Помело — ағаста ӧсчеткен чоон тадылығ цитрусовай фрукт. Он метрдең дее тӱс парза, аннаң пір дее ниме полбинча. Ноға?

Хайығ айландырыңар. Помелоның хастырығының алтындағы ах нименің пӱдізі губкаа тӧӧй. Клеткаларның аразында хоол чирлер кӧп, ӧзеніне нинҷе чағын, ол хоол орыннар анҷох чоон арах полып одырчалар. Ол хоол чирде кии алай суух ниме полча. Фрукт тӱссе, ол суух ниме, подушка чіли, тоғынча. Чирге урунза, помелоның хастырығы чығырылып, хатығ пол парча. Андағ оңдайнаң, помело пір дее хайтпинча.

Учёнайлар, помелоның хастырығына тӧстеніп, пик пенометалл идерге кӱстенчелер. Олар андағ материалнаң ізестіг арах мотоцикл шлемнерін идіп аларға, автомобильлерні безопаснай арах идіп аларға паза космическай станцияларны метеориттердең арачылаҷаң ниме идіп аларға ізенчелер.

Хайди сағынчазар? Помелоның амортизировать полчатхан хастырығын эволюция иткен ме? Алай аны уғаа хыйға Инженер ит салған ма?