«Мин Библияны хығыр кӧргем. Ол уғаа чоон кинде! Сағынчам, мин аны прай хығыр полбассым...» (Бриана).

 Синің андағ сағыстар полған ма? Полған полза, пу статья сағаа туза полар.

•  Ноға Библияны хығырарға кирек?

•  Библияны мағаа хайди хығырарға?

•  Пасха саарбахтар ниме тіпчелер

 Библияны прай хығырыбызарға тіп сағыс сағаа ирістіг пілдірче, арса? Че анзы хайхастығ нимес. Кем-де піди сағынча: «Библияда кічіг шрифтнең пазылған пір муң азыра страница паза анда пір дее хоос чоғыл! Библияны хығырғанҷа, фильм алай интернетте видео кӧріп аларға».

 Сағын кӧр: син алтын-кӱмӱстіг иргі сундух таап алзаң, істінде ниме парын кӧріп аларға хынығ полбасчых па?

 Библияны андағ сундухнаң тиңнестірерге чарир. Анда уғаа кӧп хыйға пілістер. Олар сағаа полыс пирерлер:

•   орта пӧгіннер аларға,

•   іҷе-пабаңнаң ынағ поларға,

•   сын нанҷылар таап аларға,

•   стресске пастыр салбасха.

 Амғы туста андағ иргі кинденің тузазы пар ба? Я, «Прай Ызых Пічиине Худай тын кирче» нооза (2 Тимофейге 3:16). Анзы Библияда пазылған чӧптер иң ізестіг источниктең сыхханын таныхтапча.

 Пастағы оңдай: Библияны прай хығырыбызарға. Анзы Библияда нимедеңер чоохталчатханын піліп аларға полыс пирер. Библияны аймах-пасха оңдайнаң хығырарға чарир, кӧзідімге:

•    Библияның прай 66 киндезін изерістіре хығырарға. Бытиедең пастирға, Азых чоохнаң тоозарға.

•    Библиядағы кинделерні хронология хоостыра, пасха сӧстернең чоохтаза, хайдағ кирек хайдағ киректің соонда полғаны хоостыра, хығырарға.

 Чӧп: «Худайның Сӧзі карталарда паза схемаларда» тіп брошюраның (орыс тілінең сыххан) 4-ҷі чардығында Иисус Христостың чирдегі чуртазындағы иң аарлығ киректер хронология хоостыра пазылчалар.

 Ікінҷі оңдай: сағаа хайдағ-да сидікте полыс полар Библияның кизегін хығырыбызарға. Кӧзідімге:

•   Ізестіг паза чахсы нанҷылар таап аларға хынчазың ма? Ионафаннаң Давидтің ынархазынаңар хығырып ал. (1 Самуила, 18 пастағдаң 20 пастаға читіре). Анаң «Как найти настоящих друзей» тіп библейскай тоғысты ит сал. Хығырған кизектең алған пілістернең хайди чуртаста тузаланарға сағынып ал.

•   Хыҷаланыснаң харбасчазың ма? Сидік туста хайди Иосиф тудынғаннаңар хығырып ал (Бытие, 39 пастағ). Анаң «Как не поддаться искушению. Иосиф (часть 1)» паза «Ложно обвинен. Иосиф (часть 2)» тіп библейскай тоғыстарны ит сал. Хығырған кизектең алған пілістернең хайди чуртаста тузаланарға сағынып ал.

•   Худай пазырыстарны исче бе піліп аларға хынчазың ма? Неемиянаң полған киректі хығырып ал (Неемия, 2-ҷі пастағ). Анаң «Бог ответил на его молитву» тіп библейскай тоғысты ит сал. Хығырған кизектең алған пілістернең хайди чуртаста тузаланарға сағынып ал.

 Чӧп: Библияны сағаа пір дее ниме харығ полбас, амыр орында хығыр.

 Ӱзінҷі оңдай: хайдағ даа кизекті алай псаломны хығырып аларға. Анаң анда хайдағ тузалығ сағыс таап алдым тіп сағынып аларға. Посха мындағ сурығлар турғызарға чарир:

•    Ноға Иегова пу сағыстарны Библияда пастырған?

•    Пу кизектең Иеговадаңар паза аның качестволарынаңар ниме піліп алдым?

•    Піліп алған нименең хайди тузалан полам?

 Чӧп: Библияны кӱннің сай хығырарға кӧстег турғыс сал. Хығырып пастир кӱнні календарьда таныхтап сал.