20-زەرتتەۋ ماقالاسى
قىزمەتىڭىزدى قۋانىشپەن اتقارا بەرىڭىز!
«تۇقىمىڭدى تاڭەرتەڭ سەپ، كەشكە دەيىن دە قولىڭ تىنىم تاپپاسىن» (ۋاع. 11:6).
70-ٵن لايىق ادامداردى ىزدەپ تابايىق
اڭداتپا *
يسا كوككە كوتەرىلگەننەن كەيىن شاكىرتتەرى يەرۋساليم مەن باسقا جەرلەردە قۇلشىنا ۋاعىزدادى (1-ابزاستى قاراڭىز).
1. يسا ٸزباسارلارىنا قانداي ۇلگى قالدىردى جانە ٸزباسارلارى نە ىستەدى؟ (مۇقاباداعى سۋرەتتى قاراڭىز.)
يسا جەردە بولعان كەزىندە قىزمەتىن قۋانىشپەن اتقارعان، ادامدار حابارىنا قۇلاق اسادى دەپ ۇمىتتەنگەن. ول ٸزباسارلارىنىڭ دا قىزمەتتى قۋانىشپەن اتقارعاندارىن قالايدى (جوح. 4:35، 36). يسا قاستارىندا جۇرگەندە شاكىرتتەرى زور قۇلشىنىسپەن ۋاعىزدادى (لۇقا 10:1، 5—11، 17). ٴبىراق ول تۇتقىندالىپ، ولىمگە كەسىلگەندە، ولاردىڭ ىقىلاستارى ٴسونىپ قالدى (جوح. 16:32). قايتا تىرىلگەن سوڭ، يسا شاكىرتتەرىن قايتادان ۋاعىز ىسىنە قايرادى. يەلەرى كوككە كوتەرىلىپ كەتكەننەن كەيىن، ولار ۋاعىز ٸسىن جان سالا اتقارىپ، «تالىمدەرىن بۇكىل يەرۋساليمگە تاراتتى» (ەل. ٸس. 5:28).
2. ەحوبا ۋاعىز ٸسىن قالاي جارىلقاۋدا؟
2 يسا I عاسىرداعى ماسىحشىلەردىڭ ۋاعىز ىسىنە باعىت-باعدار بەرىپ وتىردى. ەحوبا ولاردىڭ ەڭبەكتەرىن مولىنان جارىلقادى. مىسالى، 33-جىلى ەلۋىنشى كۇن مەيرامىندا ٷش مىڭداي ادام شومىلدىرۋ راسىمىنەن ٶتتى (ەل. ٸس. 2:41). شاكىرتتەردىڭ سانى كۇن ساناپ ٶستى (ەل. ٸس. 6:7). الايدا، يسا ايتىپ كەتكەندەي، ىزگى حابار سوڭعى كۇندەرى بۇدان دا كەڭ كولەمدە تاراماق ەدى (جوح. 14:12؛ ەل. ٸس. 1:8).
3، 4. كەيبىر ايماقتاردا ۋاعىزداۋ نەگە قيىن جانە بۇل ماقالادا نە قاراستىرامىز؟
3 كەي ەلدەردە ىزگى حابارعا قۇلاق اسقان ادامداردىڭ كوپ بولعانى سونشا، باۋىرلاستار ولارمەن كيەلى كىتاپتى زەرتتەپ ۇلگەرمەي جاتادى. مۇنداي اۋماقتا قىزمەتتى زور ىنتامەن اتقاراسىڭ. ال باسقا
ەلدەردە جاريالاۋشىلارعا وڭ كوزقاراس ساقتاۋ ٷشىن ٴبىراز كۇش سالۋ كەرەك. ويتكەنى ادامدار ۇيلەرىنەن تابىلا بەرمەيدى. ٴتىپتى ۇيدە بولعان كۇننىڭ وزىندە ىزگى حاباردى تىڭداعىلارى كەلمەيدى.4 بۇل ماقالاداعى كەڭەستەر ۋاعىزداۋ قيىن ايماقتا قىزمەت ەتەتىن باۋىرلاستارعا پايدالى بولماق. ٴبىز كوبىرەك ادامعا ۋاعىزداۋ ٷشىن كەيبىر جاريالاۋشىلاردىڭ نە ىستەگەنىن قاراستىرامىز. سونداي-اق ادامدار ٴبىزدى تىڭداسىن-تىڭداماسىن، نەلىكتەن وڭ كوزقاراس ساقتاۋىمىز كەرەكتىگىن بىلەمىز.
ادامدار ۇيلەرىندە بولماعاندا قۋانىشىڭىز سونبەسىن
5. كوپ جاريالاۋشى قانداي قيىندىققا كەزىگىپ ٴجۇر؟
5 كوپ كۋاگەرلەر ٷشىن ۇيدەن ۇيگە ۋاعىزداۋ وتە قيىن. كەيبىر ادامدار جوعارى دەڭگەيدە كۇزەتىلەتىن بيىك ۇيلەردە نە قورشالعان قالاشىقتاردا تۇرادى. مۇنداي جەرلەرگە كۇزەتشىلەر ٷي يەسىنىڭ شاقىرۋىنسىز كىرگىزبەۋى مۇمكىن. باسقا ايماقتاردا جاريالاۋشىلار ۇيدەن ۇيگە ەمىن-ەركىن جۇرگەنمەن، ەشكىمدى كەزدەستىرمەۋى مۇمكىن. ال وزگەلەرى از عانا تۇرعىنى بار شالعاي اۋماقتاردا ۋاعىزدايدى. ولار اياق تالدىرىپ، ٴبىر ۇيگە ارەڭ جەتتىم دەگەندە، ۇيدە ەشكىم بولماۋى مۇمكىن. ٴسىز دە وسىنداي قيىندىققا كەزىگىپ جۇرسەڭىز، مويىماڭىز. ويتكەنى بۇل قيىندىقتى جەڭىپ، قىزمەتىڭىزدى جەمىستى اتقارا الاسىز. بۇل ٷشىن نە ىستەۋگە بولادى؟
6. جاريالاۋشىلار قاي جاعىنان بالىقشىعا ۇقسايدى؟
6 يسا ۋاعىز ٸسىن بالىق اۋلاۋعا تەڭەگەن (مار. 1:17). كەيدە بالىقشىلار بىرنەشە كۇن ٴجۇرىپ، بىردە-ٴبىر بالىق ۇستاي المايدى. ٴبىراق ولار «بولدى، جەتەر، ەندى بالىق اۋلامايمىن» دەمەيدى. قايتا، جاعدايعا بەيىمدەلەدى. مىسالى، بالىق اۋلايتىن ۋاقىتتارىن، جەرلەرىن وزگەرتەدى، باسقا تاسىلدەردى قولدانىپ كورەدى. ٴبىز دە قىزمەتتە وسىلاي ەتسەك بولادى. قازىر سونىڭ بىرنەشە جولدارىن قاراستىرايىق.
ادامدار ۇيلەرىندە بولا بەرمەيتىن اۋماقتا قىزمەت ەتسەڭىز، باسقا ۋاقىتتا، باسقا جەردە، باسقا تاسىلمەن ۋاعىزداپ كورىڭىز (7—10-ابزاستاردى قاراڭىز) *
7. ٵرتۇرلى ۋاقىتتا ۋاعىزداعاننىڭ قانداي پايداسى بار؟
7 ادامدارعا ٵرتۇرلى ۋاقىتتا بارىڭىز. ادامدار ۇيلەرىندە بولادى-اۋ دەگەن ۋاقىتتا بارساق، كوپ اداممەن سويلەسە الامىز. ويتكەنى ولار دالادا جۇرە بەرمەي، ايتەۋىر ۇيلەرىنە قايتادى عوي! كوپ باۋىرلاستار ادامداردىڭ ٴتۇس قايتا نە كەشكە ۇيلەرىندە بولاتىنىن بايقاپتى. وسى ۋاقىتتارى ولاردىڭ كوبىسى بوس بولادى، ٵرى اڭگىمەلەسۋگە بەيىم كەلەدى. مىسالى، داۆيد ەسىمدى اقساقال ۋچاسكەدە ۇيىنەن تاپپاعان ادامدارعا قىزمەتىنىڭ سوڭىندا تاعى دا كىرەدى ەكەن. «وسىلاي كوپ ادامدى ۇيلەرىنەن تاپقاندا مەن تاڭعالىپ قالدىم»،— دەيدى ول *.
دامدار ۇيلەرىندە بولا بەرمەيتىن اۋماقتا قىزمەت ەتسەڭىز، باسقا ۋاقىتتا ۋاعىزداپ كورىڭىز (7، 8-ابزاستاردى قاراڭىز)
8. ۋاعىزداۋشى 11:6 داعى كەڭەستى قىزمەتتە قالاي قولدانساق بولادى؟
8 وسى ماقالانىڭ نەگىزگى تارماعىندا ايتىلعانداي، ٴبىز ەش بەرىلمەۋىمىز كەرەك (ۋاعىزداۋشى 11:6 وقىڭىز). جوعارىدا ايتىلعان داۆيد تا سولاي ەتكەن. ول ٴبىر ۇيگە بىرنەشە رەت بارىپ، اقىرى ٷي يەسىن تابادى. ول كىسى ىزگى حابارعا قۇلاق استى جانە بىلاي دەدى: «وسى ۇيدە 8 جىلدان بەرى تۇرامىن، ٴبىراق ەحوبا كۋاگەرلەرىنىڭ كەلگەنىن ٴبىرىنشى رەت كورىپ تۇرمىن». داۆيد باۋىرلاس بىلاي دەيدى: «ۇيىنە كوپ رەت بارىپ تاپقان ادامدار ادەتتە جاقسى تىڭدايدى».
ادامدار ۇيلەرىندە بولا بەرمەيتىن اۋماقتا قىزمەت ەتسەڭىز، باسقا جەردە ۋاعىزداپ كورىڭىز (9-ابزاستى قاراڭىز)
9. ۇيلەرىندە بولا بەرمەيتىن ادامدارعا ۋاعىزداۋ ٷشىن كەيبىر كۋاگەرلەر نە ىستەگەن؟
9 باسقا اۋماقتا ۋاعىزداڭىز. ۇيلەرىندە جوق ادامداردى باسقا جەرلەردە كەزدەستىرۋگە بولادى. مىسالى، كىرۋگە رۇقسات ەتىلمەيتىن كوپ قاباتتى ۇيلەردە تۇراتىن ادامداردى كوشەدە نە ادەبيەت ارباسىمەن ۋاعىزداعاندا جولىقتىرۋعا بولادى. كوپ جاريالاۋشى ادامداردىڭ ساياباقتاردا، بازارلاردا، ساۋدا ورتالىقتارىندا حابارىمىزدى جاقسى تىڭداپ، ادەبيەتتەر الاتىنىن بايقاعان. بوليۆياداعى فلوران ەسىمدى ٴبىر اۋداندىق باقىلاۋشى بىلاي دەيدى: «ٴبىز بازارلارعا، ساۋدا ورتالىقتارىنا تۇسكى ساعات ٴبىر مەن ٷش ارالىعىندا بارامىز. وسى كەزدە ساتۋشىلاردىڭ قولدارى بوستاۋ بولاتىنىن بايقادىق. ولارمەن جاقسى اڭگىمەلەسىپ، كەيدە كيەلى كىتاپ زەرتتەۋ ساباقتارىن باستاپ جاتامىز».
ادامدار ۇيلەرىندە بولا بەرمەيتىن اۋماقتا قىزمەت ەتسەڭىز، باسقا تاسىلمەن ۋاعىزداپ كورىڭىز (10-ابزاستى قاراڭىز)
10. ۋاعىزداۋدىڭ تاعى قانداي تاسىلدەرى بار؟
10 باسقا تاسىلمەن ۋاعىزداڭىز. ادامعا قايتا-قايتا جانە ٵرتۇرلى ۋاقىتتا بارساڭىز دا ونى ۇيىنەن تاپپاساڭىز نە ىستەۋگە بولادى؟ كاتارينا دەگەن باۋىرلاس بىلاي دەيدى: «مەن ٷي يەسىنە ايتقىم كەلگەن سوزدەردى حاتقا جازىپ قالدىرامىن». بۇل باۋىرلاسىمىزدان نە ۇيرەنەمىز؟ قانداي تاسىلمەن ۋاعىزدامايىق، ىزگى حاباردى اۋماعىمىزداعى ٵربىر ۇيگە جەتكىزۋگە تىرىسايىق.
ادامدار تىڭداعىسى كەلمەگەندە قۋانىشىڭىز سونبەسىن
11. كەيبىر ادامدار نەگە ىزگى حاباردى تىڭداعىلارى كەلمەيدى؟
11 قىزمەتتە كەيبىر ادامدار ٴبىزدى تىڭداعىلارى كەلمەيدى. ولار قۇداي تۋرالى، كيەلى كىتاپ
تۋرالى ٴبىلۋىم كەرەك دەپ ويلامايدى. ويتكەنى دۇنيەدە بولىپ جاتقان قايعى-قاسىرەتتى، نەشە ٴتۇرلى جاماندىقتى كورىپ، قۇدايدىڭ بار ەكەنىنە سەنبەيدى. كەيبىرەۋلەرى كيەلى كىتاپتى وقيمىز دەيتىن ٴدىني جەتەكشىلەردىڭ ەكىجۇزدىلىگىن كورگەندىكتەن، كيەلى كىتاپتىڭ بەتىن اشقىزبايدى. ال جۇمىستارىن، وتباسىلارىن، جەكە پروبلەمالارىن كوپ ويلاپ قينالىپ جۇرگەن ادامدار بولسا كيەلى كىتاپتىڭ ولارعا كومەكتەسە الاتىنىن بىلە بەرمەيدى. ايتىپ جۇرگەن حاٴبارىمىزدىڭ پايداسى جوق دەپ ويلايتىن ادامدارعا ۋاعىزداعاندا قۋانىشتى بولىپ قالۋ ٷشىن نە ىستەي الامىز؟12. فىلىپىلىكتەرگە 2:4 تەگى سوزدەر قىزمەتىمىزگە قالاي كومەكتەسەدى؟
12 ادامنىڭ قامىن ويلايتىنىڭىزدى كورسەتىڭىز. حابارىمىزعا قۇلاق اسپاي جۇرگەن كوپ ادام جاريالاۋشىنىڭ شىنايى قامقورلىعىن كورگەندە ويلارىن وزگەرتكەن (فىلىپىلىكتەرگە 2:4 وقىڭىز). جوعارىدا ايتىلىپ كەتكەن داۆيد باۋىرلاس بىلاي دەيدى: «ەگەر ادام «جوق، ماعان كەرەك ەمەس» دەسە، وندا كيەلى كىتابىمىزدى نەمەسە ادەبيەتىمىزدى سومكەمىزگە سالامىز دا: —بۇلاي دەۋىڭىزگە ٴبىر سەبەپ بار سياقتى عوي، ايتىپ بەرگىڭىز كەلمەي مە؟— دەيمىز». ادام ٴسىزدىڭ وعان دەگەن شىنايى قامقورلىعىڭىزدى بىردەن سەزەدى. ول كەيىن ٴسىزدىڭ نە ايتقانىڭىزدى ۇمىتىپ قالسا دا، مەيىرىمدىلىگىڭىزدى ەشقاشان ۇمىتپاۋى مۇمكىن. ٴتىپتى ول سىزگە ىزگى حابار جايلى ايتۋعا مۇرشا بەرمەسە دە، بەت-الپەتىڭىزبەن، قيمىل-ارەكەتىڭىزبەن ول ادامنىڭ ٴسىز ٷشىن ماڭىزدى ەكەنىن بىلدىرە الاسىز.
13. ايتاتىن حابارىمىزدى ٷي يەسىنە قالاي بەيىمدەۋگە بولادى؟
13 قىزمەتتە ٷي يەسىنە قىزىق بولاتىن، ول قاجەت ەتەتىن ويدى ايتساق — ونىڭ قامىن ويلاعانىمىز. مىسالى، ول ۇيدە كىشكەنتاي بالالار بار شىعار. ونداي كەزدە اتا-انالارىنا بالا تاربيەسى جايلى نەمەسە وتباسىن باقىتتى ەتۋگە قاتىستى كيەلى كىتاپتاعى كەڭەستەردى كورسەتۋگە بولادى. بالكىم، ٴۇيدىڭ ەسىگى كوپ جەردەن قۇلىپتاناتىن شىعار. وندايدا دۇنيەنى قىلمىس جايلاپ كەتكەنى، ادامداردىڭ قورقىپ ٶمىر سۇرەتىنى جايىندا اڭگىمە باستاپ، بولاشاقتا ماڭگىلىككە تىنىشتىق ورنايتىنىن ايتساڭىز بولادى. اداممەن قانداي تاقىرىپتا سويلەسسەڭىز دە، كيەلى كىتاپتىڭ ول ٷشىن پايدالى ەكەنىن كورسەتىڭىز. كاتارينا باۋىرلاس بىلاي دەيدى: «شىندىق مەنىڭ ٶمىرىمدى قالاي جاقسارتقانىن ٴجيى ەسكە الىپ وتىرامىن. سوندا ادامدارعا سەنىممەن سويلەيتىنىمدى بايقادىم».
14. ناقىل سوزدەر 27:17 گە ساي، قىزمەتكە شىققان ەكى جاريالاۋشى ٴبىر-بىرىنە قالاي كومەكتەسە الادى؟
قور. 1-ح. 4:17). ٴبىز دە تىموتە سياقتى، قاۋىمداعى تاجىريبەلى باۋىرلاستاردان كوپ نارسە ۇيرەنە الامىز (ناقىل سوزدەر 27:17 وقىڭىز). شون دەگەن ەر باۋىرلاس ادامدارى ٶز ٴدىنىن بەرىك ۇستاناتىن اۋىلدى جەردە ٸزاشار بولىپ قىزمەت ەتكەن ەكەن. وعان قىزمەتىن قۋانىشپەن اتقارۋعا نە كومەكتەستى؟ ول بىلاي دەيدى: «قىزمەتكە شىققان باۋىرلاس ەكەۋمىز ٴبىر-بىرىمىزگە جاقسى سەرىك بولۋعا كۇش سالدىق. ٴبىز ٴبىر ۇيدەن شىعىپ ەكىنشى ۇيگە جەتكەنشە ٴبىر-ٴبىرىمىزدىڭ ٴتالىم بەرۋ شەبەرلىگىمىزدى شىڭدايتىنبىز. الدىڭعى ٷي يەسىمەن قالاي سويلەسكەنىمىزدى ايتىپ، وسىنداي جاعدايعا تاعى كەزىكسەك، قالاي جاقسىراق جاۋاپ بەرۋگە بولاتىنىن تالقىلايتىنبىز».
14 قىزمەتتەگى سەرىگىڭىزدىڭ كومەگىنە جۇگىنىڭىز. I عاسىردا ەلشى پاۋىل تىموتەگە ۋاعىزداۋدىڭ جانە ٴتالىم بەرۋدىڭ جاقسى ادىستەرىن ۇيرەتكەن. ول وعان وسى بىلگەندەرىن وزگە ماسىحشىلەرگە دە ۇيرەتۋدى تاپسىردى (15. ۋاعىز ىسىندە دۇعانىڭ ماڭىزى قانداي؟
15 ەحوباعا دۇعا ايتىڭىز. ٴبىز ەحوبانىڭ قۇدىرەتتى كيەلى رۋحى بولماسا ەشقانداي ٸستى اتقارا المايمىز. سوندىقتان قىزمەتكە شىعاردا ۇنەمى ودان كومەك سۇراڭىز (ٴزاب. 127:1؛ لۇقا 11:13). مىسالى، «سەنى تانىپ بىلگىسى كەلەتىن، شىندىققا سۋساعان ادامداردى جولىقتىرشى» دەپ ناقتى دۇعا ايتىڭىز. سوسىن دۇعاڭىزعا ساي ارەكەت ەتىپ، قىزمەتتە جولىققان ادامداردىڭ بارىنە ۋاعىزداڭىز.
16. ۋاعىز ىسىندە جەكە زەرتتەۋدىڭ ماڭىزى قانداي؟
16 ۋاقىت ٴبولىپ، جەكە زەرتتەڭىز. كيەلى كىتاپتا: «قۇدايدىڭ ىزگى دە ۇنامدى ٵرى كەمەلدى ەركىنە نە جاتاتىنىنا كوز جەتكىزىڭدەر»،— دەلىنگەن (ريم. 12:2). قۇداي تۋرالى شىندىقتى كوبىرەك بىلگەن سايىن، قىزمەتتە ادامدارعا سەنىممەن سويلەيتىن بولامىز. كاتارينا باۋىرلاس بىلاي دەيدى: «ماعان كيەلى كىتاپتىڭ نەگىزگى ىلىمدەرىن تاعى ٴبىر زەرتتەپ، سەنىمىمدى قاتايتۋ كەرەك بولدى. سودان مەن جاراتۋشى قۇدايدىڭ بار ەكەنىن جانە كيەلى كىتاپ ونىڭ ٴسوزى ەكەنىن بۇگە-شىگەسىنە دەيىن زەرتتەدىم، ٵرى ۇيىمىمىزدىڭ ارتىندا ەحوبانىڭ ٶزى تۇرعانىنا تاعى دا كوز جەتكىزدىم». وسىلاي كاتارينا سەنىمىن نىعايتتى جانە قىزمەتىن بۇرىنعىدان دا زور قۋانىشپەن اتقاراتىن بولدى.
قۋانىشىمىزدى سوندىرمەۋگە سەبەپ
17. نەگە يسا قىزمەتىن قۋانىشپەن اتقارا بەرگەن؟
17 كەيبىر ادامدار قۇلاق اسپاسا دا، يسا ىزگى حاباردى قۋانىشپەن ۋاعىزداي بەرگەن. ويتكەنى ول ادامداردىڭ شىندىققا قانشالىقتى ٴزارۋ ەكەنىن بىلگەن جانە مۇمكىندىگىنشە كوپ ادامعا پاتشالىق تۋرالى حاباردى جەتكىزگىسى كەلگەن. سونداي-اق باسىندا تىڭداماسا دا، كەيىنىرەك ويلارىن وزگەرتەتىن ادامداردىڭ دا بولاتىنىن بىلگەن. مىسالى، يسانىڭ ٶز وتباسىن الساق، جەردە ٷش جارىم جىل قىزمەت ەتكەندە بىردە-ٴبىر باۋىرى ونىڭ شاكىرتى بولمادى (جوح. 7:5). ٴبىراق يسا قايتا تىرىلگەن سوڭ ولار ٴماسىحشى بولدى (ەل. ٸس. 1:14).
18. ٴبىز نەلىكتەن ۋاعىزداۋدى دوعارماۋىمىز كەرەك؟
18 ٴبىز ۋاعىزداعان ادامداردىڭ ىشىنەن تۇبىندە قايسىسى ەحوبانىڭ قىزمەتشىسى بولاتىنىن بىلمەيمىز. كەيبىرەۋلەردىڭ شىندىققا كەلۋىنە ۇزاق ۋاقىت كەتۋى مۇمكىن. باسقالارى بولسا باسىندا ٴبىزدى تىڭداماعانمەن، جاقسى پەت. 1-ح. 2:12).
ٴجۇرىس-تۇرىسىمىزدى جانە جۇزىمىزدەن قۋانىش كەتپەيتىنىن كورىپ، كەيىن «قۇدايدى ماداقتاي» باستاۋى مۇمكىن (19. قورىنتتىقتارعا 1-حات 3:6، 7 دە ايتىلعانداي، ٴبىز نەنى ۇمىتپاۋىمىز قاجەت؟
19 شىندىقتىڭ ٴدانىن سەبەتىن جانە سۋاراتىن ٴبىز بولعانمەن، وسىرەتىن — قۇداي ەكەنىن ۇمىتپايىق (قورىنتتىقتارعا 1-حات 3:6، 7 وقىڭىز). ەفيوپيادا قىزمەت ەتەتىن گەتاحۋن ەسىمدى ەر باۋىرلاس بىلاي دەيدى: «تۇراتىن جەرىمدە 20-جىلدان استام ۋاقىت بويى مەنەن باسقا كۋاگەر بولعان جوق. ٴبىراق مۇندا قازىر 14 جاريالاۋشى بار. ونىڭ 13 ٴى شومىلدىرۋ راسىمىنەن وتكەن. ولاردىڭ ىشىندە ايەلىم مەن ٷش بالام بار. قازىر كەزدەسۋلەرىمىزگە شامامەن 32 ادام قاتىسادى». گەتاحۋن باۋىرلاس ەحوبا اقجۇرەك ادامداردى ۇيىمىنا تارتاتىن ۋاقىتتى شىداممەن كۇتتى ٵرى مۇنىڭ كەرەمەت جەمىسىن كوردى! (جوح. 6:44).
20. ٴبىز قاي ماعىنادا قۇتقارۋشىلارعا ۇقسايمىز؟
20 ەحوبا ٷشىن ٵربىر ادامنىڭ ٶمىرى قىمبات. ول ۇلى ەكەۋى وسى دۇنيەنىڭ سوڭى كەلگەنشە بارلىق حالىقتاردان ادامداردى جيناي بەرەدى (حاگ. 2:7). ول بىزگە دە وسى ىسكە قاتىسۋ مارتەبەسىن سيلادى. ٴبىزدىڭ ۋاعىز ٸسىمىز جارىلىس بولعان شاحتاداعى قۇتقارۋ ىسىنە ۇقسايدى. ٴتىرى قالعان شاحتاشىلاردى قۇتقارۋشىلاردىڭ بىرنەشەۋى عانا تابۋى مۇمكىن. دەسە دە قۇتقارۋشىلاردىڭ بارلىعىنىڭ ەڭبەگى باعالى. ٴبىز دە ادامداردى شايتاننىڭ دۇنيەسىنەن قۇتقارىپ جاتىرمىز. الدا ٵلى قانشا ادامدى قۇتقاراتىنىمىزدى بىلمەيمىز. ٴبىراق بۇل ىستە ەحوبا كەز كەلگەنىمىزدى قولدانۋى مۇمكىن. بوليۆيادا تۇراتىن اندرەاس بىلاي دەيدى: «كيەلى كىتاپتى زەرتتەپ، كەيىن شومىلدىرۋ راسىمىنەن وتكەن ٴبىر ادامنىڭ ارتىندا قانشاما كۋاگەردىڭ ەڭبەگى جاتىر دەسەڭىزشى!» ٴبىز دە قىزمەتىمىزگە وسىلاي قارايىق. سوندا ەحوبا ەڭبەگىمىزگە باتاسىن بەرەدى جانە قىزمەتىمىز قۋانىشتىڭ كوزى بولا بەرەدى!
66-ٵن ىزگى حاباردى جاريالايىق
^ 5-ابزاس قىزمەتتە ادامدار ۇيىندە بولماعاندا نەمەسە ايتىپ جاتقان حابارىمىزدى تىڭداعىلارى كەلمەگەندە، ٵرى قاراي دا قۋانىشپەن ۋاعىزداۋ قيىن بولىپ جاتادى. وسىندايدا نە ىستەسەك بولادى؟ بۇل ماقالادا پايدالى بولاتىن ٴبىراز كەڭەستەر بار.
^ 7-ابزاس جاريالاۋشىلار ٴتۇرلى اۋماقتاردى وڭدەگەندە جەكە مالىمەتتى قورعاۋعا قاتىستى زاڭداردى ەسكەرۋلەرى قاجەت.
^ 60-ابزاس سۋرەتتەر سيپاتتاماسى: (جوعارىدان تومەن قاراي): ٴبىر ەرلى-زايىپتىنىڭ ۋچاسكەسىندە ەشكىم ۇيىندە بولمادى. ٴبىرىنشى ٴۇيدىڭ يەسى جۇمىستا، ەكىنشىسى اۋرۋحانادا، ٷشىنشىسى دۇكەندە ٴجۇر. ولار ٴبىرىنشى ٷي يەسىنە سول كۇنى كەشكە باردى. ەكىنشى ٷي يەسىن اۋرۋحانانىڭ جانىندا ادەبيەت ارباسىمەن ۋاعىزداپ تۇرعاندا جولىقتىردى. ال ٷشىنشى ٷي يەسىنە قوڭىراۋ سوقتى.