سەرگەك بولىڭدار!
2022-جىل — قيىندىققا تولى جىل. كيەلى كىتاپتا نە دەلىنگەن؟
2022-جىلى سوعىس، ەكونوميكالىق تاپشىلىق، ەكولوگيالىق اپاتتار جايلى جامان جاڭالىقتار قارشا بورادى. بۇل قيىندىقتاردىڭ تۇپكى سەبەبى كيەلى كىتاپتا عانا ايتىلعان.
تۇپكى سەبەبى
سوڭعى جىلى ورىن العان وقيعالار ادامزات بالاسىنىڭ كيەلى كىتاپتا «سوڭعى كۇندەر» دەپ اتالاتىن كەزەڭدە ٶمىر ٴسۇرىپ جاتقانىنا تاعى ٴبىر رەت كوزىمىزدى جەتكىزدى (تىموتەگە 2-حات 3:1). «سوڭعى كۇندەر» 1914-جىلى باستالعان. كيەلى كىتاپتا الدىن الا ايتىلعان سوزدەر ٴبىزدىڭ كۇنىمىزدە قالاي دالمە-ٴدال ورىندالىپ جاتقانىن بايقاپ كورەيىك.
«سوعىستار» (ماتاي 24:6).
«2022-جىلى ەۋروپاعا سوعىس قاۋىپى قايتا ٴتوندى» a.
«رەسەي ۋكرايناعا باسىپ كىردى» دەگەن ماقالانى قاراڭىز.
اشارشىلىق (ماتاي 24:7).
«2022-جىلى ادامزات تاريحىندا بولماعان اشارشىلىق بەلەڭ الدى» b.
«ۋكرايناداعى سوعىستان جاھاندىق ازىق-تۇلىك تاپشىلىعى ۇدەپ تۇر» دەگەن ماقالانى قاراڭىز.
«ىندەتتەر» (لۇقا 21:11).
«پوليوميەليت اۋرۋلارىنىڭ ورشۋىمەن قاتار مايمىل شەشەگى (وسپا)، 19-COVID سياقتى ىندەتتەردىڭ دە كەڭ ەتەك جايۋى ادامزاتقا كوپ زارداپ اكەلۋدە. بۇل جاعداي جۇقپالى اۋرۋلاردىڭ قانشالىقتى كەڭ كولەمدە تارالا الاتىنىن جانە ىندەتتەرمەن كۇرەسۋگە ادامداردىڭ دارمەنسىز ەكەنىن كورسەتىپ وتىر» c.
«COVID ىندەتى 6 ميلليون ادامنىڭ ٶمىرىن جالمادى» دەگەن ماقالانى قاراڭىز.
«قورقىنىشتى نارسەلەر» (لۇقا 21:11).
«2022-جىلدىڭ جازىندا ورىن العان اپتاپ ىستىق، قۇرعاقشىلىق، ورتتەر مەن سۋ تاسقىندارى سياقتى اپاتتار، ٴسوز جوق، ادامداردىڭ ساناسىندا وشپەس ٸز قالدىردى. بۇل اپاتتار تالايلاردىڭ ٶمىرىن جالماپ، ميلليونداعان ادامدى كوشەدە قالدىردى» d.
«الەمدەگى اپتاپ ىستىق بارلىق رەكوردتى باسىپ وزدى» دەگەن ماقالانى قاراڭىز.
«كوتەرىلىستەر» (لۇقا 21:9).
«اسىرەسە ينفلياسيا سياقتى ەكونوميكالىق پروبلەمالاردىڭ شەشىلمەۋى جۇرتتىڭ نارازىلىعىن تۋدىردى. ناتيجەسىندە، 2022-جىلى ۇكىمەتتەرگە قارسى كوتەرىلىستەر سانى بۇرىنعىدان اجەپتەۋىر ارتتى» e.
«دۇنيەجۇزى بويىنشا ينفلياسيا جىلدام ٶسىپ جاتىر» دەگەن ماقالانى قاراڭىز.
كەلەسى جىلدان نە كۇتۋگە بولادى؟
2023-جىلدان نە كۇتۋگە بولاتىنىن ناقتى ەشكىم كەسىپ ايتا المايدى، ارينە. ٴبىراق ٴبىر بىلەرىمىز — وتە جاقىن ارادا قۇداي پاتشالىعى، ياعني كوكتەگى ۇكىمەت جەردەگى جاعدايدى رەتتەۋگە ٶزى كىرىسەدى (دانيال 2:44). بۇل ۇكىمەت ادامزاتتىڭ قايعى-قاسىرەتىنە نۇكتە قويىپ، قۇداي ەركىن جەر بەتىندە جۇزەگە اسىرادى (ماتاي 6:9، 10).
قۇرمەتتى وقىرمان، ٴبىز ٴسىزدى يسا پايعامباردىڭ «سەرگەك بولىڭدار» دەگەن كەڭەسىنە قۇلاق اسىپ، بۇگىنگى وقيعالاردىڭ كيەلى كىتاپ پايعامبارلىقتارىمەن قالاي بايلانىستى ەكەنىن بايقاي بىلۋگە شاقىرامىز! (مارقا 13:37). كيەلى كىتاپ ٶمىرىڭىزدى قازىردىڭ وزىندە قالاي جاقسارتا الاتىنىن جانە وزىڭىزگە دە، وتباسىڭىزعا دا قالاي جارقىن بولاشاق سيلاي الاتىنىن ٴبىلۋ ٷشىن، بىزگە حابارلاسۋىڭىزدى سۇرايمىز.
a «اسسوشيەيتەد پرەسس»، دجيلل لوۋلەسس. 8-جەلتوقسان، 2022.
b «دۇنيەجۇزىلىك ازىق-تۇلىكپەن قامتۋ جوباسى»/«دۇنيەجۇزىلىك ازىق-تۇلىك تاپشىلىعى».
c «JAMA Health Forum»/«پاندەميا زامانى: 19-COVID، مايمىل شەشەگى، پوليوميەليت، ح اۋرۋى»، لوۋرەنس گوستين. 22-قىركۇيەك، 2022.
d «Earth.Org»/«2022-جىلدىڭ جازىنداعى رەكوردتاردى باسىپ وزعان اپتاپ ىستىققا نە سەبەپ؟»، مارتينا يگيني. 24-قازان، 2022.
e «كارنەگي فوندى»/«ادامداردىڭ اشۋىن ورشىتكەن ەكونوميكالىق قيىندىقتار. 2022-جىلعى ەرەۋىلدەر»، توماس كاروتەرس پەن بەندجامين فەلدمان. 8-جەلتوقسان، 2022.