Иегованың киречілері Библия нимее ӱгретчеткенін піліп аларға полысчатхан курс иртірчелер. Ол библейскай курс сірерге полыс пирер:

•   Часкалығ чуртирға.

•   Худайға чағын поларға.

•   Библияда алнынзархызынаңар ниме чоохталчатханын піліп аларға.

Пу страницада

•  Библия ӱгредии хайди иртірілче?

•  Библейскай курс ӱчӱн тӧлирге кирек пе?

•  Курс нинҷе тус иртірілче?

•  Нимедең пастирға?

•  Библияны ӱгрен не кӧрерге чарир ба?

•  Библия ӱгредиин иртсем, мағаа хайди даа Иегованың киречізі поларға кирек пе?

•  Позымның Библиям хоостыра ӱгренерге чарир ба?

•  Библия ӱгредиине пасха кізілерні хығырарға чарир ба?

•  Мин мының алнында Иегованың киречілерінең Библия ӱгренген ползам чи? Пазох ӱгрензем, туза полар ба?

•  Библияны пос алынҷа, ӱгретчі чох, ӱгренҷең оңдай пар ба?

 Ӱгретчі, темаларны соон сӱрістіре ӱзӱріп, сірерге Библиянаң танызып аларға полыс пирер. «Мӧгі чуртасха ӧрініңер!» тіп интерактивнай курстаң Библия нимее ӱгретчеткенін паза ол пілістер сірерге хайдағ туза ағыларын піліп аларзар. Пу видеода библейскай курстаңар кӧп арах чоохталча.

 Чох. Иегованың киречілері Иисус ӱгренҷілеріне пирген «тикке алған нимелерні тиккеӧк пирібіс турыңар» тіп устағ хоостыра тудынчалар (Матфей 10:8). Ағаа хоза, сірерге пу курстың материалларының, Библияның паза «Мӧгі чуртасха ӧрініңер!» тіп кинденің ӱчӱн тӧлирге кирек чоғыл.

 Прай курсха 60 урок кірче. Нинҷе табырах ӱгренерге позыңар пӧкчезер. Кӧп кізі неделяда пір алай нинҷе-де урок иртерге хынча.

1.  1. Онлайн-заявка артыс салыңар. Ол заявка хоостыра Иегованың киречілерінің піреезі сірернең палғалызар. Андағы информациянаң пасха оңдайнаң тузаланмаспыс.

2.  2. Инструктор сірернең палғалызар. Ол сірерге пу курстаңар чахсы иде чоохтап пирер паза сірернің прай сурығларыңа нандыр пирер.

3.  3. Курсты хайди иртерге хынчазар, чоохтазып алыңар. Ӱгредігні, тоғазып, телефоннаң, видеосвязь пастыра, пічіктер пазып алай электроннай почта пастыра иртерге чарир. Кӧбізін ӱгредіг пір часча иртче. Че аны ӱр арах алай хысхаҷах арах иртірерге чарир, нинҷе тус хынзар, ол син ӱгренерзер.

 Я. Ӱгрен кӧрер ӱчӱн, онлайн-заявка пас салыңар. Инструктор сірернең палғалысса, курс сірернің кӧңніңерге кірер бе, кірбес пе, піліп алар ӱчӱн, ӱгрен кӧрерге хынчам тіп чоохтап пиріңер. Андада инструктор ӧнетін сығарылған «Мӧгі чуртасха ӧрініңер!» тіп брошюранаң тузаланар. Анда пастағы ла ӱс урок.

 Чох. Иегованың киречілері кізілерні Библияа ӱгредерге хынчалар, че піс пірдеезін пістің киртінізібісті аларға кӱстебинчебіс. Піс Библия нимее ӱгретчеткенін кӧзітчебіс. Кізі, тізең, нимее ағаа киртінерге позы пӧкче (1 Петрның 3:15).

 Я, сірерге Библияның хайдағ даа тілбестеенең тузаланарға чарир. «Наа Тилекей» тілбестее пілдістіг паза орта тілбестег, аннаңар ол пістің кӧңнібіске кірче. Че кӧп кізі позы кӧнік парған тілбестег хоостыра ӱгренерге хынчатханнарын санға алчабыс.

 Я. Библия ӱгредиине сӧбіреңерні алай нанҷыларыңны хығырарға чарир.

 Я. Пу наа курста амғы тустағы кізілернің кирексіністерін санға алғаннар, аннаңар пу курс кӧңніңерге мының алнындағы курстардаң хай-хай артых кірер. Мының алнындағы ӱгредіг программаларының хыринда пу курста кӧзідігліг материаллар хай-хай кӧп, аннаңар аның хоостыра ӱгренерге хай-хай оой.

 Я, андағ оңдай пар. Кӧп кізі Библияны ӱгретчінең хада ӱгренгені тузалығ арах полчатханын сизінче, че піреелері пастап аны пос алынҷа ӱгренерге хынча. «Библияны ӱгренҷең пособиелер» тіп страницада Библияны тӧлег чох ӱгренерге полысчатхан тиріглер паза пасха даа нимелер пирілчелер. Мына оларның піреелері.

•   Видеоуроктар. Библияның ӧӧн ӱгредіглерін чарытчатхан хысхаҷах видеороликтер.

•   Библия нандырчатхан сурығлар. Пу статьяларда Библиядаңар аймах-пасха сурығларға нандырығлар пирілче.

•   Библияның стихтарын чарытханы. Библияда пазылған, кӧп кізее таныс сӧстер паза стихтар ниме таныхтапчатханын піліп аларзар.