США-ғы ағырығларны сыныхтапчатхан паза оларнаң профилактика апарчатхан Кіннернің отчедының хоостыра 15—19 частығ кізілернің чарымы оральнай секснең айғасхан. «Оральнай секс — хараазына наа охсаныс» тіп кинденің авторы, Шарлин Эйзам, піди пасча: «Саарбахтарнаң оральнай секстеңер чоохтассаң, олар анзында пір дее хомай ниме чоғыл тіп нандырарлар. Олар анзын секске санабинчалар» (Oral Sex Is the New Goodnight Kiss).

•  Син аннаңар ниме сағынчазың?

•  Факттар ниме чоохтапчалар?

•  Ноға анзы аарлығ?

 Пу сурығларға нандырыбыс:

1.   Хыс оральнай секс пастыра чооннап парар ба?

   1.   Я

   2.   Чох

2.   Оральнай секс хазыхха ӱрег ағылча ба?

   1.   Я

   2.   Чох

3.   Оральнай сексті секске санирға чарир ба?

   1.   Я

   2.   Чох

 Позыңның нандырығларыңны алтында пирілген нандырығларнаң тиңнестірібіс.

1.   Хыс оральнай секс пастыра чооннап парар ба?

    Нандырығ: Чох. Аның ӱчӱн кӧп кізілер оральнай секс кізее ӱрег ағылбинча тіп саба санапчалар.

2.   Оральнай секс хазыхха ӱрег ағылча ба?

    Нандырығ: Я. Оральнай секснең айғасчатхан кізее мындағ ағырығлар чухтырып аларға хорғыс пар: гепатит (A алай B), ВИЧ, герпес, гонорея, остроконечнай кондилома паза сифилис.

3.   Оральнай сексті секске санирға чарир ба?

    Нандырығ: Я. Пасха кізінең хада иділчеткен ноо даа сексуальнай кирек секске саналча. Кӧзідімге, олаңай, оральнай, анальнай секс паза пасха кізее мастурбировать полғаны.

 Библияда оральнай секске теелчеткен нинҷе-де стих кӧр кӧр.

 Библияда чоохталча: «Худай кӧңні андағ: ах-арығ чуртас чуртирға, чӧреес хылыхха пастырбасха» (1 Фессалониктегілерге 4:3).

 «Чӧреес хылых» тіп тілбестелчеткен сӧстерге хоных хонған кізінең нимес, че пасха кізінең прай сексуальнай киректер кірче: олаңай, оральнай, анальнай секс паза пасха кізее мастурбировать полғаны. Сайбах тудыныстың, алай чӧреес хылыхтың, салтарлары уғаа хомай. Худайнаң даа ынархасты чідір саларға хорғыс пар (1 Петрның 3:12).

 Библияда чоохталча: «Чӧреес хылыхтығ полғаны... кізінің позының иді-ханынаң тоғыр чазых иткені полча» (1 Коринфтегілерге 6:18).

 Оральнай секс физическай паза духовнай саринаң ӱрег ағылча, ідӧк чӱректі ағыртча. «Хайди палаларнаң секстеңер чоохтазарға» тіп киндеде пазылча: «Вагинальнай секс соонда ла нимес, че пасха даа секс соонда кізі ачырғанча паза ағаа ол арачыланыс чох халған, аннаң тузаланып алғаннар тіп пілдірче. Хайдағ даа сайбах секстің, кізінің чӱреен ағыртар кӱзі пар. Хайдағ даа секс — ол секс» (Talking Sex With Your Kids).

 Библияда чоохталча: «Мин Иегова — синің Худайыңмын, сині тузалығ нимее ӱгретчем» (Исайя 48:17).

 Хайди сағынчазың, Худайның секстеңер чахығлары сағаа сынап тузалығ поларлар ба? Алай ол чахығлар сағаа хайди хынчазың, іди чуртирға пирбинчелер бе? Пу сурығларға нандырар ӱчӱн кӧзідім кӧр кӧреең. Автотрассада скорость хызырчатхан, парарға чаратпинчатхан знактар, светофорлар турчалар. Хайди сағынчазың, пу знактар паза сигналлар сині арачылапчалар алай парарға харығ ла полчалар? Прай водительлер оларға хайығ салбазалар, ниме поларҷых?

 Ідӧк Худайның нормаларынаңар чоохтирға чарир. Оларға хайығ салбазаң, таараан нимені чыып аларзың (Галат чиріндегілерге 6:7). Пір киндеде чоохталча: «Ах-арығ кӧрістеріңнең паза нормаларыңнаң хыйа тудынып, хомай нимее сабылзаң, син позыңны улуғлабиныбызарзың» (Sex Smart). Худайның нормаларынҷа чуртапчатсаң, нравственнай принциптер сағаа аарлығ полчатханын кӧзіт пирерзің. Ағаа хоза, синің совезің арығ полар (1 Петрның 3:16).