سەرگەك بولىڭدار!
دۇنيەجۇزى بويىنشا اسكەري شىعىن 2 تريلليون دوللاردان اسىپ جىعىلدى. كيەلى كىتاپتا نە دەلىنگەن؟
2022-جىلى الەمدەگى اسكەري شىعىن 24،2 تريلليون اقش دوللارىنان اسىپ كەتتى. بۇعان تۇرتكى بولعان نەگىزگى جايت — رەسەيدىڭ ۋكرايناعا باسىپ كىرۋى. ستوكگولمدەگى حالىقارالىق بەيبىتشىلىك ينستيتۋتىنىڭ 2023-جىلى ٴساۋىر ايىندا جاريالاعان ەسەبىنە ساي:
ەۋروپا ەلدەرىنىڭ اسكەري شىعىندارى «ٴبىر جىلدا 13 پايىزعا ٶستى، بۇنداي ٶسىم قىرعيقاباق سوعىستان بەرى بولماعان».
«رەسەيدىڭ... شىعىنى 2،9 پايىزعا ارتىپ، قارۋلاندىرۋعا كوپ قاراجات جۇمسايتىن ەلدەردىڭ ىشىندە بەسىنشى ورىننان ٷشىنشى ورىنعا كوتەرىلىپ كەتتى».
كوپ شىعىن جۇمسايتىنداردىڭ ىشىندە اقش ٴبىرىنشى ورىندى بەرمەي كەلەدى، «دۇنيەجۇزىلىك اسكەري شىعىننىڭ 39 پايىزى وسى ەلدىكى».
«سوڭعى جىلدارى اسكەري شىعىننىڭ قۇلاشتاپ ٶسىپ جاتقانى — وتە قاۋىپتى زاماندا ٶمىر ٴسۇرىپ جاتقانىمىزدىڭ بىردەن-ٴبىر كورسەتكىشى»،— دەيدى جوعارىداعى ەسەپتىڭ اۆتورلارىنىڭ ٴبىرى دوكتور نان تيان.
قازىرگى زامانداعى الەمدىك ٸرى مەملەكەتتەردىڭ اراسىنداعى تەكەتىرەس ۋشىعا تۇسەتىنى كيەلى كىتاپتا الدىن الا ايتىلىپ كەتكەن. الايدا تىنىش زامان ورنايتىنىنا ٷمىت بار.
اسكەري تەكەتىرەس ٶرشيتىنى الدىن الا ايتىلىپ كەتكەن
قازىرگى زامان كيەلى كىتاپتا «اقىرعى ۋاقىت» دەپ اتالادى (دانيال 8:19).
دانيال پايعامبار «اقىرعى ۋاقىتتا» ٶزارا باقتالاساتىن ٸرى مەملەكەتتەر بولاتىنىن الدىن الا ايتقان. ولار ٴبىر-بىرىمەن «تەكەتىرەسەدى» ، ياعني الەمدىك كوشباسشى بولۋعا جانتالاسادى. سول ٷشىن بار «قازىنالارىن»، ياعني قارجىلارىن اياماي قۇيادى (دانيال 11:40، 42، 43).
كيەلى كىتاپتا الدىن الا ايتىلىپ كەتكەن وسى جاعدايلار جايىندا تولىعىراق ٴبىلۋ ٷشىن «دانيال كىتابىنىڭ 11-تاراۋىنداعى ورىندالعان پايعامبارلىق» ۆيدەوسىن قاراڭىز.
ناعىز بەيبىتشىلىك ورناي ما؟
كيەلى كىتاپتا كوكتەگى قۇداي جەردەگى ۇكىمەتتەردى ورىندارىنان الىپ تاستايتىنى ايتىلعان. سوسىن ول «ەشقاشان جويىلمايتىن پاتشالىق ورناتادى. بۇل پاتشالىق باسقا حالىقتىڭ قولىنا وتپەيدى. ول سول پاتشالىقتاردىڭ ٴبارىن قيراتىپ، ٶزى ماڭگى تۇرادى» (دانيال 2:44).
جۋىردا ەحوبا a قۇداي ادامدار قول جەتكىزە الماعان بەيبىتشىلىكتى ٶزى ورناتادى. قالاي دەيسىز بە؟ ونىڭ كوكتەگى ۇكىمەتى جەر بەتىن بارلىق زۇلىمدىق پەن قارۋ-جاراق اتاۋلىدان تازارتادى (ٴزابۇر 46:8، 9).
قۇدايدىڭ ۇكىمەتى تاعى نە ىستەيتىنىن بىلگىڭىز كەلسە، «قۇداي پاتشالىعىنىڭ تۇسىندا شارتاراپتا تىنىشتىق بولادى» دەگەن ماقالانى وقىڭىز.
a ەحوبا — قۇدايدىڭ دارا ەسىمى (ٴزابۇر 83:18).