Мессийдеңер ухаанҷыластар Иисус Христоста толғаннар ба?
Библия хоостыра нандырығ
Я. Иисус чирде чуртаанда, «Мессий Устағҷыдаңар» кӧп ухаанҷылас тол парған. Ол «чир ӱстӱндегі кізілерні арачылирға» килген (Даниил 9:25; 1 Иоанның 4:14). Аның ӧлімі соонда даа, Мессийдеңер ухаанҷыластар Иисуста толғаннар (Псалом 110:1; Илҷілернің 2:34—36).
«Мессий» тіп сӧс ниме таныхтапча?
Маши́ах (мессий) тіп еврей сӧзі паза христо́с тіп грек сӧзі «таңмалалғанын» таныхтапча. Аннаңар «Иисус Христос» паза «Иисус Мессий» — «Таңмалалған Иисус».
Библия пазылған тустарда, кізіні ӱлгее турғысчатса, аны, аның пазына хайах урып, таңмалаҷаңнар (Левит 8:12; 1 Самуила 16:13). Худай Иисусты, ағаа уғаа улуғ ӱлгӱ пиріп, Мессий поларға турғыс салған (Илҷілернің 2:36). Че Худай аны хайахнаң нимес, ызых хутнаң таңмалаан (Матфей 3:16).
Мессийдеңер ухаанҷыластар пасха-пасха кізілерде тол поларҷыхтар ба?
Чох. Хайди салааның отпечатогы полған на кізінің позыни полча, ідӧк Библиядағы ухаанҷыластар пір ле Мессийге, алай Христосха кӧзітчелер. Че Библия сизіндірче: «Кӧп чой мессий-христостар паза чой ухаанҷылар сыға саларлар нооза. Оңдай полза, олар, таллап алған кізілерні дее алаахтырып аларға полып, илбек танығлар паза хайхастар идерлер» (Матфей 24:24).
Мессий ам даа килгелек теені орта ба?
Чох. Библияда Мессий Израиль ханы Давидтің тӧлі полар тіп чоохталча (Псалом 89:3, 4). Че п. э. 70 чылда, римдегілер Иерусалимні a иңзерібіскенде, иудейлернің родословнайлары прай чіт парғаннар. Олар чох пір дее кізі Давидтің тӧліне кірчеткенін киречілеп полбас. Иисус чуртаан туста родословнайлар полғаннар. Аннаңар аның ыырҷылары даа Иисус Давидтің тӧлі нимес тіп полбааннар (Матфей 22:41—46).
Библияда Мессийдеңер нинҷе ухаанҷылас пазыл парған?
Библияда Мессийдеңер нинҷе ухаанҷылас пазыл парғанын піл полбассың. Библейскай кизек Мессийдеңер пазылған полза даа, ол кизекте Мессийдеңер нинҷе ухаанҷылас парынаңар аймах-пасха кӧрістер пар. Кӧзідімге, Исайя 53:2—7-де Мессийдеңер нинҷе-де сағыс пазыл парған. Піреелері ол кизекті Мессийдеңер пір ухаанҷылас тіп санапчалар, пасхалары, тізең, полған на сағысты алынҷа ухаанҷыласха санапчалар.
Мессийдеңер Иисуста толған ухаанҷыластарның піреелері
Ухаанҷылас |
Хайда пазылған |
Хайди толған |
---|---|---|
Авраамның тӧлі |
||
Авраамның оолғының, Исаактың, тӧлі |
||
Иуданың уйазында тӧрир |
||
Давид ханның тӧлінең |
||
Хыстаң тӧрир |
||
Вифлеемде тӧрир |
||
Аны Эммануил тіп адап саларлар b |
||
Олаңай кізі |
||
Ол тӧреен соонда палаларны ӧдірерлер |
||
Египеттең хығыртылар |
||
Назорей тіп адап саларлар c |
||
Аның чолын тимнир илҷі ызылар |
||
П. э. 29 чылда Мессий пол парар d |
||
Худай Иисусты Оолғым тіп адапча |
||
Худайның туразының ӱчӱн чӱрее кӧйер |
||
Чахсы Хабарны искірер |
||
Аның нымысчыланызы Галилей чирінде илбек чарых полар |
||
Моисей чіли, хайхастар идер |
||
Моисей чіли, Худай сӧстерін чоохтир |
||
Кӧп кізіні хазых ит салар |
||
Позына хайығ тартпас |
||
Пазындыр салғаннарға айир |
||
Худайның сын тудынызын кӧзіт пирер |
||
Хыйға Чӧпчі |
||
Иегованың адын чарлир |
||
Кӧзідімнернең чоохтир |
||
Устағҷы |
||
Ағаа кӧп кізі киртінмес |
||
Харылҷаң тас пол парар |
||
Кізілер аны нимее салбастар |
||
Аны тиктең не хырт кӧрерлер |
||
Иерусалимзер, эштекке мӱніп алып, хан чіли, кірер |
||
Палалар аны махтирлар |
||
Иегованың адынаң килер |
||
Аны чағын нанҷызы садыбызар |
||
30 кӱмӱс ахчаа садыбызарлар e |
||
Нанҷылары аны тастабызарлар |
||
Чой киречілер аннаң тоғыр киречілирлер |
||
Пыролапчатсалар, пір дее ниме нандырбас |
||
Сырайына тӱкӱрерлер |
||
Пазынаң сабарлар |
||
Чыртарлар |
||
Аны сохчатсалар, удурласпас |
||
Устағҷылар аннаң тоғыр пірігіп аларлар |
||
Аны холларынаң паза азахтарынаң столбаа хазап саларлар |
||
Аның кип-азааның ӱчӱн ӱлӱс тастирлар |
||
Чазыхтығларның санына кир саларлар |
||
Ағаа кӱлерлер, сӧклирлер |
||
Чазыхтығларның ӱчӱн ирееленер |
||
Аны Худай тастабысхан тіп пілдірер |
||
Уксус паза хуйаң ниме пирерлер |
||
Ӧлер алнында сухсир |
||
Позының чуртазын Худайның холына пирібізер |
||
Чуртазын пирібізер |
||
Чазыхты чох идер ӱчӱн, толығ полар |
||
Сӧӧктері сыы сабылбастар |
||
Чыданаң сазыбызарлар |
||
Пайларның аразында чыып саларлар |
||
Тірілер |
||
Аның садығҷызының орнына пасха кізі турғызылар |
||
Худайның оң саринда одырар |
a Макклинтоктың паза Стронгтың энциклопедиязында чоохталча: «Ікінҷілес чоғыл, еврейлернің уйаларының паза сӧбірелерінің родословнай пічіктері, Иерусалим иңзерілер алнында нимес, че ол иңзерілгенде, чох иділгеннер».
b Еврейскай ат Эммануил «Худай піснең хада» тіп тілбестелче, аннаңар Иисустың Мессий полчатхан рольына уғаа тың килістіре ат. Аның чирдегі чуртазы, кізілерге иткен чахсы киректері Худай позының нымысчыларынаң хада полғанын киречілееннер (Лука 2:27—32; 7:12—16).
c «Назорей» тіп сӧс не́цер тіп еврей сӧзінең сыххан полар. Не́цер «хорба» тіп тілбестелче.
d П. э. 29 чылға, Мессий килер чылға кӧзітчеткен библейскай хронологияны піліп алар ӱчӱн, «Даниилнің Мессий килерінеңер ухаанҷылазы» тіп статьяны кӧріңер.
e Пу ухаанҷылас Захария тіп киндеде пазыл парған, че Матфей аны Иеремия ухаанҷы пастыра пирілген тіпче (Матфей 27:9). Пірееде Иеремияның киндезі Пічіктің «Ухаанҷылар» тіп адалчатхан чардығының пастағы орында турҷаң полар (Лука 24:44). Аннаңар Матфей «Иеремия» теенде, Пічіктің прай пу чардығынаңар чоохтаан полар. Захарияның киндезі ол чардыхха кірген.