Кӧп кізі кіресті христианствоның символына санапча. Иегованың киречілері христианнар ползалар даа, Худайға пазырчатсалар, кіреснең тузаланминчалар. Ноға?

 Библия хоостыра, Иисус кіреске нимес, тӧгее хазатыр салып, ӱреен. Библия христианнарға чахыпча: «Обааларға [идолларға, НТ] пазырарынаң тизіңер». Анзы Худайға пазырыста кіреснең тузаланарға чарадылбинчатханын таныхтапча (1 Коринфтегілерге 10:14; 1 Иоанның 5:21).

 Христостың сӧстерін ундутпасха кирек: «Удур-тӧдір хыныссаңар, Минің ӱгренҷілерім полчатханнарыңны прайзы пілер» (Иоанн 13:34, 35). Іди Иисус Христос сын ӱгренҷілерін кірес алай пірее пасха даа пазырҷаң нимелер нимес, че сын хыныс іле кӧзідер тіп чоохтаан.