جالعىزدىقتى دوستىقپەن جەڭىڭىز. كيەلى كىتاپتىڭ كومەگى
دەنساۋلىق ساقتاۋ ماماندارىنىڭ ايتۋىنشا، جالعىزدىق دەرتىمەن كۇرەسۋ 2023-جىلدان بەرى دۇنيەجۇزى بويىنشا ەڭ وزەكتى ماسەلە بولىپ تۇر. قوعام جالعىزدىقتى جەڭىپ شىعا الا ما؟
«جالعىزدىق پەن وقشاۋلانۋدىڭ ادامنىڭ دەنساۋلىعى مەن باقىتتى سەزىنۋىنە تيگىزەتىن زالالى وراسان»،— دەيدى اقش-تىڭ باس حيرۋرگى ۆيۆەك مۋرتي مىرزا. «ٴبىراق ونى جەڭۋ قولىمىزدان كەلەدى»،— دەپ قوستى ول. سوندا قالاي جەڭەمىز؟ باس حيرۋرگتىڭ ايتۋىنشا، «كۇندە باسقالارمەن دوستىعىمىزدى نىعايتۋ ٷشىن كىشىگىرىم قادامدار جاساۋ ارقىلى». a
جالعىزدىقتىڭ جالعىز سەبەبى — وقشاۋلانۋ ەمەس. كەيبىرەۋلەر ٴبىر توپ ادامنىڭ اراسىندا جۇرسە دە، وزدەرىن جالعىز سەزىنەدى. قانداي سەبەپپەن جالعىزسىرامايىق، كيەلى كىتاپ بىزگە كومەكتەسە الادى. وندا جالعىزدىقتى دوستىقپەن جەڭۋگە كومەكتەسەتىن ٴتيىمدى كەڭەستەر بار.
ٴتيىمدى بولار كيەلى كىتاپ كەڭەستەرى
وزگەلەرمەن اڭگىمەلەسە ٴبىلىڭىز. اڭگىمەلەسۋ دەگەن ٶزىڭىز تۋرالى ايتۋدى عانا ەمەس، وزگەلەردى تىڭداي ٴبىلۋدى دە بىلدىرەدى. وزگەلەردىڭ ومىرىنە قىزىعۋشىلىق تانىتساڭىز، ولارمەن دوستاسىپ كەتەسىز.
كيەلى كىتاپتىڭ كەڭەسى: «تەك ٶز مۇددەلەرىڭدى ەمەس، باسقالاردىڭ دا مۇددەسىن ويلاڭدار» (فىلىپىلىكتەرگە 2:4).
ارالاساتىن ورتاڭىزدى كەڭەيتىڭىز. وزىڭىزدەن ۇلكەن نە كىشى، ۇلتى نە مادەنيەتى باسقا ادامدارمەن دوستاسۋعا تىرىسىڭىز.
كيەلى كىتاپتىڭ كەڭەسى: «جۇرەكتەرىڭدى ايقارا اشىڭدار» (قورىنتتىقتارعا 2-حات 6:13).
وزگەلەرمەن دوستىقتى قالاي نىعايتۋعا بولاتىنى جايلى كوبىرەك بىلگىڭىز كەلسە، «وزگەلەرمەن قالاي دوس بولا الامىن؟» (حانزۇشا) دەگەن ماقالانى وقىپ كورىڭىز.
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.