«Кізілерні ӱреен соонда тірілдіріп аларына ізеніс пар» (Илҷілернің 24:15, Наа Молҷағ).

Чағыннарың ӱреп парза, часхарыс пирер (2 Коринфтегілерге 1:3, 4).

Ӧлімнең иртіре хорыхпассар (Еврейлерге 2:15).

Чӱрекке аарлығ кізілерге тоғазарға ізеніс полар (Иоанн 5:28, 29).

Я, анзына киртінерге иң асхынах ӱс сылтағ пар:

• Худай прай тіріг нименің Чайаачызы. Библияда Иегова Худай прайзына «тын, чуртас паза нинҷе ниме пар прай пирче» тіп чоохталча (Илҷілернің 17:24, 25; Псалом 36:9). Ікінҷілес чоғыл, прай нименің Чайаачызы ӱреен кізілерні тірілдір полар.

• Пурунғы туста Худай кізілерні тіргіскен. Библияда тірілген сигіс кізідеңер чоохталча. Улуғланыбысханнар, чииттер, иреннер паза ипчілер тірілгеннер. Оларның кӧбізі ӱр нимес ӧліг полған полза даа, пір кізі тӧрт кӱн сыыратта чатхан! (Иоанн 11:39—44).

• Худай, мының алнындағох чіли, ӱрееннерні тірілдірерге хынча. Иегова ӧлімні пу харахнаң кӧрбинче; ол аны ыырҷы тіп санапча (1 Коринфтегілерге 15:26). Худай ол ыырҷыны утып аларға пик сағыс тутча. Ӱрееннерні тірілдіріп, ӧлімні чох ит салар. Худай позының сағызында тутчатхан кізілерні хатабох кӧрерге тың хынча, аннаңар ол оларны чирде чуртирға тірілдіріп алар (Иов 14:14, 15).