Чуртастың смыслы хайдағ?
Библия хоостыра нандырығ
Чуртастың смыслынаңар аймах-пасха сурығлар турғысчалар, кӧзідімге: «ноға мин чуртапчам?», «минің чуртазымның кӧстии пар ба?» Библия Худайнаң ынархасханы чуртастың смыслы тіп ӱгретче. Мына Библияның аарлығ сыннарының піреелері.
Худай пістің Чайаачыбыс. Библияда чоохталча: «Ол [Худай] пісті чайап салған, ол пістің ээзібіс» (Псалом 100:3; Азых чоох 4:11).
Прай чайаахтарын, пісті дее, Худай хайдағ-да кӧстегнең чайап салған (Исайя 45:18).
Пісті духовнай кирексіністернең чайап салған, оларның санында чуртастың смыслын тілеені (Матфей 5:3). Худай ол кирексіністер толдырылзыннар тіп хынча (Псалом 145:16).
Худайнаң ынархазыбысты тыыдып, духовнай кирексіністерібісті толдырчабыс. Худайның нанҷызы хаҷан даа пол полбас тіп кем-де сағынчатса даа, Библия: «Худайға чағдаңар — сірерге Ол чағдирох», — тіпче (Иаковтың 4:8; 2:23).
Худайның нанҷызы полып алар ӱчӱн, аның пістеңер сағын салған сағызы хоостыра чуртирға кирек. Аннаңар Экклезиаст 12:13-те пазыл парған: «Сын Худайдаң хорых паза аның чахығларын толдыр. Кізее аннаң аарлығ ниме чоғыл» (Синод тілбестее).
Худай прай иреелерні чох идібіссе, ағаа киртістіг нымысчыларына мӧгі чуртас сыйлап пирзе, Иегованың пістеңер иң пастағы сағын салған сағызы тол парар (Псалом 37:10, 11).