирлар (Исаия 11:9). (Даниил 2:44 хығырыбызыңар.)

«Ноға худай иреелерні чох итпинче?» тіп видеороликті кӧріп алыңар.

Сайтан, пір дее кізі, позына тартынмин, Иеговаа хынчатхан ӱчӱн ағаа нымысчыланмас теен. Сайтанның чойланчатханын кӧзіт пирерге хынчазар ба? Сірернің андағ оңдай пар! Худайның тыстанызы полған на кізее кізілернің ӱлгӱзін алай Худайның ӱлгӱзін таллап аларға оңдай пирче. Хайдағ ӱлгӱні таллап алғаныбысты пістің чуртазыбыс кӧзітче. (Иов 1:8—12; Притчи 27:11 хығырыбызыңар.)

Худайны позыбыстың Устағҷыбысха таллап алар ӱчӱн, Аның Сӧзінде, Библияда, тӧстелген сын религияны таап аларға паза Библиядағы ӱгредіглер хоостыра чуртирға кирек (Иоанн 4:23). Сайтанның устаанын хыйа идер ӱчӱн, политикада паза чааларда араласпасха кирек. Иисус сах іди тудынған нооза. (Иоанн 17:14 хығырыбызыңар.)

Сайтан сайбах тудынысха паза пасха даа хомай киректерге кізілер тартылар иде позының ӱлгӱзінең тузаланча. Піс ол кӧзітчеткен оңдайнаң чуртабазабыс, нанҷыларыбыс паза туғаннарыбыс піске кӱлерлер дее паза Библияны ӱгренерге харығ даа поларлар (1 Петрның 4:3, 4). Аннаңар пӧгерге кирек: кемнең нанҷыласханы піске иң аарлығ? Худайға хынчатханнарның аразында нанҷыларны тілирбіс пе? Аның хыйға чахығларынҷа тудынарбыс па? Орта пӧгін алзабыс, Сайтанның чойланчатханын паза кізілер сидік тее тустарда Худайға киртістіг хал полчатханнарын іле кӧзіт пирербіс. (1 Коринфтегілерге 6:9, 10; 15:33 хығырыбызыңар.)

Худай кізілерге хынча, аннаңар чабал киректерні паза иреелерні хайди даа чох идібізер. Худайға киртінчеткеннерін чуртаста кӧзітчеткеннер чирдегі райда мӧгі чуртас чуртирлар. (Иоанн 3:16 хығырыбызыңар.)