Я. Худай кізілер ағаа пазырарға чыылыссыннар тіп хынча. Библияда чоохталча: «Удур-тӧдір полызызааңар, хынарға паза чахсы киректер идерге кӧӧктірізееңер... чыылығларыбысты тастабааңар» (Еврейлерге 10:24, 25).

 Иисустың сӧстерінің хоостыра аның ӱгренҷілері пір религиознай группа полар. Ол теен: «Удур-тӧдір хыныссаңар, Минің ӱгренҷілерім полчатханнарыңны прайзы пілер» (Иоанн 13:35). Ӱгренҷілер, пик палғалызып, ол хынысты кӧзідерге, чыылызып, ӧмеде Худайға сыбыра пазырарға кирек полғаннар (1 Коринфтегілерге 16:19). Ол ӧмелер чир-ӱстӱндегі харындас-пиҷелернің пірігізі пол парча (1 Петрның 2:17).

Религияда ла полғаны асхынах

 Библияда кізілер Худайға пазырарға чыылызарға киректер тіп чоохталча, че чыылыға ла чӧріп, Худайның кӧңніне кір полбас. Киртініс кізінің чуртазына теелерге кирек. Библияда пазылча: «Худай Пабабысха арығ, пырозы чох пазырғаны — ол ӧкістердеңер паза чалғыс чарым халған ипчілердеңер сағыссырааны паза посты пу чуртастың хынығыстарынаң хайраллааны» (Иаковтың 1:27).