Чох. Худай кізіні, аң-хустарны паза ӧзімнерні оларның родтарынҷа чайап салған тіп Библияда чоохталча a (Бытие 1:12, 21, 25, 27; Азых чоох 4:11). Библия хоостыра прай кізілер Адамнаң Еваның палалары полчалар (Бытие 3:20; 4:1). Библия Худай аймах-пасха тіріг нимелерні эволюция пастыра чайаан тіп ӱгретпинче (пірееде пу теорияны теистическай эволюция тіпчелер). Олох туста пір родта удур-тӧдір тӧӧй нимес тіріг нимелер парын кӧзітчеткен научнай факттарға Библиядағы информация тоғыр полбинча b.

•  Худай эволюциянаң тузаланча ба?

•  Теистическай эволюцияның теориязы Библияда пазылған нимее килісче бе?

•  Ӧзімнернің паза аң-хустарның наа видтері эволюцияны киречілепчелер бе?

 Теистическай эволюция пар тіпчеткен кізілер чуртас хайдаң килгенін аймах-пасха чарытчалар. «Британскай энциклопедия» хоостыра, ол теория «тіріг нимелерні чайапчатханда, Худай естественнай отборнаң устаан» тіп ӱгретче.

 Теистическай эволюцияа мындағ ӱгредіглер кірчелер:

•   Прай тіріг нимелер пір нимедең сыхханнар.

•   Пір биологическай вид саңай пасха видке эволюционировать пол полча (пірееде андағ алызығларны макроэволюция тіп адапчалар).

•   Эволюциянаң Худай устапча.

 Теистическай эволюцияның теориязы орта полған полза, Худай прай ниме чайааннаңар Бытиедегі чоох саба поларҷых. Че Иисус Христос аны сынап полған кирек тіп санаан (Бытие 1:26, 27; 2:18—24; Матфей 19:4—6). Библия хоостыра Иисус чирзер килер алнында тигірде чуртаан паза Худайға прай нимені чайирға полысхан (Иоанн 1:3). Аннаңар Худай аймах-пасха тіріг нимелерні эволюция пастыра чайаан тіп ӱгредіг Библия ӱгредиине киліспинчеткен ӱгредіг.

 Пір род аразында хайдағ алызығлар полчатханнаңар Библия чоохтабинча. Че скрещивание алай чир-чайаанның влияниезінің сылтаанда наа ӧзімнер паза наа аң-хустар пол полбас тіп Библияда чоохталбинча. Андағ алызығларны піреезі эволюция тіп санапча, че анзы андағ нимес. Скрещивание алай чир-чайаанның влияниезінің сылтаанда чуртастың наа формалары пол парбинча.