Уилл, чиит оол, теен: «Библияны хайди хығырарға пілбезең, аны хығырарға ирістіг пілдірер».

 Библияны хығырарын хынығ идіп аларға хынчазың ма? Андада пу статья сағаа!

•  Хығырған нимелерні сағызыңда тірілдір

•  Тирең арах істес

•  Пасха саарбахтар ниме тіпчелер

 Хығырчатсаң, чувстволарыңны тоғындыр. Піди хығыр кӧр:

1.   Библияның пірее кизегін таллап ал. Пірее полған киректі алай Чахсы Хабардағы пірее эпизодты алып ал. Алай jw.org тіп сайтта «Библияны хоос оңдайнаң хығырғаны» тіп аудиозаписьтернің кизегін таллап ал.

2.   Ол кизекті хығырып ал. Позың, сӧбіреңнең алай нанҷыларыңнаң хада хығырыбыс. Кем-де чоох чоохтапчатхан кізінің сӧстерін, пасхалары, тізең, Библиядағы персонажтарның сӧстерін хығырзыннар.

3.   Алтында пирілген чӧптернің пірсінең алай нинҷе-де чӧпнең тузалан:

   •   Хоостар хооста. Кӧзідімге, соон сӱрістіре полған киректерні кӧрер ӱчӱн, олаңай хоостар хоостап сал. Полған на хоос алтында ниме анда хоосталғанын пас сал.

   •   Схемалар хооста. Кӧзідімге, Худайның киртістіг нымысчыларының піреезінеңер хығырчатсаң, аның качестволары аның тудынызынаң паза Иегова аны алғыстаанынаң хайди палғалыстығ схема хоостыра кӧзіт пир.

   •   «Хабарлар» чоохтап пир. Пірее полған киректі аймах-пасха персонажтарның кӧрізінің хоостыра чоохтап пир. Ол киректе араласхан паза аны кӧрген кізілердең «интервью» алып ал.

   •   Полған киректі пасха оңдайнаң тоос кӧр. Сағын кӧр, саба пӧгін алған персонаж пасха оңдайнаң тудынған полза, ниме поларҷых? Кӧзідімге, Петр Иисустаң хыйа полыбысханын алып аларға чарир (Марк 14:66—72). Петр кізілердең хорыхханын хайди тобырып аларҷых?

   •   Сценарий позың сағынып ал. Библиядағы пірее кирекке тӧстеніп, позың сағынып алған пьеса пас сал. Ол полған киректең алған тузалығ ӱгредіглерні пьесазар хозарға ундутпа (Римдегілерге 15:4).

 Оох-теек нимелерге хайығ салзаң, алтын-кӱмӱстер таап аларзың. Пірееде пір-ікі сӧс Библияда пазылған кизектің смыслына влиять полча.

 Кӧзідімге: Матфей 28:7 паза Марк 16:7 тиңнестірібіс.

•    Ноға Марк Иисус ӱгренҷілерін «паза Петрны» сағир тіп пас салған?

•  Полызығ: Марк ол киректерні позы кӧрбеен, ағаа Петр чоохтап пирген полар.

•  Тирең сағыс: Иисустың аннаң тоғазарға хынчатханын піліп алғанда, ноға Петрның кӧңні кӧдіріл парған полар? (Марк 14:66—72). Иисус Петрға сын нанҷы полғаны нимедең кӧрінче? Хайди син, Иисусох чіли, сын нанҷы пол поларзың?

 Хығырған нимелерні сағызыңда тірілдірзең, тирең арах істессең, Библияны хығырарға хынығ полар!