سەرگەك بولىڭدار!
جاھاندىق ازىق-تۇلىك تاپشىلىعى. بۇل تۋرالى كيەلى كىتاپتا نە دەلىنگەن؟
ۋكرايناداعى سوعىس بار، كليماتتىڭ وزگەرۋى بار، نە كەرەك، دۇنيەجۇزىندەگى ازىق-تۇلىكتىڭ احۋالى ٴماز ەمەس. اسىرەسە دامىپ جاتقان ەلدەردە ازىق-تۇلىك ماسەلەسى تۇرالاپ تۇر.
«قاقتىعىس، كليماتتىڭ وزگەرۋى جانە مۇناي ونىمدەرىنىڭ قۇنىنىڭ شارىقتاۋى مەن باسقا دا فاكتورلاردىڭ كەسىرىنەن تاماق ٶندىرىسى اقساڭداپ، ازىق-تۇلىك داعدارىسى ۋشىعىپ تۇر»،— دەيدى بۇۇ-نىڭ باس حاتشىسى انتونيۋ گۋتەررەش (17-شىلدە، 2023-جىل).
«ەكسپەرتتەردىڭ بولجامداۋىنشا، رەسەيدىڭ ٴداندى داقىلداردى ەكسپورتتاۋ كەلىسىمشارتىنان شىعىپ كەتۋىنە بايلانىستى جاھاندىق ازىق-تۇلىك ماسەلەسىنىڭ وزەكتىلىگى ارتپاسا، كەمىمەك ەمەس. بۇل اسىرەسە سولتۇستىك افريكا مەن تاياۋ شىعىس سياقتى كەدەي ەلدەردەگى تاماق ماسەلەسىن ودان سايىن قيىنداتايىن دەپ تۇر» (Atalayar.com، 23-شىلدە، 2023-جىل).
ازىق-تۇلىك داعدارىسى تۋرالى كيەلى كىتاپتا نە ايتىلعانى مەن الداعى كۇننەن نە كۇتۋگە بولاتىنىن وقىپ كورىڭىز.
ازىق-تۇلىك تاپشىلىعى بولاتىنى الدىن الا ايتىلعان
يسا پايعامبار: «ۇلت ۇلتقا قارسى، مەملەكەت مەملەكەتكە قارسى اتتانادى، ٴتۇرلى جەرلەردە اشارشىلىق... بولادى»،— دەپ پايعامبارلىق ەتكەن (ماتاي 24:7).
كيەلى كىتاپتىڭ ايان كىتابىندا ٴتورت سالت اتتى تۋرالى ايتىلعان. سالت اتتىلاردىڭ بىرەۋى سوعىستى بىلدىرەدى. ال سودان كەيىن شىعاتىن سالت اتتى اشتىقتى، ياعني ازىق-تۇلىك جەتىسپەۋشىلىگى مەن ونىڭ باعاسى اسپانداپ كەتەتىنىن بەينەلەيدى. ول كيەلى كىتاپتا بىلاي دەپ سيپاتتالعان: «قاراسام، الدىمدا قارا ات تۇر ەكەن. ۇستىندەگى سالت اتتى قولىنا تارازى ۇستاپتى. سوندا مەن نوكەرلەر جاعىنان شىققان: «ٴبىر كۇندىك ەڭبەكاقىعا تەك ٴبىر قاداق بيداي نەمەسە ٷش قاداق ارپا عانا بەرىلمەك»،— دەگەن داۋىستى ەستىدىم» (ايان 6:5، 6، «جاڭا ٶمىر» باسپاسى).
وسى پايعامبارلىق سوزدەر بۇگىندە ورىندالىپ جاتىر. ٴبىز ٶمىر ٴسۇرىپ جاتقان كۇندەر كيەلى كىتاپتا «سوڭعى كۇندەر» دەپ اتالادى (تىموتەگە 2-حات 3:1). «سوڭعى كۇندەر» مەن ٴتورت سالت اتتى جايلى تولىعىراق ٴبىلۋ ٷشىن «1914-جىلدان باستاپ الەم وزگەردى» دەگەن ۆيدەونى قاراڭىز جانە «اتقا قونعان تورتەۋ: ول كىمدەر؟» دەگەن ماقالانى وقىڭىز.
كيەلى كىتاپتىڭ كومەگى
كيەلى كىتاپتا ازىق-تۇلىك باعاسى وسكەندە جانە تاماق تاپشىلىعى بولعاندا كۇن كورۋگە قاتىستى ٴتيىمدى كەڭەستەر بار. سول كەڭەستەردىڭ كەيبىرىن «ازعا قاناعات ەتۋ» دەگەن ماقالادان تابا الاسىز.
كيەلى كىتاپتا كەلەر كۇننەن جاقسىلىق كۇتە الاتىنىمىز ايتىلعان. وندا «جەر بەتىنە استىق مول شىعاتىنى» جانە اركىم تويىنا ٸشىپ-جەيتىنى ايتىلعان (ٴزابۇر 72:16). وسى كەمەل كەلەشەك جايلى كوبىرەك بىلگىڭىز كەلسە، «جارقىن بولاشاققا جارىق ٷمىت» دەگەن ماقالانى وقىپ كورىڭىز.
قىزىقتى بولار مالىمەتتەر
سەرگەك بولىڭدار!
ۋكرايناداعى سوعىستان جاھاندىق ازىق-تۇلىك تاپشىلىعى ۇدەپ تۇر. بۇل جايلى كيەلى كىتاپتا نە دەلىنگەن؟
ازىق-تۇلىك تاپشىلىعى بولاتىنىن كيەلى جازبالار كۇنى بۇرىن ايتىپ كەتكەن ٵرى سول قيىن شاقتان ٶتۋدىڭ دە جولىن كورسەتىپ كەتكەن.
«سەرگەك بولىڭدار!»
قاتتى قۇرعاقشىلىقتار. كيەلى كىتاپتا نە دەلىنگەن؟
الەمدى الاڭداتقان بۇل پروبلەما شەشىلە مە؟ جەرىمىز قالپىنا كەلەتىنىنە ٷمىت بار ما؟
كيەلى كىتاپ. سۇراقتار مەن جاۋاپتار
«سوڭعى كۇندەردىڭ» ياكي اقىرزاماننىڭ بەلگىسى قانداي؟
كيەلى جازبالاردا «زاماننىڭ اقىر سوڭى» كەلەر الدىندا بولاتىن وقيعالار مەن جاعدايلار الدىن الا جازىلعان.
ESSENTIAL BIBLE TEACHINGS
قۇداي نەگە قايعى-قاسىرەتكە جول بەرەدى؟
كيەلى كىتاپتا بۇل سۇراققا قاتىستى جۇبانىش بەرەتىن تولىققاندى جاۋاپ بار.
كيەلى كىتاپ. سۇراقتار مەن جاۋاپتار
ٷمىت بەرەر نە بار؟
ٷمىتتىڭ سەنىمدى بۇلاعى ٶمىرىڭىزدى كوركەيتىپ، بولاشاققا نىق سەنىممەن قاراتادى.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.
