سەرگەك بولىڭدار!
حريستياندار جانە سوعىس. كيەلى كىتاپ بۇل جايلى نە دەيدى؟
ۋكرايناداعى سوعىستان بايقالعانداي، كوپتەگەن حريستيان ٴدىنباسىلارى سوعىستى جان سالا قولداپ-قولپاشتاپ جاتىر. ٵر ەلدىڭ شىركەۋ باسشىلارى ٶز ەلىن جاقتايتىنى كەلەسى سوزدەردەن كورىنەدى:
«وتانىمىز ۋكراينانى جاۋىزداردان جان الىسىپ، جان بەرىسىپ قورعاپ جۇرگەن بارلىق جاۋىنگەرىمىزگە تاعزىم ەتىپ، العىس ايتامىز... سەندەردى ٵردايىم بار جۇرەگىمىزبەن قولدايمىز، سەندەر ٷشىن جان-تانىمىزبەن دۇعا ەتەمىز». (كيەۆ ٴميتروپوليتى I ەپيفانييدىڭ ٴسوزى، Jerusalem Post، 16-ناۋرىز، 2022)
«ورىس پراۆوسلاۆ شىركەۋىنىڭ باسشىسى جەكسەنبى كۇنى ورىس جاۋىنگەرلەرىنە ارناپ ارنايى ٴدىني جيىن وتكىزدى. ماسكەۋدىڭ ۋكرايناعا شابۋىلى ٵلى دە جالعاسىپ جاتقاندىقتان، ول ساربازداردى ەلدەرىن «تەك ورىستار عانا قورعاي الاتىنداي» قورعاۋعا شاقىردى» (Reuters، 3-ٴساۋىر، 2022).
ماسىحشىلەر سوعىسقا قاتىسۋى كەرەك پە؟ كيەلى كىتاپتا بۇل جايىندا نە دەلىنگەن؟
كيەلى كىتاپتىڭ ايتارى
كيەلى كىتاپتان يسا ٴماسىحتىڭ شىن ٸزباسارلارى سوعىسقا قاتىسپاۋ كەرەكتىگى كورىنەدى.
«سەمسەرىڭدى قىنابىنا سال! قولىنا سەمسەر العانداردىڭ ٴبارى سەمسەردەن ولەدى» (ماتاي 26:52).
سوعىساتىن نە ونى جاقتايتىن ادامدى يسانىڭ وسى سوزدەرىن شىنىمەن ورىندايدى دەۋگە بولا ما؟
«سەندەرگە جاڭا وسيەت بەرىپ وتىرمىن: ٴبىر-ٴبىرىڭدى سۇيىڭدەر. مەن سەندەردى قالاي سۇيسەم، سەندەر دە ٴبىر-ٴبىرىڭدى سولاي سۇيىڭدەر. مەنىڭ شاكىرتتەرىم ەكەندەرىڭدى جۇرتتىڭ ٴبارى ٶزارا سۇيىسپەنشىلىكتەرىڭنەن بىلەتىن بولادى» (جوحان 13:34، 35).
سوعىستى قولدايتىن ادام يسانىڭ شاكىرتىنە ٴتان وسىنداي سۇيىسپەنشىلىكتى تانىتا ما؟
كوبىرەك بىلگىڭىز كەلسە، «حريستيان ٴدىنى مەن سوعىس ۇيلەسە مە؟« (حانزۇشا) دەگەن ماقالانى وقىپ كورىڭىز.
ماسىحشىلەر مەن بۇگىنگى سوعىس
بۇگىندە ماسىحشىلەردىڭ سوعىسقا قاتىسپاۋى مۇمكىن بە؟ ٴيا، مۇمكىن. ٴبىز كيەلى كىتاپتا «سوڭعى كۇندەر« دەپ اتالعان ۋاقىتتا ٶمىر ٴسۇرىپ جاتىرمىز. وسى ۋاقىتتا يسانىڭ تالىمدەرىنە ساي، بارلىق حالىقتار «سوعىسۋدى ۇيرەنبەيتىن بولاتىنى» الدىن الا ايتىلعان (يشايا 2:2، 4).
بۇل تۋرالى «سوعىسقا قاتىستى قۇدايدىڭ كوزقاراسى قانداي؟» دەگەن «كۇزەت مۇناراسىنداعى» ماقالالار توپتاماسىنان كوبىرەك بىلەسىز.
جۋىردا «تىنىشتىقتىڭ قۇدايى» ەحوبا a كوكتەگى ۇكىمەتى ارقىلى ادامداردى قاناۋشىلىق پەن زۇلىمدىقتان قۇتقارادى (فىلىپىلىكتەرگە 4:9؛ ٴزابۇر 72:14).
قۇداي مۇنى قالاي ىستەيتىنىن بىلگىڭىز كەلسە، «قۇداي پاتشالىعى دەگەن نە؟» بەينەروليگىن كورىڭىز.
a ەحوبا دەگەن — قۇداي تاعالانىڭ ٴتول ەسىمى (ٴزابۇر 83:18).
قىزىقتى بولار مالىمەتتەر
سەرگەك بولىڭدار!
ۋكرايناداعى ٴدىن مەن سوعىس. كيەلى كىتاپ بۇل جايلى نە دەيدى؟
ەكى جاقتاعى شىركەۋ باسشىلارى سوعىس ٶز ىقپالىن تەرىس قولدانۋدا. بۇدان ولار يسانىڭ شاكىرتتەرىنە بەرگەن وسيەتتەرىنە مويىنسۇنباي جاتقاندارى كورىنەدى.
ESSENTIAL BIBLE TEACHINGS
قۇداي نەگە قايعى-قاسىرەتكە جول بەرەدى؟
كيەلى كىتاپتا بۇل سۇراققا قاتىستى جۇبانىش بەرەتىن تولىققاندى جاۋاپ بار.
كيەلى كىتاپ. سۇراقتار مەن جاۋاپتار
قۇداي پاتشالىعى دەگەن نە؟
قۇداي پاتشالىعى نەگە ادامي ۇكىمەتتەردىڭ بارىنەن اسىپ تۇسەتىنى جايىندا ٴبىلىڭىز.
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.
