رەسەي ۋكرايناعا باسىپ كىردى
سەرگەك بولىڭدار!
الەمدىك ليدەرلەردىڭ سوعىستى بولدىرماۋعا قانشا تىرىسقاندارىنا قاراماستان، 2022-جىلدىڭ 24-اقپان كۇنى تاڭ اتا رەسەي اسكەرى ۋكرايناعا باسىپ كىردى. بۇل جاعداي الەمدىك احۋالعا قالاي اسەر ەتۋى مۇمكىن؟ بىرىككەن ۇلتتار ۇيىمىنىڭ باس حاتشىسى انتونيۋ گۋتەررەش بىرنەشە كۇن بۇرىن: «اسكەري قاقتىعىستىڭ كەسىرىنەن قانشاما ادام قاسىرەتكە قالىپ، قانداي زاقىم كەلەتىنىن، ونىڭ ەۋروپا مەن الەمنىڭ قاۋىپسىزدىگىنە تيگىزەر زيانىن ەلەستەتۋ مۇمكىن ەمەس»،— دەگەن ەدى.
كيەلى كىتاپقا ساي وسىنداي وقيعالاردىڭ ٴمانى نەدە؟
يسا ٴماسىح «ۇلت ۇلتقا قارسى، مەملەكەت مەملەكەتكە قارسى اتتاناتىنىن» الدىن الا ايتىپ كەتكەن (ماتاي 24:7). يسانىڭ ايتقان وسى پايعامبارلىعى بۇگىندە قالاي ورىندالىپ جاتقانى تۋرالى «سوڭعى كۇندەردىڭ» ياكي اقىرزاماننىڭ بەلگىسى قانداي؟» دەگەن ماقالادان وقىپ كورىڭىز.
كيەلى كىتاپتىڭ ايان كىتابىندا سوعىس «وتتاي قىزىل» اتقا مىنگەن سالت اتتى رەتىندە بەينەلەنگەن. وعان «جەر بەتىنەن تىنىشتىقتى جويۋ بيلىگى بەرىلگەن» (ايان 6:4). بۇل پايعامبارلىقتىڭ بۇگىنگى تاڭدا بولىپ جاتقان سوعىستارعا قانداي قاتىسى بار ەكەنىن ٴبىلۋ ٷشىن «اتقا قونعان تورتەۋ: ول كىمدەر؟» دەگەن ماقالانى وقىپ كورىڭىز.
كيەلى كىتاپتىڭ دانيال كىتابىندا «سولتۇستىك پاتشاسى» مەن «وڭتۇستىك پاتشاسىنىڭ» تەكەتىرەسەتىنى الدىن الا پايعامبارلىق ەتىلگەن (دانيال 11:25—45). رەسەي مەن ونىڭ وداقتاستارىن نەگە «سولتۇستىك پاتشا» دەپ ايتۋعا بولادى؟ مۇنى ٴبىلۋ ٷشىن «دانيال كىتابىنىڭ 11 تاراۋىنداعى ورىندالعان پايعامبارلىق» دەگەن ۆيدەونى قاراڭىز a.
سونداي-اق ايان كىتابىندا «قۇدىرەتى شەكسىز قۇدايدىڭ ۇلى كۇنى بولاتىن سوعىس» جايلى ايتىلعان (ايان 16:14، 16). الايدا بۇل بۇگىندە ٴبىز كورىپ جۇرگەن ۇلتتار اراسىنداعى سوعىس ەمەس. بولاشاقتا بولاتىن سول وقيعا جايلى كوبىرەك ٴبىلۋ ٷشىن «ارماگەددون سوعىسى دەگەن نە؟» دەگەن ماقالانى وقىپ كورىڭىز.
بولاشاققا نەگە ۇمىتپەن قاراساق بولادى؟
كيەلى كىتاپتا قۇدايدىڭ «كۇللى جەرجۇزىندەگى سوعىستاردى توقتاتاتىنى» ايتىلعان (ٴزابۇر 46:9). بولاشاقتا ورىندالاتىن قۇدايدىڭ ۋادەلەرى جايلى كوبىرەك ٴبىلۋ ٷشىن «جارقىن بولاشاققا جارىق ٷمىت» دەگەن ماقالانى وقىڭىز.
يسا شاكىرتتەرىنە قۇداي پاتشالىعىنىڭ كەلۋىن سۇراپ دۇعا ەتۋدى ۇيرەتكەن (ماتاي 6:9، 10). بۇل پاتشالىق — قۇدايدىڭ جەرگە قاتىستى نيەتىن جۇزەگە اسىراتىن كوكتەگى ۇكىمەت. ال قۇدايدىڭ نيەتىنە بۇكىلالەمدىك بەيبىتشىلىك تە كىرەدى. وسى ۇكىمەتتىڭ سىزگە قانداي يگىلىك اكەلەتىنىن «قۇداي پاتشالىعى دەگەن نە؟» دەپ اتالاتىن ۆيدەودان كورىڭىز.
ۋكراينادا 129 000 استام ەحوبا كۋاگەرى تۇرادى. باسقا ەلدەگى كۋاگەرلەر سياقتى ولار دا يساعا ەلىكتەپ ساياسي بەيتاراپتىق ساقتايدى جانە سوعىسقا قاتىسپايدى (جوحان 18:36). دۇنيەجۇزى بويىنشا ەحوبا كۋاگەرلەرى «پاتشالىق جايلى ىزگى حاباردى» ۋاعىزدايدى (ماتاي 24:14). سەبەبى وسى پاتشالىق قانا ادامزاتتىڭ بۇكىل پروبلەمالارىن شەشەدى، سوعىستاردى دا توقتاتادى. كيەلى كىتاپتاعى ٷمىت جايلى كوبىرەك بىلگىڭىز كەلسە، ٴبىزبەن بايلانىسساڭىز بولادى.
a وسى پايعامبارلىقتى تىڭعىلىقتى قاراستىرۋ ٷشىن «اقىرعى ۋاقىتتاعى «سولتۇستىك پاتشاسى» جانە «بۇگىندە «سولتۇستىك پاتشاسى» كىم؟» دەگەن ماقالالاردى وقىپ كورىڭىز.
قىزىقتى بولار مالىمەتتەر
سەرگەك بولىڭدار!
بوسقىندار داعدارىسى: ميلليونداعان ادام ۋكراينادان قاشۋدا
بۇل جاعدايدىڭ تۇپكى سەبەبى جانە ونىڭ قالاي شەشىلەتىنى كيەلى كىتاپتا ايتىلعان.
كيەلى كىتاپ. سۇراقتار مەن جاۋاپتار
قۇداي پاتشالىعى قانداي يگىلىك اكەلەدى؟
جەر بەتىنە قۇدايدىڭ ۇكىمەتى بيلىك ەتكەندە، ٶمىر قانداي بولاتىنى جايلى ٴبىلىڭىز.
ESSENTIAL BIBLE TEACHINGS
قۇداي پاتشالىعى دەگەن نە؟
يسا پايعامبار جەردە بولعاندا، باسقا تاقىرىپتارعا قاراعاندا قۇداي پاتشالىعى جايلى وتە كوپ ٴتالىم بەرگەن.
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.
